|
Re: هؤلاء أجملنا .. و هؤلاء أفضلنا .. إذا.. و عندما.. (Re: معتصم الطاهر)
|
كيفك يا حاج معتصم
Quote: ابا ذر .. اذا طرح أعماله لورشة عمل .. فيجد اسلوبه الضائع ..
|
غايتو لو ال "اباذر" ده أنا، تبقى مشكلة
تعرف يا معتصم وقبل كده طبعا أنا شرحت ليك شويه من وجهة النظر فى الموضوع ده
لكين عايز أضيف ليك تانى حبة
أخونا بكرى قبل كم سنة قال من الأفضل للناس هنا يكتبو بالأسماء الحقيقية قلنا مافى مشكلة طوالى نكتب وإيه المانع
قبل الكلام ده بسنين أنا كنت بكتب هنا فى سوادنيز وفى مواقع تانية بإسم أبو آمنة وتانى غيرت الإسم لى "المطر" لحدى ما رست على الإسم "الصح ومح"
يعنى هسه عايز اقول شنو
عايز اقول ليك لولا الطلب بتاع اخونا بكرى لى تغيير الأسماء
والله العظيم يا معتصم يمكن لحدى اللحظة ما كان فى إنسان حيكون عارف إنه فى زول بطربق وإسمه
أبوذر بابكر
بمعنى
أصلا ما كان وارد ولحدى اللحظة برضو ما وارد ولا فى المستقبلين، القريب والبعيد إنه هذا المدعو أبوذر بابكر يفكر مثلا ينشر نصوص أو يعمل مجموعات أو ديوان الخ التصنيفات
وأقول ليك شى ما حتصدقه يا معتصم
هل تصدق إنه الناس فى البلد والأصحاب والأصدقاء والأقارب
وحتى أهلى وناس البيت ما عارفين إنه أنا بكتب لى حاجات زى دى والناس بقولو عليها شعر
تقول لى "ورشة عمل"
ورشة شنو يا معتصم ياخ
تعرف أنا لما أكتب الشى الإنتو بتقولو عليهو شعر ده
ما بكتب، لكين بكون بمارس فى طقوس مقدسة خاصة بى أنا وأصلا والله، والله شاهد، ما كنت عايز زول يشارك معاى فى الطقوس دى
يمكن إنسان يقرأ بالصدفة أو يقابله نص فى مكان ما لكين كون أنا أسعى أو أمشى عشان زول يقرا أنا بكتب شنو، دى ما حصلت وما حتحصل
طيب قول لى ليه هسه بتكتب وتنشر هنا فى سودانيز وفى مواقع تانية كمان
وبرضو لو قلت ليك الإجابة الله أعلم تصدقنى
والله يا معتصم أنا ربنا مبتلينى بى "نفرين" فى الدنيا دى هم السبب فى الشى الأنا فيهو ده
آمنة بتى وواحد صاحبى فى السودان إسمه طارق الفحل
طارق ده عمل فيها حليفة وقسم وإيمان إنه أنا لازم اكتب وانشر وهو عنده وهم إنه أنا زول شاعر وشاعر خطير كمان، قلت ليهو أوكى يا حاج طارق ولا يهمك، يعنى الزول حيخسر شنو لو كتب
أما المخلوقة العجيبة الإسمها آمنة، فدى كمان قالت لى لو ما كتبت وبقيت تنشر هنا وهناك تانى لا بينى لا بينك، وكانت جادة وأنا وعدتها
وطبعا هى أهم شى فى حياتى كلها، هى أصلا حياتى مش أهم حاجة فى حياتى
وزى ما قلت ليك قبل كده فى محل تانى يا معتصم
بالله اصلا إذا سلمنا بى حكاية الورش دى
تفتكر فى ورش مفتوحة وبتوفر فيها "معلمين" تمام أكتر من المنابر دى
ليه مافى ولا معلم واحد من "معلمين الورش" ربنا فتح عليهو بى تصويب أو تصحيح أو تجويد أو إشادة
سؤال مهم مش كده
غايتو البركة فيك إنت وفى شيخنا عالم عباس
النصيحة ما قصرتو
لكين المشكلة وين؟
المشكلة هى إنه أنا اصلا ما مهتم بالشغلانة
والموضوع ما "جايب مريسة تام زينو"
يا زول كتر خيرك على الثقة وتوسم الجمال والفضل فينا
ولمنا مع ناس سمحين
ويا ريت بس لو كان فى تلاتة أو اربعة زيك
ومشكور شكر غزير وكتير ووفير
ومعليش على النضمى الكتير ده
|
|
|
|
|
|
|
العنوان |
الكاتب |
Date |
هؤلاء أجملنا .. و هؤلاء أفضلنا .. إذا.. و عندما.. | معتصم الطاهر | 08-25-07, 07:26 PM |
لماذا؟ | lana mahdi | 08-26-07, 09:39 AM |
Re: لماذا؟ | ابو جهينة | 08-26-07, 10:07 AM |
Re: لماذا؟ | معتصم الطاهر | 08-28-07, 12:06 PM |
Re: لماذا؟ | معتصم الطاهر | 08-26-07, 10:24 PM |
