|
دعـوى ضـد الفضـائية الســـودانية
|
بما انني من دافعي ضريبة الفاضئية السودانية...وزول ما قاعد اعاين لاي قناة تانية..... ليس اعجابا بفضائيتنا الفاضية... ولكن عشان اخلص حقي الدفعتو.... يظهر غيري كتار.... عشان كدا ناس تلفزيونا حلفو بدينهم وايمانهم.... علا يطرشونا ليها...ويطفشونا منها....احسن برنامج فيها صحة وعافية..... لكن وحات الله البرنامج دا سوى لي هلوسة...... يجيبو ناس الكلي....ويقعدو ينضمو فوقها..... تلقاني اليوم كلو وانا ماسك صفحتي وضهري من تحت واقعد اجس.... وكل دقيقة امشي الحمام واقعد اتفرج في بولي .....لونو يا ربي مالو بقى كدي؟.....البارح كان صافي وفي امان الله ... بس خلاص فشل كلوي..... عليهو العوض ومنو العوض.....ولو جابو ناس الباطنية...وقعدو ينضمو في السكري.... يمسخو علي كباية الشاي القدامي... واكورك فوق المرا علا تسوي شاي تاني وتقلل السكر.... انتي ما يتسمعي في النضم دا؟.....وبقيت كل يومين..... شايل اصبعي وما ديهو لناس المختبر عشان يشيلو منو دم ويفحصو السكري....ودا كوم وناس القلب و العروق والشراين كوم.....بقيت ان كراعي خدرت ساكت... اتمدد فوق العنقريب...واشهّد واستغفر....واوصي الوليدات وامهم ما يدفننوني في البلد دي.... عشان ما اقوم يوم القيامة..... وانا اقعد افتش في جيوبي كايس للاقامة.....والله الرخصة... وان صبحت علي الواطه جري علي المستوصف.... والفحص....وبقروش برضو.....برنامج صحة وعافية بقى لي برنامج هلوسة... وهضربة..... والله برنامج حبيبنا ...حسين خوجلي..... هو ينضم.... ..والمرا قاعدة جنبي و تعاين للستائر الوراهو.... وتقول والله حلاوة ستائر..... عليك الله يا سجيمان باكر من الصباح تمشي تشتري لنا زيهن.....بعد شوية تعاين للترابيز القدامو.....الله والله طقم ترابيز يجنن... عليك الله يا سجيمان باكر دي تجيب لنا طقم زيو.....الترابيز قزاز.... انا اجيب ترابيز قزاز؟....وعندي اربعة شفع....امهم متوحمه بهم علي كدايس طواااااااااالي مشعبطين ومتشعلقين.......وطقم الشربات القداهم... الغريبة نفس لون الشربات ليهو ستة شهور.. ويوم واحد لا شفت حسين ولا شفت واحد من ضيوفو....مدا لو كباية علي خشمو..... غايتو يا حسين ان بقت شربات بلاستيك ... الختيتها رقدت...والله ترامس الشاي.....ما بعرفهن مليانات والله فاضيات ... وبرضو المرا دايرة ..... زيهن..... وقلبي في ايدي..... تقوم يوم تقل عقلها وتقول لي دايرة لي عمة زي دي........والله تحلف علي طلاق الا اشتري عمة قدر حقت حسين وعكاززي عكازو......ديل هينات يا بت الشيخ علا الوشي اسوي عليهو كيفن؟.... .والمذيعات الواحدة قبال ما تقعد قدام الكميرا... يكون ادوها علقة وتجيك وشيها يلعن قفاها...وتقرا الخبر... انفجرت قنبلة في بيروت وهي في سرها تلعن فينا انشاء الله القنبلة التتفجر فيكم كلكم يا المشاهدين وتقطعكم حتة حتة وما يفضل فيكم زول....والله خبرعن السارس في الصين.... وهي في سرها تقول... ان شاء الله يابركة المكاشفي السارس اليكملكم لي حدكم تعاينو لي شنو؟ عيونكم بالتقددن.......والله لما تقول انتهت النشرة.... وهي في سرها تقول لنا ... اهه انتهت النشرة.... ارتحتو؟ كان عندكم شغلة قومو شوفوها..ولا لو عاوزة تنقلنا للاحوال الجوية... تقول الان مع الاحوال الجوية...وفي سرها تقول ان شاء الله يا بركة الما نام ولا اكل طعام..... زلزال ومطر وسيل..... يغرق البلد دي لي حدها..... وتصبحو تلقو عناقريبكم وحللكم وكواريكم. وكروركم.... في شلال السبلوقة.... كل الدعا والنكد دا تقراهو في وشيها والمذيعين الجداد البيقرو نشرة الاخبار....... ديل ما اختاروهم على اساس ... الصوت والصورة....... ديل اختارهم على اساس الاضنين....اي واحد ما عندو اضنين كبار ما ينفع مذيع....يا ربي تكون الاضنين ديل عشان تقوية الارسال؟..... غايتو هم عندهم فيهن حكمة..... اها ندفع قروش عشان......نهلوس...وندفع عشان.... نشتري طقوم. عشاء وشاي وترابيز.....وندفع.. عشان يداعونا وينعلو ابو خاشنا.....وندفع عشان شاشة التلفزيون تتملي كلها اضنين.......... الشكية لي اب يدا قوية
