يالركابى أنتا ما تجى بى أسمك عديل اللف والدوران دا لزومو شنو؟
إنت قلت الفيديو مضروب جبنا ليك كلام العريفى كامل تانى. فشنو يعنى جيب لينا الفيديو كامل وشامل وتاريخه؟ الكلام واضح هل هو العريفى القال إنو حب الله للفنان من حب الناس ليهو واللا ما قال؟ هل إستدل بأحاديث وآيات فى غير مكانها عشان يبرر إعجابو بالفنان البيغنى بالآلات والمعازف وللا لا؟ أها قبل كدا فى عشرات الخطب ما قال كل آلات الموسيقى إلا الدف حرام والغنا حرام والإستماع ليهو حرام وأماكن المعازف يجب إجتنابها؟ أها إشمعنى هو لامن ينطرب يحللوا لى نفسه ومش كدا بس لكن يستشهد بكلام سيد الخلق (صلى الله عليه وسلم) فى غير مكانو ويدعو الله أن يرضى عن الفنان مع أهل السماء ويدخله جناته؟
اللولوه لزوما شنو؟ ما هو يا قال، يا ما قال؟ فالله يرضى عليك ما تضيع وقتنا فى تمييع القضية باللف والدوران. عشان ما تجى تتحجج بحجة كذب والكذب واضح فى النجر تعرّف على أحد شيوخ الجماعة (الحوثية) علاقة الخمينى الإيرانى الإثنا عشرى شنو بالحوثيين اليمنيين الهاشميين الزيديين؟ يا أخوانا إتقوا الله فى أنفسكم أولا. وما تختلقوا حاجات عشان تغطوا بيها على إفتآتكم على الناس. جيب لينا شيوخ الزيديين اليمانيين مش الإيرانيين عشان الناس تشوف العلم الزيدى شنو. أنت مش قلت الفيديو الأول مضروب؟ أها دا رأيك فيهو شنو؟ ودا العريفى وللا ما العريفى؟ والله يهديكم لما فيه خير الإسلام الصحيح وتخلوا التعصب الأعمى الذى يعمى البصائر والقلوب التى فى الصدور.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست