حوار هادي مع مذعوري الجلابة من ثورة الهامش.

Quote: ابوعفان، والله مشتاقين، فتحياتنا. بعدالسلام، نخش توش في الموضوع: ياصديقي، ماحاقول عليك اتغيرت ثم اسال باستغراب، الحصل ليك شنو؟ لاابد، بالنسبة لي مافي شئ مفاجئ اوغريب، في مواقفك من ثوار وثورة دارفور. عارف ياصديقي، الجلابية، كذهنية وطريقة تفكير مخبوءة بدرجات متفاوتة تحت اللسان. انا كمال بشاشا اول من يقر بجلابيته المركوزة في اللاوعي، وان تحررت علي مستوي الشعور، من عقلي ووعي الجلابيين! فالفرق مابيني او بين غلاة الجلابة، هو وعيي بحقيقة جلابيتي، بينما الاخرين ماواعين بالحقيقة دي ذاتا، ناهيك عن سبر غورا! لاحظ يااب عفان، امثالك، من يسار الجلابة الماركسيين، يمثلون قمة الثورية والتقدمية افتراضا، حسب معايير مرجعية العقل الجلابي. رغم كده هاانت، راكب في سرج واحد مع امثال المدعو صلاح عبدالله، البخاطب امثال اخونا بقال بي صيغة العبد عبد، القالا المتنبي في كافور النوبي تحديدا. فياعزيزي، كمدخل حاولت الفت نظرك لي جلابيتك الطافحة، كما مجسدة في عداءك لثورة وثوار دارفور المتطلعين للانعتاق من قهرنا احنا الجلابة، اطفال انابيب الامبريالية المصرية "العربية"، البتباكا علي لبن استغلالها المسكوب، المهووس بن لادن. فبن لادن هذا اوتباكيهو علي فصل السودان عن التاج المصري، وانهيار دولة خلافتو العربية، اي الاسلامية انما يعبر عن ضمير ووعي السودان المصري، علي نحو مذهل، حقيقة.. الغرض من ايراد كلام بن لادن اوموقفو من مايحدث في دارفور، هو التدليل كيف العقل الجلابي ممثل في نمازج ناس الطيب مصطفي، من يمين اسلام بن لادن السياسي، د.ع.ع.ابراهيم من اليسار الماركسي- ماهو الامسخ يجسد التشويه الحاصل لينا كسودانيين عامة، وجلابة خاصة منذ العام 1821م. علي كده، المهم عندي اثبات حقيقة ان لاغرابة في موقفك المعادي للثورة والثوار في دارفور. غير المدقق قد يستنتج، انو خصومتك مع المقاتلة تراجي هي الانتهت بيك لمعاداة ثورة تحررنا كلنا. العكس هو الصحيح، صلة تراجي بالثورة هي الادت لي خصومتك مع تراجي. ماتفهمني خطا، لاخوف علي تراجي هنا، بل حق مشروع من حقوقوك طول ماالخصومة نظيفة، وماعلي الاخت تراجي الا تقبل ذلك بصدر رحب اوعقل مفتوح، بالذات انها الان في موقع مسؤولية تحتم عليها قبول "الراي الاخر"، نعم الراي وليس دواس ومنازلة جرذان الاسلام السياسي، من اذناب النظام الجلابي الكيزاني. من قبل تراجي، بي زمن بعيد، اذكر اول مداخلة لي معاك كانت بي سبب موقف سلبي منك ضد الفارسة رودا. اذكرك كيف ثورة تحررنا الاولي، الانطلقت من غرب افريقيا، في السودان، مثلت دارفور قاعدة انطلاقا الصلبة، لتقبر هذه الثورة علي ايدي الجلابة، من امثال عبدالله ودسعد، وكثمن لخيانة الجلابة تم، تمليك بقية السودان والسودانيين لاحفاد ودسعد. بناءا عليه، ثورة دارفو تمثل استئناف لثورتنا المهدية، اللتي اشعل شرارتها دانفوديو في غربنا الافريقي. فليلة حمدان في شيكان، قادمة، والزحف علي خرطوم السودان المصري، ودك سرايا غردونه العربي، قادم لامحالة. الكلام انت مع منو؟ مع الثوار، ام مع صنيعة التركية السابقة؟ اقيف هنا واسمعع منك قبل المواصلة. مع خالص مودتي