الـملحمـة النوبية بقلم البروفيسور عبدالرحمن إبراهيم محمد

والله ضحكت جنس ضحك

اتذكرت لمان كنت بدرس تاريخ والأولاد يكونو عاملين سبوتنق ويكتبو اجابات متطابقة عشان بيشفو من بعض فبقوم انا اصقط كل الاجابات المتشابهة. فحسى زى ما قلت وقال المهندس حسين بدر يبدو انكم يا زول واحد بتغير فى الاسماء ولكن تكرر وتعيد فى النقاط الاربعة القالا بالشمهندس وما قدرت ترد عليها، او انتو اكتر من زول لكين صارفين ليكم نص واحد ما قادرين تعرفو انو الاغراق ما بيعملوهو كدا. لانو نصوصكم متطابقة وبالطريقة دى بتضحكو الناس فوقكم وانا بديكم صـــــــفـــــر كـــــبـــيــــر.

بعدين ليه الصور والأشرطة خالعاكم ومجهجاكم. هل لانها بتفضح الكذب والانشاء البتكبوه هنا؟

بعدين انتو مالكم ومال البروفيسور بيعبر عن مشاعره انتو واجعكم وين؟ والباشمندس بيجيب ليكم فى الحقائق، ما تردو عليها بدل ما تلفو وتدورو وتكتبو إنشا مكررة. وللا كمان دايرين تمنعو الناس من التعبير عن رايها زى ما بتضربو المتظاهرين المعارضين للسدود وتعتقلوهم؟ وليه كتلتو الاولاد فى كجبار؟ وليه بتحرقو النخيل؟

كدى هسى بالمختصر المفيد تجيبوها من الاخر بدون لف لا دوران وبالعديل انا داير كل واحد من الاسما دى يورينا ومافى مشكلة لو هو نفس الزول برضو ممكن يرص الاسم الهو عاوزو وللا حتى يجاوب بكل اسم:

1- هل انت عاوز النوبيين يهجروهم؟

2- هل داير السدود تتبنى وتغرق كل ارض النوبة؟

ياللا بدون لولوه يا الاتية اسماؤهم إجابة بــ نعم او لا

سمية ابراهيم علي

هارون مكي النوبي

فاضل أحمد النوبي

فضل أحمد همد

فرح علي فرح

سيف الدين الجزولي

سعيد أحمد فرح

هاشم سوركتي

رفيدة علي الطاهر

عبد اللطيف فرح

حسين زمراوي

سـواق الكى واي

فاطمة أحمد البشير