Quote: كلام منتصر صاح ومش كده وبس انتخابات بعد 3 شهور مطلب الجماهير كان ازالة البشير وحكم مدني الانتخابات هي حكم مدني وعلي الجماهير القيام بواجبها واسقاط الكيزان كلام تفكيك وما تفكيك ده حنك ميت
كيف يا أخلاص حنك ميت؟؟ راجعي مقالتي فوق ,, الشراكة الكاذبة.. أذكرك في بداية قناة سودان_بكرة.. كان في شاب بيقول.. مفروض الثورة تتحرك من تحت لفوق.. لكن هذه النقطة لم يتم تفعيلها.. ربما الإنشغال بالإعتصام .. والسذاجة في تصديق حميدتي ووالبرهان.. كلام الشاب هو الصح.. وبقية اخطاء اعلان الحرية والتغيير تلقيها في المقالة..
من تحت لفوق.. نفذها بنك السودان.. وبنك السودان .. نقابته قلعت النقابة من الرؤوس الكيزان.. كان مفروض ده يحصل في مصلحة، ومؤسسة، وجامعة الخ .. بل تسليم المتظاهرين شعار سحب قوات الدعم السريع من السعويدة.. كنتو صغرتو من "حميرتي" .. القضية واصحة المجلس ده مسنود من امريكا واسرائيل .. بقفاز سعودي اماراتي..
مفروض كل المؤسسات والمصالح الحكومية وشبه الحكومية والجامعات.. الخ تقتدي ببنك السودان... عموما ناس الخيط.. كلهم أخطأو بيستعجلو التغيير .. الوحيد اللي أصاب إدريس.. ابو ضحكة .. انتي ذاتك اخطأتي.. انتخابات بعد 3 شهور ممنوع.... الانتخابات لازم كون بعد الفترة الانتقالية..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة