|
|
 Re: البت الاسمها حنين (Re: اساسي)
|
واحترت في سر احتدام تذكري لك بالمطر
روضة الحاج
البسوم الغالي كاني
ربما من لطائف الله انه انزلي منزلا طيبا في خريف هذا العام هناك بين احبتي..
اربعون يوما كحلم عسير..
فيهاهبطنا مصبحين واديا في الشيخ الياقوت فما خرجنا الا عشاءا حنينا كان ذلك الوادي في النيل الابيض
وفيها قفزت من سور الجامعة نكاية في العمر وانا قادم من القضائية فاندهشت برلومة من اب كرفتة حمرة المفلكب، ثم جلست مستمعا للقدال في (الجي ال تي) نهار نفس اليوم..
وفيها اجلسني كمبال مجالس شوق في ملتقى النيلين..
وفيها رايت خريف ندى شوف ..وكيف يبتل العمر ..حنينا كان ذلك العمر
وفيها تزوجت جودي في القرين فلدج ..وسهير وعبادي اصغرنا سنا.. حنينا كانت تلك الاعراس
وفيها انزلت شذى نجم من سيارة زفافها ..صديقا قديما ذا حضور.. حضورا ذا حنين
وفيها وذات عصر هطول زنقتنا المطرة في المين فلجاءنا الي سقف الاكزام هول قبالة كشك الصافي ..فتجمع الكثيرين حتى غص المكان ..ولان الامطار في بلدي تمنح الناس روحا جديدة تغير مزاجهم ذلك المساء فبداو يدندنون ثم تجامعت الاصوات وغنو ( دي الممطورة ما بتبالي من الرش) في جوقة جماعية وهارموني بديع..
امطرت سماء الخرطوم اربعينئذ شجنا والفة ..حنينا قد امطرت
وفيها رايت في اول مساء لي في الجامعة رمانة تخرج كئيبة من امتحان ..اول مرة اعرفا ذلك المساء.. الظاهر لامن كنا في رابعة جات برلومة..
المهم تحدثوا اليها يزيلون عنها ما الم بها ..من جرسة الاكزام
مشيت ليها وهي تبكي وقلتا ليها ياخي نهاية الدنيا ما في الاكزام هول
قالت لي انتا عايز تنظر لي يااخ ..لو سمحتا ..
قلتا ليها ابدا والله لكن ممكن تحصل ليك مصائب اكبر من كده في الدنيا دي ..كان ما اتحملتي دي ما بتحملك الدنيا ...
قالت لي بي زهج وكاني انا الذي وضعت الامتحان
(مصيبةاكبر من دي شنو انا لي اسبوع كامل بقرا المادة دي )
قلتا ليها يعني ممكن مثلا ممكن تزوجي ويقوم راجلك يطلقك في اسبوع برضو..
البت قالت لي بي دهشة : انتا غبي ولا شنو زح مني كده ولا كده؟؟انتا منو ذاتك؟؟
ثم بعدها بي تلاتة يوم كانت تقول لي في الشرقي : نحن اهل الفرحة جينا لا المدامع وقفتا ولا الحكايات الحزينة....الخ..
غنت لي في الشرقي كما لم يحدث في زمنك الغابر يا دافي
غنت وناس (الصن داي تيم)امامنا في الشرقي وحافلات بحري تعبر بطيئة الكبري القديم ذى المزالج..غنت والمغرب يكاد ياخذ منها ومني..
ثم انها كانت جميلة وبهية الطالع وبها انف لو اقسمت على الله به لابرها..
هطلت علينا ستة امطار بالجامعة وواحدة ليلا وكنا في النيل الازرق (الكازينو) حنينا كان كدأبه وانوار الشاطي الجنوبي تضئ خافتة..
ثم انها تعقبتي يوم لقاء البورداب في منتزه الرياض فلاحظت انها تتبعني عند نفق بري..فاخذتها معي ونحن نضحك..حنينة كانت الضحكات
وهكذا رات معي كيف يكون الخريف شديدا عندما تكون حنين
وكيف حنين شديدة عندما يكون خريف
(تعاين ومن خير الخريف لافحالا شال)
البت حليوة يا دافي..
حليوة ..ثم هل تدري اني في شوق اليك
دافي
مأزقك قد عرفته في ايام خلت وانا اتحدث الى اختك /اختي..