Re: هؤلاء أجملنا .. و هؤلاء أفضلنا .. إذا.. و عندما.. | أبوذر بابكر | 08-26-07, 10:34 AM |
Re: هؤلاء أجملنا .. و هؤلاء أفضلنا .. إذا.. و عندما.. | nadus2000 | 08-26-07, 02:56 PM |
Re: هؤلاء أجملنا .. و هؤلاء أفضلنا .. إذا.. و عندما.. | مامون أحمد إبراهيم | 08-26-07, 03:31 PM |
Re: هؤلاء أجملنا .. و هؤلاء أفضلنا .. إذا.. و عندما.. | هبة الحسين | 08-26-07, 05:57 PM |
Re: هؤلاء أجملنا .. و هؤلاء أفضلنا .. إذا.. و عندما.. | معتصم الطاهر | 08-28-07, 09:32 PM |
Re: هؤلاء أجملنا .. و هؤلاء أفضلنا .. إذا.. و عندما.. | هبة الحسين | 08-29-07, 03:00 PM |
Re: هؤلاء أجملنا .. و هؤلاء أفضلنا .. إذا.. و عندما.. | yasir Abdelgadir | 08-29-07, 04:19 PM |
Re: هؤلاء أجملنا .. و هؤلاء أفضلنا .. إذا.. و عندما.. | yasir Abdelgadir | 08-29-07, 09:48 PM |
Re: هؤلاء أجملنا .. و هؤلاء أفضلنا .. إذا.. و عندما.. | معتصم الطاهر | 08-31-07, 03:14 PM |
Re: هؤلاء أجملنا .. و هؤلاء أفضلنا .. إذا.. و عندما.. | خضر حسين خليل | 08-26-07, 06:49 PM |
Re: هؤلاء أجملنا .. و هؤلاء أفضلنا .. إذا.. و عندما.. | معتصم الطاهر | 08-26-07, 10:56 PM |
Re: هؤلاء أجملنا .. و هؤلاء أفضلنا .. إذا.. و عندما.. | غادة عبدالعزيز خالد | 08-28-07, 12:54 PM |
Re: هؤلاء أجملنا .. و هؤلاء أفضلنا .. إذا.. و عندما.. | هبة الحسين | 08-29-07, 03:36 PM |
Re: هؤلاء أجملنا .. و هؤلاء أفضلنا .. إذا.. و عندما.. | معتصم الطاهر | 08-28-07, 09:19 PM |
Re: هؤلاء أجملنا .. و هؤلاء أفضلنا .. إذا.. و عندما.. | خالد محمد سليمان | 08-29-07, 10:20 AM |
Re: هؤلاء أجملنا .. و هؤلاء أفضلنا .. إذا.. و عندما.. | salah awad allah | 08-29-07, 01:04 PM |
Re: هؤلاء أجملنا .. و هؤلاء أفضلنا .. إذا.. و عندما.. | معتصم الطاهر | 08-30-07, 01:04 PM |
Re: هؤلاء أجملنا .. و هؤلاء أفضلنا .. إذا.. و عندما.. | yasir Abdelgadir | 08-30-07, 05:49 PM |
Re: هؤلاء أجملنا .. و هؤلاء أفضلنا .. إذا.. و عندما.. | osama elkhawad | 08-31-07, 10:36 PM |
Re: هؤلاء أجملنا .. و هؤلاء أفضلنا .. إذا.. و عندما.. | الجيلى أحمد | 09-01-07, 00:26 AM |
Re: هؤلاء أجملنا .. و هؤلاء أفضلنا .. إذا.. و عندما.. | Tumadir | 09-01-07, 00:44 AM |
Re: هؤلاء أجملنا .. و هؤلاء أفضلنا .. إذا.. و عندما.. | معتصم الطاهر | 09-01-07, 12:00 PM |
Re: هؤلاء أجملنا .. و هؤلاء أفضلنا .. إذا.. و عندما.. | معتصم الطاهر | 09-01-07, 05:19 PM |
Re: هؤلاء أجملنا .. و هؤلاء أفضلنا .. إذا.. و عندما.. | Ishraga Mustafa | 09-01-07, 05:39 PM |
Re: هؤلاء أجملنا .. و هؤلاء أفضلنا .. إذا.. و عندما.. | عبدالغني كرم الله بشير | 09-02-07, 08:02 AM |
Re: هؤلاء أجملنا .. و هؤلاء أفضلنا .. إذا.. و عندما.. | معتصم الطاهر | 09-03-07, 12:11 PM |
Re: هؤلاء أجملنا .. و هؤلاء أفضلنا .. إذا.. و عندما.. | Ishraga Mustafa | 09-03-07, 12:15 PM |
Re: هؤلاء أجملنا .. و هؤلاء أفضلنا .. إذا.. و عندما.. | معتصم الطاهر | 09-02-07, 10:56 AM |
Re: هؤلاء أجملنا .. و هؤلاء أفضلنا .. إذا.. و عندما.. | معتصم الطاهر | 09-04-07, 11:13 AM |
Re: هؤلاء أجملنا .. و هؤلاء أفضلنا .. إذا.. و عندما.. | معتصم الطاهر | 09-04-07, 06:47 PM |
Re: هؤلاء أجملنا .. و هؤلاء أفضلنا .. إذا.. و عندما.. | محمد حسن العمدة | 09-04-07, 07:27 PM |
Re: هؤلاء أجملنا .. و هؤلاء أفضلنا .. إذا.. و عندما.. | معتصم الطاهر | 09-04-07, 09:09 PM |
|
|
|