|
|
 Re: جاء البشير من مصر حاملاً راس تيس! بقلم عثم (Re: عثمان محمد حسن)
|
مساء الخير أستاذ عثمان. طبعاً أنا جديد هنا و غير مسجل و غير سوداني أصلاً (مصري) فأعذرني لو أخطأت في الـ title إذا كان ليك title تاني. و في البداية طبعا لازم أكرر المتكرر و أعيد الكلام إللي حفظناه إحنا الإتنين كمصري أو سوداني كحضرتك و إن إحنا شعبين مدينا العلاقات مع بعض من فجر التاريخ و كنا و مازلنا جيرة و الشعب السوداني شعب طيب و إحنا حقيقة نعتز جدا بهم كإخوة و أحباب و أصدقاء و منافسين أيضا... بالمناسبة أنا والدي صوفي و كل مشايخه من السودان و لون بشرته أسود من السودانيين نفسهم و دة تأكيد للكلام إللي حفظناه عن ظهر قلب عن أزلية العلاقات بين الشعبين و إنها مش مجرد كلام دبلوماسي قد ماهو حقيقة تاريخية..
أنا سجلت هنا في المنتدى السوداني بس علشان أنقل لحضرتك رؤية أغلب المصريين لقضية حلايب و شلاتين علشان ماتستغربش من أي تعليق لأي مصري حتى لو كان شديد أو يحمل عنصرية بغيضة مقيته ضد أهله و إخوانه في الجننوب. بمعنى آخر كلمني عن أحوال السودان؟ و عن جنوب السودان المسيحي النفطي إللي إنفصل أمام أعينكم نتيجة لممارسات عنصرية فجة من الشمال السوداني الديني المتطرف و حرب أهلية دامية لعقود.. طبعا كله حصل قدام عنيكم و محدش إعترض أو كان لإعتراضه أي أهميه مقابل جحافل المؤيدين أو الكيزان كما يحلوا لكم تسميتهم. زي صمتكم عن إحتلال الحبش لأراضي سودانية و عدم إظهار الموضوع بالشكل المناسب كما تظهروا قضية حلايب.. زي صمتكم برضة و إنتو شايفين البشير يدعم كل من هب و دب للعبث بأمن مصر القومي من الإخوان و قياداتهم و طلبتهم الإرهابيين إلي قطر إلي تركيا و للأسف ظهرتم بمظهر سئ جدا و دخلتم في حروب مكلفة لا ناقة لكم فيها ولا جمل. طبعا وبأذكرك بتورط البشير و الاسلاميين السودانيين في محاولة إغتيال الرئيس مبارك.. و من مدة قصيرة كان أحد المتهمين مرشح للخارجية السودانية ! أعذرني لو قولت إن السوداني إللي شايف حال بلده من سئ لإسوء و لسة متمسك بقضية حلايب يبقى عبارة عن اضحوكة.. كالغريق من لا وريث له يصرخ على ملايينه اللي كنزها و هتضيع بينما هو يغرق في وسط المحيط ولا منجي له. يوم ما يكون في السودان نظام وطني حر من قلب البلد ساعتها المصريين (كشعب طبعا) هيقبلوا بقضيتكم من حيث المبدء.. عالجوا سرطانكم الأول و بعدين إصرخوا و غنوا و طبلوا للجرح السطحي كما شئتم. و ربنا يحفظ مصر و السودان من كل سوء و يهدي سريرة أبنائهم. شكرا جزيلا لحضرتك و لكل أعضاء الجروب.. أنا متابع قديم
|
|
 
|
|
|
|
فيس بوك
تويتر
انستقرام
يوتيوب
بنتيريست