الاطلسي يا دافي يحول دونك والحنين في الخريف
انه الاطلنطي ... فانت بكل تاكيد لا تجيد المشي على مسطحات مائية..
|
|
 
|
|
|
|
|
| العنوان |
الكاتب |
Date |
 البت الاسمها حنين | اساسي | 09-03-03, 07:14 PM |
| Re: البت الاسمها حنين | Dafi | 09-04-03, 07:01 AM |
| Re: البت الاسمها حنين | robenson | 09-04-03, 09:20 AM |
| Re: البت الاسمها حنين | اساسي | 09-04-03, 09:48 AM |
| Re: البت الاسمها حنين | حنين | 09-06-03, 06:49 AM |
 Re: البت الاسمها حنين | sentimental | 09-06-03, 07:52 AM |
 Re: البت الاسمها حنين | ترهاقا | 09-06-03, 10:52 AM |
| Re: البت الاسمها حنين | HOPELESS | 09-06-03, 05:50 PM |
 Re: البت الاسمها حنين | sentimental | 09-09-03, 08:51 AM |
| Re: البت الاسمها حنين | DKEEN | 09-09-03, 02:11 PM |
| Re: البت الاسمها حنين | Dafi | 09-10-03, 08:22 AM |
| Re: البت الاسمها حنين | sentimental | 09-10-03, 03:41 PM |
| Re: البت الاسمها حنين | اساسي | 09-10-03, 04:32 PM |
| Re: البت الاسمها حنين | sentimental | 09-10-03, 04:37 PM |
| Re: البت الاسمها حنين | DKEEN | 09-11-03, 00:47 AM |
| Re: البت الاسمها حنين | HOPEFUL | 09-11-03, 01:34 AM |
| Re: البت الاسمها حنين | اساسي | 09-11-03, 11:27 AM |
| Re: البت الاسمها حنين | smile | 09-11-03, 03:02 PM |
| Re: البت الاسمها حنين | حنين | 09-11-03, 11:43 AM |
 Re: البت الاسمها حنين | HOPEFUL | 09-11-03, 11:57 AM |
| Re: البت الاسمها حنين | الجندرية | 09-11-03, 11:51 AM |
| Re: البت الاسمها حنين | اساسي | 09-11-03, 12:22 PM |
| Re: البت الاسمها حنين | hala guta | 09-12-03, 04:01 AM |
| Re: البت الاسمها حنين | كبسيبة | 09-11-03, 12:20 PM |
| Re: البت الاسمها حنين | HOPEFUL | 09-11-03, 03:16 PM |
| Re: البت الاسمها حنين | WAD ELGAALI#4 | 09-12-03, 02:48 AM |
| Re: البت الاسمها حنين | hala guta | 09-12-03, 04:00 AM |
 Re: البت الاسمها حنين | Hozy | 09-12-03, 02:50 PM |
| Re: البت الاسمها حنين | WAD ELGAALI#4 | 09-12-03, 07:02 PM |
| Re: البت الاسمها حنين | Hozy | 09-12-03, 08:16 PM |
 Re: البت الاسمها حنين | tabaldy | 09-13-03, 06:19 AM |
| Re: البت الاسمها حنين | Dafi | 09-13-03, 08:08 AM |
| Re: البت الاسمها حنين | AlRa7mabi | 09-13-03, 10:32 AM |
| Re: البت الاسمها حنين | اساسي | 09-13-03, 12:11 PM |
| Re: البت الاسمها حنين | zola123 | 09-13-03, 01:27 PM |
| Re: البت الاسمها حنين | DKEEN | 09-14-03, 02:03 AM |
| Re: البت الاسمها حنين | بدرالدين شنا | 09-14-03, 06:24 PM |
| Re: البت الاسمها حنين | حنين | 09-15-03, 00:05 AM |
| Re: البت الاسمها حنين | sentimental | 09-15-03, 08:04 AM |
| Re: البت الاسمها حنين | hala guta | 09-15-03, 03:19 PM |
 Re: البت الاسمها حنين | Hozy | 09-15-03, 04:14 PM |
| Re: البت الاسمها حنين | شرير والبرتقاله | 09-16-03, 09:18 AM |
| Re: البت الاسمها حنين | sentimental | 11-04-03, 08:44 AM |
| Re: البت الاسمها حنين | dreams | 11-04-03, 12:33 PM |
| Re: البت الاسمها حنين | DKEEN | 11-18-03, 02:15 AM |
| Re: البت الاسمها حنين | DKEEN | 11-18-03, 02:15 AM |
 Re: البت الاسمها حنين | HOPEFUL | 11-18-03, 11:05 AM |
|
| |
فيس بوك
تويتر
انستقرام
يوتيوب
بنتيريست