بيان جماهيري يطالب بحل الهيئة المركزية للأمة القومي وإبطال مخرجاتها من أمين عام ومكتب سياسي

Quote: سلام يا لنا ، الناس المعترضه علي إنتخاب الأمين العام ، ما عندهم أي سبب علي الاعتراض ده ، الراجل تم انتخابه ديمقراطيا و لو بيفتكرو في تجاوزت في الطريقه التمت بيها الانتخابات اليمشو يصلحو التجاوزات دي من داخل الحزب ، لو منعوهم اليمشو يكونو ليهم حزب جديد ! و مع إحترامي لكل الاخوان و الأخوات المعارضين و البفتكرو إنو من الديمقراطيه إنو رئيس الحزب يصدر قرار بإقاله الأمين العام المنتخب ، مش لو كان في الأمن ، لو كان النوع البيعذب الناس في بيوت الاشباح !! ببساطه كده : إذا جماهير حزب الأمه صوتت لنافع علي نافع عشان يكون الأمين العام ، مفروض تقبلو بالمسأله دي و تخلو وصايتكم علي الناس دي ! ليه إنتو شايفين رقبتكم بتفهمو أحسن من الناس الصوتت للأمين العام الفايز بالانتخاب ! المسأله التانيه إنتو ما عندكم قنوات داخليه في حزبكم ده ؟ ما بتمشو إجتماعات ؟ مافي مذكرات داخليه ؟ لانو ما ممكن يكون في زول حقيقي حريص علي إصلاح حزبو بمناقشه مشاكل الحزب الداخليه عبر بوستات سودانيزاونلاين حقت بكري أبوبكر ده ! الفرق شنو بينكم و بين زول عندو مشكله مع مرتو في البيت يجي يفتح ليه بوست و يفتو كلو هنا ده ! المسأله كلها في تقديري إنو جوطتكم دي كلها لانو المرشح العاوزنو إنتو ما فاز ! فيا ناس حزب الأمه المعارضين الله يرضي عليكم ما تحشرو الديمقراطيه في كلامكم الني ده ، إنتو بتحاربو فيها بإدينكم و كرعينكم ، كان ما عارفين اعرفو !!!