عبدالحميد البرنس يحذر من استغلال ماحدث ضد كل ماله صلة بالمكون العربي-الاسلامي!

Quote: الاخ العزيز عبدالحميد. اخوك دق خروج من امبارح. عشان كده مسجل غياب من بوستك العامر او قطعا كان حيكون وارم، لو لا مشاغل الدنيا، والجري ورا المعايش. بعد تلاتة اسابيع بكون عندي ميزانية وكت معقولة. اتمني لو حيينا للزمن داك ارجع او كنت انت موجود نبدآ عمل مشترك "حول اليات الخطاب الثقافي" كمااسميته. اماحدتي وخط خطابي، فهما اولا تعبير حقيقي عن مايجيش في دواخلي. من الجهة الاخري المسؤلية وحجم مانحن مواجهين به يحتم مستوي عالي جدا جدا من الشفافية والصدق مع النفس. ثانيا، اتعجب يااخي ايما عجب لمن الواحد فينا يتآمل جبال الظلم وانهار الدموع الفي بلدنا، او مايحتد كاضعف الايمان، او تغلي الدماء في عروقو من الغضب، كرد فعل! ده كلو وانا كشمالي، صاحب حظوة وامتياز بالميلاد- ولدت وفي فمي معلقة ذهب! فمابالك في من ياتون للوجود كبعض متاع لي بشر ذيهم ياكل الطعام ويغشي دورات المياه متبرزا؟ لن انسي ماحييت منظر الذل والقهر يشع من عيون من تولو تربيتي ورعايتي وانا طفل من مقهوري ومستعبدي الفور في اقصي الشمال من المملوكين "حينها"، لال بشاشا، في خمسينات وستينات القرن الماضي.. اماكيف اتذكر كل هذا واناطفل رضيع حينها؟ انها الذاكرة الجينية يااخي، وماعايشته لاحقا حتي المرحلة المتوسطة لمان غادرت دنقلا الحبيبة، اخر معاقل كوش، وبوابة الفيضان، كما احكم وصفها المناضل Chancellor Williams! لمان اتكلم كده، الذين في قلوبهم مرض، ويؤرق مضاجعهم "اعترافات" بشاشا، ياخدون الكلام عن "رقيق ال بشاشا" خارج سياقو ويستخدمو في خسة ووضاعة لتسوية حساباتهم مع بشاشا. ذي ماشايف الموضوع اعقد واكبر بي كتير من موضوع محارق التطهير المدورة في بلدنا، كClimax وتتويج لي تاريخ طويل من القهر والظلم المعشعش ،باض او فرخ في بلدنا. متي ماعدت حاواصل في الخيط ده، حتي لوكنت انت ماموجود. بالله لوموجود في القاهرة، قول لي "كفيلتي" في المنبر ده، رجاء العباسي، بشاشا يغريكي السلام، كتير! مع خالص مودتي وامتناني لشعورك النبيل نحو شخصي الضعيف. اخوك كمال بشاشا.