انت بتكرر وتعيد فى حاجات انا اعترفت بيها انى بليد وجبان لكين ما اهبل عشان اوريك اسمى وعنوانى عشان خايف من بيوت اشباحكم الحشرتونى فيها مرتين وعذبتونى فيها.
بعدين انت يا سيبويه انا من غير الناطقين بها ولى عذرى. انت الشاطر دا ما تخلى ضياع الوكت فى مسكاكة قصيدة وتعلن معارضتك لتهجير النوبيين وعدم قيام السدود عديل كدا.
ما تنسى الناس بترجع لكل الكلام الجا فى الاول عشان يتذكرو وللا يعرفو الحاصل شنو وبى كدا بتظهر فضايحكم واهدافكم الخسيسة
بالله هسى كل الحبر وللا الحروف الضيعتها كانت رغما عن موقفك المبدئى معانا؟ طيب ياخى ما تخلونى انا فى جهلى وبلادتى وجبنى وامشو انتو فى المظاهرات وقولو للبشير نحنا ما دايرين التهجير. اثبتو موقفكم كرجال. واللا خلاص ادوكم الاذن عشان تقولو معارضين للسدود، يعنى مناورة وكدا؟
بعدين ما وريتنا رايك شنو فى انو البشير اختير كرمز للفساد فى الدول الدكتاتورية؟
وما وريتنا ليه ناسكم بيهربو قروش البلد لدبى وماليزيا والشعب جعان وعيان؟
وليه تبنو مستشفى فى جيبوتى وتمنعو الاعتمادات لمستشفيات الشمالية؟
وليه بتمنعو من المناطق النوبية الكهربا؟
وما وريتنا رايك شنو فى مصادرة مساهمات النوبيين الجايبنها لمناطقهم؟
ورايك شنو فى قلع الاراضى من الجمعيات التعاونية النوبية ومنحها للكيزان وللمصرين والخليجيين؟
وما وريتنا رايك فى ليه الحكومة بتحرق النخيل؟
وليه بتمنع المواطنين من الزراعة وتصديق طلمبات الموية؟
وليه الحكومة ما بتوفر احتياجات المدارس والمستشفيات وبتمنع حتى العون الذاتى؟
وبرضو ما وريتنا رايك شنو فى وحشية زميلكم العقيد شوقى احمد صالح بتاع النجدة والعلميات البيسكن فى "بانت" فى امدرمان وضربنا هو وعساكرو ضرب البهم بوحشية واجرام وصل حتى ضرب شيوخنا الفوق السبعين بدون رحمة ولا اخلاق بس لانهم معارضين للسدود فى الوقفة الإحتاجية قدام فندق السلام روتانا يوم 17 فبراير 2016
انتو لو انا بضيع ليكم وكتكم وما فى منى فايدة ساكنى مالكم ورافعين البوست كل مرة عشان قايلين بتسكتونى؟ وبى هبالتكم دى طيرتو حتى الراجل المستنير الوحيد الباشمهندس بدر. عيب عليكم والله تضيعو وقتكم فى مساككة قصيدة الا اذا كانت هزتكم وعملت ليكم قلق. قالو ناس الامن فى كل التاريخ بيخافو من الشعراء زى بابلو نيرودا فى امريكا اللاتينية وكافكا فى اسبانيا والشيخ امام فى مصر والقائمة طويلة بى الشعرا الاعدموهم وللا اعتقلوهم عذبوهم ناس الامن فى كل الدكتاتوريات.
عليكم الله دا منطق. نوبيين دايرين مصلحة النوبيين اهلهم يضيعو الوكت ياخى فى 43 مداخلة فى كلام متلخص فى اربعة نقاط. وخمسة يوم ما دايرين تجاوبوا على سؤالين بسيطين. تجى الليلة بعد دا كلو وتقول لى معارض، وبى شتيمة بتاعة حرقة كمان؟. طيب ليه ما قلت الكلام دا طوال الخمسة ايام الفاتن وللا اليوم ادوك الاذن عشان تقول كدا؟
بعدين والله ما قادر افهم شتايمكم دى وفقدان اعصابكم وهيجانكم فى قصيدة عاجبانى. ياخى ما تقروها وما تتداخلو عشان تشتتو الكلام. امشو اعملو ليكم ورش عشان تضغطو على الحكومة ترفع يدها عن المناطق النوبية. ليه دايرين تفرضو على الناس يقولو شنو ويسو شنو ويكتبو شعر وللا ما يكتبو. ياخى ما حرين.
بس اشرحو لى الهيجان وفقدان الاعصاب والشتايم دى كلها فى قصيدة؟ وللا الغرض اهداف تانية؟ قلبت ليكم مخططاتكم
قسما بالعزة لو تكتب مقال تقول فوقو انك معارض للسدود وتجيب توقيعات كل الاسماء الجات هنا و شتمتنى فى المكان دا ويقولو معارضين، والله الا انشر ليكم صورتى فى مداخلة فى المقال ذاتو.
ياللا ورينا رجالتك يا لشاطر الشجاع.
اها قصرتا معاك؟
فيس بوك
تويتر
انستقرام
يوتيوب
بنتيريست