عنجهية، صلف، وغرور نجاة وبولا، لماذا؟

Quote: 14-06-2004, 10:00 م Bashasha . تاريخ التسجيل: 08-10-2003 مجموع المشاركات: 2297 Re: العربية والعبرية والاصل الواحد (Re: Agab Alfaya) دكتورة نجاة 1) للاسف انتي بتتعاملي مع الناس بي غرور او تعالي، ما من طبعي اسكت عليه، لكن في حالتك، قطعتها في جواي ساكت. الان بتقولي لي ابعد عن طريقي، وانا اصلا مافي طريقك، ولم افعل اكثر من التعبير عن راي ذيي او ذي اي عضو، بلا حجر، او ده منبر عام انتي لا تملكي وبكل الاحترام ان تمنعي زيد او عبيد من حقو في التعبير، متي واين وكيف شاء. كل شيخ او ليهو طريقتو، فلو اسلوبنا المباشر او دوغري ما بعجبك، فمعليش اصبري علينا شوية بس. 2) موضوع حساسيتك فهو واضح ولست اول من اشار لموضوع الحساسية، اما صلتو بدكتور عبدالله فده استفسار من عندي، ولادخل للعجب بيه. 3) مجال تخصصك وضجرك من كلامنا فيا عزيزتي الموية قالوا تكضب الغتاس، فيا الف مرحب بيك، او كان عندك قول في قولي، فتواضعي حبة او قوليه. 4) قولك كيف المركزية الافريقية عفي عليها الزمن، يفضح منطلقات مركزيتك الغربية، الانتي ذاتكك ما منتبهة ليهو! 5) كلامك عن وحدة الانسانية "كلام" جميل، لاوجود له في ارض الواقع، ابتداء بي بلدنا مسرح اكبر عملية تطهير عرقي اليوم! اذا ده حالنا، فمابال العالم من حولنا حيث الانسان يقتل في اوربا وامريكا الشمالية لمجرد سواد بشرتو، تقولي لي انسانية! فكيف اصراري كافريقي ان اري الدنيا بعيوني او مش عيون الخواجات، يكون عفي عليه الزمن؟ انتي متخيلة فعلا او بي جدك انو المركزية الاوربية انتهت؟ لا حولا ولا قوة! فعندك انتي كلام الغربييين هو معيار المعرفة! وكل من يرفض كلامهم ففي فهمك هو لايعرف، عجبي! 6) كلامك عن التزوير فحاخلي يعدي! 7) طبعا ماعندك ادني فكرة كيف نفس الكلام العايزة تقولي بخصوص اللغات السامية، او علاقاتها بالجعزية اتناقشنا فيه انا او عجب بالحتة. فللاسف الشديد بتتعاملي مع الناس بي تعالي او غرور معرفي، لايخرج عن كونو تهويد، تعريب، وتغريب للتاريخ! اهان في قوة عين اكتر من كده، من زول اغبش ساكت، يثير ضجر العلماء كدكتورة نجاة؟ اسفين اخونا عجب لكننا في الاخر بشر وقوة تحملنا محدودة. ومن هنا وصاعدا فحاركز علي موضوع البوست فقط، فالمعذرة مرة اخري.