الميرغني يمنع شيلا من مهاجمة المؤتمر الوطني !!

Quote: لا ياعادل امين سوف يختفى المؤتمر الوطنى المحتمى بنيفاشا نيفاشا ياعادل اعطت المؤتمر الوطنى عمرا جديدا لولا نيفاشا لما احتفل المؤتمر الوطنى بعيده ال18 لولا نيفاشا لما كانت ماساه دارفور ( خصخصه السودان واقاليمه بالقطاعى على حساب الحل القومى) القرارات الدوليه التى صدرت بحق السودان منذ نيفاشا تفوق كل قرارات الادانه التى صدرت من مجلس الامن الدولى منذ استقلال السودان بل قل اكثر من كل القرارات العقابيه التى صدرت ضد افريقيا نيفاشا لم تستطع ان تسكت كل النيران حتى فى الجنوب ( لم ينسحب الجيش السودان من الجنوب, لم تحل المليشيات بعد, موت مئات من السودانيين العزل فى ملكال ) دودى

لا يا دودي
خت الكورة في الارض والعب وبما ان البوست مليان من النخبة لسودانية وادمان الفشل..يكون جيد اننا نتحاور حوار يحترم العقل
1-لن يختفي المؤتمر الوطني الا اذا تجاوزه الشعب السوداني عبر الانتخابات2008 وخلبنا من انتفاضة مزعومة انتظرناها 17 سنة وما حصلت وهجرة المعارضة بين الخارج والداخل
2- العالم 2007 ليس العالم 1964 او 1985 وده خلل معرفي لابد من تجاوزه، عقارب الزمن لا ترجع للوراء كل مرحلة لها ادواتها...امريكا ترزي دولي يفصل الثوب وانتو تخيطو وتمشكيم على العجين وما تلخبطوش...ود.قرنق رجل ذكي عرف ذلك وكسب المعركة بالنقاط وهزمه الموت فقط ورجعتو انتو يا ناس السودان القديم لنقيق الضفادع والاراجيف لحدت ما الطيارة تفوتكم
3- نيفاشا هي سفر الخروج من الجحيم وتحمل مشروع دولة مدنية فدرالية ديموقراطية...ولا يعنيني نسب الاحزاب فيها لان اصلا الموجود في السودان القديم دى ما احزاب دي عزب ومشيخات ساكت وودا وسواعا ويغوثا ويعوقا ونسرا ومعاهم الحزب الشيوعي ايضا
4- القوى التي ارتضت التحول الديمقراطي عبر نيفاشا عليها الالتزام الي نهاية الشوط في سباق المسافات الطويلة
5- المؤتمر الوطني فقط ليس ازمة السودان الحالية ...ازمة لسودان من 1956 وحزب الامة والمؤتمر الشعبي والعدل ولمساواة هم ايضا جزء من ازمات الماضي والراهن ولابد من تجاوز لسودان القديم جملتا وتفصيلا
6- قضية دارفور 2003 هو صراع بين الاخوان المسلمين بين المركز والهامش بعدتشظيهم وخروج شيخهم للجير وثم تناسلت الحركات تباعا لتدني الوعي هناك المحصور بين حزب الامة والكيزان فقط...هاجم متمردو دارفور مطار الفاشر واحتمو بالجبال فسلحت الحكومة الجنجويد لابادة اهلهم في ابشع حرب فجور في الخصومة بين كيزان الهامش وكيزان المركز...هذه هي ازمة دارفور 2003 مع احترامنا للوالد دريج وعبدالواحد في حركة تحرير السودان...وهذه قوى حقيقية في دارفور وصاحبةمشاريع حقيقية اذا اعتبرنا ان الحزب الفدرالي الديموقراطي كان جزء من التجمع وحركةتحرير السودان حليف للحركة الشعبية يمكن اعتبار هذه القوى جزء من السودان الجديد وطال الزمن او قل ستكون قوى ديموقراطية جديدة وتذكر يا دودي لا زال المؤتمر الوطني يضقل بمعارضة السودان القديم البائسة والفورة الف التي تعول على تغيير اممي كالعراق مع العلم ان العراق كان من دول العصا والسودان من دول الجذرة التي وراءها عصا
واخر خبر كتبو الجواب(القوات الافريقية مدوها ستة شهور اخرى...وبالتاكيد دي نقطة تنضاف لصالح المؤتمر...ولحدت ذلك التاريخ اتاكد سيطوى ملف دارفور الانساني والسياسي ان شاء الله
7- الحزب الاتحادي الديموقراطي جزء من التجمع وحليف استراتيجي للحركة منذ 1988 وعليه ان يكمل معها المشوار من 2005 لحدت 2011 والتاريخ لا يرحم ...ويلتزم دستوريا واخلاقيا بذلك...الافراد في الحزب العندهم حراق رووح ذى ناس حزب الامة وما عايزين يلتزمو باستحقاقات نيفاشا يمشو يقعدو محل يرتاحوا...لانهم لحدت الان ما قدمو مبررات حقيقية ومنطقية لرفضهم الاستمرار في الدفع بالاوضاع نحو مزيد من الحريات والتحول الديموقراطي..وعايزين يغرقو في الحجرة وهذا الامر ذكره فتحي الضوء في كتابة القيم سقوط الاقنعة...تساقط النخب في نص المشوار ..وتغليب ما هو شخصي على ما هو وطني..حسنين مرق بهنا جاء ناس الشرق دخلو بهنا وكان زمان قال للناس الشرق والغرب تعالو واقلعو نصيبكم من المؤتمر الوطني وعجز عن الالتزام بما قال
8- كل المبازل والخروقات التي ذكرتها في ممارسات المؤتمر تصب مباشرتا في رصيد الحركة الشعبية وقوى الهامش وليس قوى السودان القديم البائسة فهى ايضا لها دور بشع في اهلاك الحرث والنسل في دارفور 1988 وجبال النوبة وجنوب السودان ولى حقي سميح وحق لناس ليه شتيح...المؤتمر رديء ومعارضة السودان القديم اكثر رداءة
.........
ويا لنا انتو ما عايزين انتخابات 2008وما عايزين تغيير عبر نيفاشا الدولية
عايزين شنو؟؟؟
حراق روووووح ساكت

وفي انتظار ردك
والحزب الاتحادي الديموقراطي ليس فلان وعلان بل موقف ومشروع واخلاق والتزام و والاتحاديين ما عندهم حراااااق روح الا العاديتوهم انتو يا ناس قريحتي راحت

(عدل بواسطة adil amin on 07-02-2007, 12:00 PM)