|
Re: د. وقيع الله... إلحاد هو أم ردة..؟ بقلم إسحق � (Re: أسحاق احمد فضل الله)
|
كلامك صحيح مية المية ونفس التعليق ليك يا كاتبنا العظيم الذي يدافع عن الاسلام (وهو لا يدري عن ماذا وعن من يدافع ). يلا تعال يدي علي ايدك نعمل لينا وصفة كده بعد ما فخامة الريس عمر البشير يتخارج ويجي عبد الواحد يمسك البلد مع المخربين والعملاء والشيوعين وطبعاً ديل عاوزين يخربوا البلد وينزعوا الاسلام من قلوب شعب السودان. يلا نديهم النصائح الغالية ونديهم الزيت زي ما بقول شبابنا الثائر الان : ( أنا عاوزهم يعملوا عكس حكومة الانقاذ المقبورة باذن الله )
اولاً عليكم بالتمكين من مفاصل الدولة..وأفسدوا فساد سياسي وإداري ومالي كبير، يا عبد الواحد عليك ببيع الخطوط الجوية و البحرية وعليك بتعين نافذين يأكلون المال العام لأن الشيوعين معروفين المال العام ده بلقفوه لقف مش زي الاسلامين المساكين المال العام ده أصلا ما يهبشوه ؟؟؟ و أي زول يسألك قول ليه جيب الدليل علي الفساد ؟؟؟؟
ثانياً : طبق قانون نظام عام وأفتح بيوت مايقومة في كل مدينة من مدن السودان لان بيت واحد في الخرطوم ما ينفع
ثالثاً. الشباب ديل نار التغير عشان كدا عشان ما يعملوا ليك إزعاج دخل البلد حاويات المخدرات. حاوية وراء حاوية. خرشة وبنقو وشهبندي ولا يهمك مفش حد يسألك
ثالثاً نساء السودان ديل كندكات وعزيزات . عليك أن تذلهم وتسجنهم وترسل ليهم جنودك العلمانين أن يغتصبوهم وعليك بتشريد رجالهم في المنافي. دي الطريقة الوحيدة البتسكتم بيها
رابعاً: أعمل دستور وعدلوا في كل يوم ولا يهمك
خامساً : المعارضين عندي ليك ليهم حاجة جديدة لنج مافي زول جربها في تأريخ السودان .اقتلهم بإدخال الحديد بمؤخراتهم. وإن سالك أحد ولا يرمش لك جفن قل له ماتوا بتسمم في المعتقل.
عليك الله في مقال بكره اشرح لنا ماذا تبقي لعبد الواحد وجماعته أن يفعلوه ؟؟ نفسي أعرف حاجة واحدة بطالة ما عملوها الكيزان وح يجي عبد الواحد ورجاله عشان يعملوها ؟؟؟ حاجة واااحده بس ؟؟ اوع تقول لي إسرائيل عشان كلنا عارفين البئر وغطاها
|
|
|
|
|
|