|
Re: هيئة علماء آل البيت الإسلامية تعلن بان عق� (Re: Abdullah Maher)
|
يا العالم الرباني * نصيحة ليك : * أول شيء جُملة " العالم الرباني " دي لو فعلاٌ انت عالم رباني ، أو فيك ذرة من تواضع العلماء الربانيين ـ مفترض الجُملة دي ما تلصقها بإسمك نهائياً " العالم الرباني " * لأنو العلوم الإلهية مقرونة دائماً بالأدب والتواضع وعدم الإدعاء والتكبر والتطاول الأجوف الذي لا يدل إلا على الجهل والغرور وخفة العقل * عشان ما تفكها في روحك ساكت " عالم رباني وفيلسوف وغيرها من العبارات الوهمية الجوفاء . * أقعد في الأرض دي اتواضع واتأدب وتاني تعال اكتب وقول نصايحك وعلومك الربانية دي للناس . " فلا تزكوا أنفسكم هو أعلم بمن اتقى " * احسن ليك أول شيء تشتغل بنفسك لو استقام ليك أمر نفسك تاني ممكن تكلم الناس في أمور حياتهم الدنيا وأمور حياتهم الأخرى * الطريق صعب والكلام فيهو بيحتاج تواضع وأدب شديد . * ما تفتكر الحكاية مجرد كلام نثري منمق و وهمي * انتَ هسي ما عالم رباني ولا شيء ما توهم نفسك ساكت * انت كاتب عادي جدا واكتر من عادي * حتى لغتك ال بتكتب بيها دي أقل من لغة كتير من الكتاب والصحفيين .. كتابتك فيها كتير من الأخطاء اللغوية * من ناحية اللغة ـ لغتك ركيكة جداً * والعلوم الربانية ال بتدعيها دي هي فوق مستوى اللغة أيا كانت ـ سواءاً كانت عربية أو انجليزية أو غيرها * العلوم الربانية هي ذوقية ، لا تُنال عن طريق الإطلاع وكثرة القراءة * وإنما عن طريق الأدب والتواضع ومراقبة السلوك في الظاهر وفي الباطن في الفكر وفي القول وفي العمل . * عشان كدا يا اخوي أقعد في الأرض دي اتواضع واتأدب واعرف نفسك والزم حدود الأدب عشان الله يكلمَك ويعلمك * ما تفكها في روحك ساكت ـ عالم رباني وغيرها * والشي التاني ـ قلل من طول مقالاتك دي * منو هسي ال بيقرأ ليهو كتاب كامل وكلو ملان أخطاء لغوية ؟ * كلامك الكتير دا فارغ من المعنى وفارغ من المضمون * حاول بقدر الإمكان لخص فكرتَك في كلام قليل يكون خفيف ومفهوم للقاريء ـ عشان ما يمل كتابتك ويزهج منك * خيـــر الكلام : ما قل و دل .
|
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|