|
|
 Re: رسالة الى الفريق أمن صلاح عبد الله محمد قو (Re: البعاتى)
|
غايتو المدعو قريمان مخلوق مقرف مقرف يعني معقول بس عشان قريبك اعتقلوه 3يوم ومعطوه 3سيطان جاي تتدهنس ؟ والاستشهدوا ديل كلهم ما بهموكم لأنهم سودانيين وما بقربوا ليك مش كدا ؟ بعدين قوشك دا مقتل الشباب ديل ما عمل فيهو حاحة وبالعكس الموضوع تم باوامره هو شخصيا فكيف يهتم بقبض قريبك ؟ واوع تكون مفتكر انك مشهور وقوش حيرجف عشان الخطأ بحق قريبك ويجي على وشو يعتذر ؟ بعدين فرضنا انك مشهور وقوش دا بعرفك بالاسم واتصل اعتذر عن اعتقال وضرب قريبك خلاص كدا مشاكل السودان كلها اتحلت وقوش بقى زول تمام ؟ والشهداء ما مهمين ولا باقي المعتقلين قريمان دا اشك انه مجنون والله العظيم جد المخلوق دا ما طبيعي
لكل الناس البتقول مرحب بالانتهازيين والقافزين وغيرهم ماذا يمكن ان يضيف انتهازي متملق لاي ثورة ؟ صدقوني وجودهم خصم وليس اضافة ونحن على الارض ولمسنا هذا الخصم اليوم بالذات وعدد من الشباب تكلموا عن هذا الموضوع هذا تدنيس للثورة وتغبيش لها ولاهدافها اهل المنبر معظمهم بالخارج لم يرفعوا قشة في هذه الثورة ولم يعفروا ارجلهم بالمشي والجري ولا ارهقوا جهازهم التنفسي بدخان البمبان منتهي الصلاحية ولم يروا بام اعينهم الرصاص الحي يمر بجانبهم ويتخطاهم ببضعة سنتيمرات ليصيب ويقتل اخوانهم وزملائهم ومع ذلك بكل عدم ضمير يوصفون الناس بانهم دجاج الكتروني او امنجية .هل هم خائفين من ان يعود القافزون الى مركب الانقاذ اذا لم يرحب بهم ؟ ما هذا المنطق اذا كانوا سيفعلو ا ذلك فليفعلوا اذا .وهذا ابتزاز ودليل واضح على انتهازيتهم وعدم اقتناعهم بالثورة او انهم اصلا قلبا مع النظام وما قفزوا الا ليخرقوا مركب الاخرين كل هذا التنظير الفطير وبان الثورة ليست قارورة ستنكسر وغيرها من المقولات السخيفة نقول ان الثورة هي جبل والجبل بهدن المراويد وان الثور حبل والفئران تستطيع ان تفعل بالحبل الافاعيل فلا اهلا ولا مرحبا بالفئران لان تطول ايام ثورتنا خير من ان تقصر ولكن تتقوض بعد ذلك في سنوات قليلة بما هو اسوا الا تكفي تحربة ابريل التي اصبحت هباءا منثورا بل اتت بالانقاذ اسوا نظام مر على السودان
|
|
 
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
فيس بوك
تويتر
انستقرام
يوتيوب
بنتيريست