محسن خالد ..مفكر أم مشاتر ! طالق أم مطلوق ؟

Quote: و مفردات الأخلاق دي كلها قيم جمالية عالية ..و القيم الجمالية مردها كلو لي الله .....ألله أكبر مبدع في الوجود.. فهو: (بديع السماوات و الأرض )..و كل الألحان العلوية ..و الجماليات الباهرة المذهلة الواصلة لينا.. واللوحات التشكيلية الما ليها حد ..و لا عد ! و هذا النسق الجميل الراقي المرتب..الرائع.. المذهل..المنتظم لي كل أوجه الحياة من حوالينا..وعلى مد البصر، ..سواء أن كان شايفنو أو ما شايفنو!..كلو مردو لى الله.....الله أكبر مبدع..و أكبر فنان..و في نفس الوقت هو قمة الأخلاق..عشان كده الفنان الحقيقي المبدع.. العايش حالة من حالات إلهاماتو و توهانو خارج الطوق..و بعيدا ً عن منظومة الزمن العادي..و أثناء مشاوير تحليقو البعيدة، ..قاعد يسترق السمع.. وبتناول في قطفه للثمار، من ضفة تانية.. من الضفاف الأخرى ..و السواحل المستلقية بعيدا ً عن متناول اليد...... ودي في حد ذاتها عملية تخلّّق بأخلاق تانية.. في جو تاني.. و كيان تاني بعيدا ً عن هذا الحيز....أظن بعد كده ممكن يبقى مافي فرق كبير بين الإبداع و الأخلاق.. وزي الكأنو بعد ده بيتضح لينا أنهم وجهين لي عملة واحدة...... يعني مثلا ً حالات التألق الأوجدت لينا أعمال أي أعمال أدبية راقية.. ماهي إلا حالات تخلّق بأخلاق تانية إنتقل فيها الكاتب لي جو تاني،خلاهو يتمكن من أنو يشوف الحاجات بمنظور تاني أكثر عمقا ً و وضوحا ً...... لكن برضولما نجي نتكلم عن موضوع الإبداع و الأخلاق،.. يجب التنبيه إلى سؤال مهم جداً : أي الأخلاقين نعني ؟! هل هي أخلاق المبدع نفسو(كاتب النص أو الفنان)؟ ..أم أخلاق النص (أو ما هو متداول في النص)؟ ....فإذا كان المقصود أخلاق المبدع نفسو ..فدي طبعاً مفروغ منها، ..( لكونه فنانا ً مبدعا ً يفترض في شخصه ذلك السمو المفترض في الفنان.)...أما إذا كان المقصود( أخلاق النص)أو(ماهو متداول في النص) ببقى ده أصلا ً داخل إطار أرض الواقع المعاش و الغير معاش.. و شوف الما بتشاف .