|
|
 Re: الرئيس و حاشيته و حالة الزعر من المستقبل ب (Re: أب سيف)
|
أولا انا ما قلت انو النظام مو حيسقط .. بل حيسقط.. انا كنت بتكلم في عصلجة البشير ليه ما يسلمها باختياره كما فعل بوتفليقة.. لانو في جهات بتوسوس في اضانه أنو هو يصمد..
ولكن كيف حيسقط؟ دي النقطة اللي مفروض تفهمها.. طبعا الشعب أعزل.. وأضعف.. ما عندو سلاح.. بس في ناس مسلحين مثل السلفيين والكيزان..
ولاحظ غير الجيش، علي عثمان عندو مليشيا، ونافع برضو، وقوش عندو ناسو وقوات التدخل السريع والدفاع الشعبي والامن الشعبي... الخ.. بالرغم من الطقطقة اللي سمعتها انا زيك في هذا الصباح.. لا يعني ان النظام سقط... اللي شفته انت ده هو ربع الشوط الاول.. في اشواط تانية.. وثالثة ورابعة.. وممكن تكتيكيا ناس البشير خلوا مبنى القيادة يسقط.. كي ينفسوا من الاحتقان الجماهيري..ويكونو بعيدين من اراقة دماء حول القيادة.. لكن ماسكين مثلا الاذاعات، مباني عسكرية اخرى مو بس القيادة القديمة، في امدرمان، والجيلي ..الشجرة، جبل الاولياء الخ الناس ديل يا اب سف ثعالب .. عملو احتياطات لكي شيء.. رغم الفساد الشفته.. يعني كل الدخل القومي داخل.. في قوات موازية للجيش .. ودي عملها محمد مرسي.. وكان ناس الترابي كانوا بيهربو ليه سلاح عبر البحر الاحمر..مو لحماس بل للكيزان المصريين .. لمواجهة الجيش المصري...
المهم شنو.. كلامي مو تفهمه للتيئيس.. لا لا لا بل عشان تنتصر على عدوك لازم تفهمو كويس.. والنصر مو بيجي بالكلمات والمجادلة بل بالأفعال... وإذا ما فهمت انت مفروض تعمل شنو حتخسر... ولكن برضو بقوليك النظام حيسقط .. بس مو بسهولة.. لانو مو زي نظام نميري ونظام عبود.. عموما أنا رهاني ... انو مليشيات النظام المختلفة لعلي عثمان ونافع، وسلفيين مسلحين الخ تدخل في بعض ضرب.. لأن الاسلاميين لن يستسلمو بسهولة.. ولازم تفهم يجب أيضا أن ننتظر نشوف الحاميات اللي في الأقاليم موقفها حيكون شنو؟
اكيد كلامي ده مو حيعجبك.. في النهاية نحن ناس كي بورد .. لعل وعسى يستفيدو ناس تجمع المهنيين من أية كلمة تقال أو أي ملحوظة.. ولكن النظام حيسقط حيسقط.. اطمئن.. ما في حكومة دكتاتورية تقدر تقيف امام شعب.. بس أنت عارف شعبنا.. رغم نيران في صدره.. مغلوب على أمره.. لا أكل لا موية لا مواصلات.. الخ
شوقي
|
|
 
|
|
|
|
|
| العنوان |
الكاتب |
Date |
| الرئيس و حاشيته و حالة الزعر من المستقبل بقلم زين العابدين صالح عبد الرحمن | زين العابدين صالح عبد الرحمن | 04-06-19, 00:24 AM |
| Re: الرئيس و حاشيته و حالة الزعر من المستقبل ب | شوقي ابراهيم عثمان | 04-06-19, 02:13 AM |
| Re: الرئيس و حاشيته و حالة الزعر من المستقبل ب | ود الشريف | 04-06-19, 09:13 AM |
| Re: الرئيس و حاشيته و حالة الزعر من المستقبل ب | شوقي ابراهيم عثمان | 04-06-19, 05:04 PM |
| Re: الرئيس و حاشيته و حالة الزعر من المستقبل ب | عاطف ود عمر | 04-08-19, 02:40 AM |
| Re: الرئيس و حاشيته و حالة الزعر من المستقبل ب | شوقي ابراهيم عثمان | 04-08-19, 04:26 AM |
 Re: الرئيس و حاشيته و حالة الزعر من المستقبل ب | أب سيف | 04-08-19, 08:23 AM |
| Re: الرئيس و حاشيته و حالة الزعر من المستقبل ب | شوقي ابراهيم عثمان | 04-08-19, 09:05 AM |
| Re: الرئيس و حاشيته و حالة الزعر من المستقبل ب | شوقي ابراهيم عثمان | 04-08-19, 09:22 AM |
| Re: الرئيس و حاشيته و حالة الزعر من المستقبل ب | عاطف ود عمر | 04-08-19, 12:12 PM |
| Re: الرئيس و حاشيته و حالة الزعر من المستقبل ب | عاطف ود عمر | 04-08-19, 11:16 PM |
| Re: الرئيس و حاشيته و حالة الزعر من المستقبل ب | عاطف ود عمر | 04-09-19, 09:15 PM |
|
تعليقات قراء سودانيزاونلاين دوت كم على هذا الموضوع:
at FaceBook
| |
فيس بوك
تويتر
انستقرام
يوتيوب
بنتيريست