الميرغني يمنع شيلا من مهاجمة المؤتمر الوطني !!

Quote: والله حاجة غريبة ياخ لنا مدى (نقلت) مقال . يعنى ما كتبته وما قالت الى الآن رأيها . ناقشوا المقال برؤيى سياسة ووبروية ونصل الى شيئ ما الفايدة للمهاترة الإنصرافية وتكميم الأفواه . والحياد عن الموضوع الأصلى لا يلغيه ولا ينفيه . لك الله يا لنا

طيب يا عزيزى رافت
السودان بين وعيين
اما نكون مع نيفاشا ونوصلا الحد او ضدها ونقعد في الجير
ممكن واحد يكون مع نيفاشا عشان خاطر الحركة وممكن يكون معها عشان خاطر المؤتمر
المهم السودان ساحة اكثر من راي...
البخلي ناس حزب الامة ديل الاختارو الجير مع المؤتمر الشعبي ومع العدل والمساوة يتدخلو في شئون الاتحادي شنو
خلاص ناس الاتحادي رضو بنيفاشا يوفو استحقاقاتهاا الدستورية ويتلزمو بمؤسسية حزبهم
نيفاشا بدات 2005 وتنتهي 2011 عبر انتخابات 2008 مافي زول يستقيل او ينسحب وده ذاتو الغرق في الحجرة
ناس الحركة الشعبية+ التجمع+الشرق+ تحرير السودان+.... اختارو تنفيذ نيفاشا على علاتها
ديل وجودهم في مؤسسات الحكم ضروري ولنه يفيد التنوير اكثر من التغيير ..محميين دستوريا ويمكنهم فضح كل الخروقات...اذا مشو قعدو في الجير يستفيدو شنو..ما نحن عارفين قبل ما يجو للحكومة عبر نيفاشا الحالة واقفة
طيب البطبطو بره ديل عملو شنو
الانتفاضة دي اساطير الاولين وحلم او اوهام النخبة السودانية وادمان الفشل
لذلك على الحزب الاتحادي الديموقراطي ان يضبط عضويته تماما في اتجاه الالتزام بتفيذ ما يليهم من نيفاشا ويخلونا من فلان وعلان الما عاجبو كلام السيد يمشي يقعد محل يرتاح
عشان فقط نحس يوم ان احزاب السودان القديم دي احزاب حقيقية وما فيها كبير او صغير ..
بعدين يا ناس حزب الامة دور المحرم ده سوو ما احزاب صغيرة ذى اليسار العروبي البائس ومن والاكم...الاتحادي الديموقراطي ده ذى هلال مريخ...حزب ليه رجاله واراءه وانجازاته
وبعدين حزب المؤتمر ده فيه سودانيين مختلين الوعي الشعور ما مخلوقات جاية من الفضاء الخارجي وهم نفسهم ناس اتفاقية جيبوتي...عشان كده عودو نفسكم على التعايش مع كافة اشكال الوعي السوداني الذى ادناه التكفير والهجرة واعلاه الحركة الشعبية والسودان الجديد وبينهما امور متشابهات...والشراكة لانجاز مشروع او مرحلة شيء والتحالف شيء اخر
ولى مش كده يارافت
تاكد لو انهارات نيفاشا حيختفي السودان من الوجود نهائيا...لذلك جهزو نفسكم للانتخابات بس.... وخلو نشر الاراجيف وادعاء الوصاية على الشعب وعلى غيركم من الاحزاب

يا لنا المديدة حرقتني دي ما بتنفع..العايز يقعد معاكم في الجير الباب يفوت جمل

(عدل بواسطة adil amin on 07-01-2007, 11:05 AM)