|
|
|
|
|
|
|
العنوان |
الكاتب |
Date |
دعـوى ضـد الفضـائية الســـودانية | سجيمان | 06-23-03, 09:50 AM |
Re: دعـوى ضـد الفضـائية الســـودانية | ود الشيخ | 06-23-03, 10:08 AM |
Re: دعـوى ضـد الفضـائية الســـودانية | سجيمان | 06-23-03, 10:51 AM |
Re: دعـوى ضـد الفضـائية الســـودانية | Ahlalawad | 06-23-03, 10:09 AM |
Re: دعـوى ضـد الفضـائية الســـودانية | سجيمان | 06-23-03, 12:28 PM |
Re: دعـوى ضـد الفضـائية الســـودانية | maia | 06-23-03, 10:16 AM |
Re: دعـوى ضـد الفضـائية الســـودانية | ابو جهينة | 06-23-03, 10:34 AM |
Re: دعـوى ضـد الفضـائية الســـودانية | سجيمان | 06-23-03, 02:47 PM |
Re: دعـوى ضـد الفضـائية الســـودانية | سجيمان | 06-23-03, 01:50 PM |
Re: دعـوى ضـد الفضـائية الســـودانية | alfatih | 06-23-03, 10:58 AM |
Re: دعـوى ضـد الفضـائية الســـودانية | خالد | 06-23-03, 12:39 PM |
Re: دعـوى ضـد الفضـائية الســـودانية | EMU إيمو | 06-23-03, 03:04 PM |
Re: دعـوى ضـد الفضـائية الســـودانية | سجيمان | 06-23-03, 04:15 PM |
Re: دعـوى ضـد الفضـائية الســـودانية | سجيمان | 06-23-03, 03:20 PM |
Re: دعـوى ضـد الفضـائية الســـودانية | Ahmedain | 06-23-03, 03:11 PM |
Re: دعـوى ضـد الفضـائية الســـودانية | سجيمان | 06-23-03, 09:44 PM |
Re: دعـوى ضـد الفضـائية الســـودانية | adil amin | 06-23-03, 03:15 PM |
Re: دعـوى ضـد الفضـائية الســـودانية | سجيمان | 06-24-03, 03:04 PM |
Re: دعـوى ضـد الفضـائية الســـودانية | elsharief | 06-23-03, 03:25 PM |
Re: دعـوى ضـد الفضـائية الســـودانية | انور عمر | 06-23-03, 05:02 PM |
Re: دعـوى ضـد الفضـائية الســـودانية | سجيمان | 06-24-03, 05:17 PM |
Re: دعـوى ضـد الفضـائية الســـودانية | سجيمان | 06-24-03, 05:14 PM |
Re: دعـوى ضـد الفضـائية الســـودانية | lana mahdi | 06-23-03, 05:54 PM |
Re: دعـوى ضـد الفضـائية الســـودانية | سجيمان | 06-24-03, 05:20 PM |
Re: دعـوى ضـد الفضـائية الســـودانية | maia | 06-23-03, 09:58 PM |
Re: دعـوى ضـد الفضـائية الســـودانية | سجيمان | 06-24-03, 04:41 AM |
Re: دعـوى ضـد الفضـائية الســـودانية | قلقو | 06-24-03, 09:49 AM |
Re: دعـوى ضـد الفضـائية الســـودانية | سجيمان | 06-24-03, 05:28 PM |
Re: دعـوى ضـد الفضـائية الســـودانية | HOPELESS | 06-25-03, 05:45 AM |
Re: دعـوى ضـد الفضـائية الســـودانية | سجيمان | 06-25-03, 09:14 AM |
Re: دعـوى ضـد الفضـائية الســـودانية | كوليل | 06-25-03, 06:55 AM |
Re: دعـوى ضـد الفضـائية الســـودانية | سجيمان | 06-25-03, 09:28 AM |
Re: دعـوى ضـد الفضـائية الســـودانية | shiry | 06-25-03, 09:31 AM |
Re: دعـوى ضـد الفضـائية الســـودانية | سجيمان | 06-25-03, 09:36 AM |
Re: دعـوى ضـد الفضـائية الســـودانية | خالد عويس | 06-25-03, 06:59 PM |
Re: دعـوى ضـد الفضـائية الســـودانية | al_msaa | 06-25-03, 07:51 PM |
Re: دعـوى ضـد الفضـائية الســـودانية | سجيمان | 06-26-03, 04:23 PM |
Re: دعـوى ضـد الفضـائية الســـودانية | سجيمان | 06-25-03, 10:20 PM |
Re: دعـوى ضـد الفضـائية الســـودانية | تغريـــد | 06-25-03, 11:01 PM |
Re: دعـوى ضـد الفضـائية الســـودانية | سجيمان | 06-26-03, 01:18 PM |
Re: دعـوى ضـد الفضـائية الســـودانية | قلقو | 06-26-03, 11:40 AM |
Re: دعـوى ضـد الفضـائية الســـودانية | AnwarKing | 06-26-03, 02:16 AM |
Re: دعـوى ضـد الفضـائية الســـودانية | سجيمان | 06-26-03, 09:07 PM |
Re: دعـوى ضـد الفضـائية الســـودانية | albagir altahir | 06-26-03, 07:03 AM |
Re: دعـوى ضـد الفضـائية الســـودانية | benyya | 06-26-03, 07:43 AM |
Re: دعـوى ضـد الفضـائية الســـودانية | OmDur | 06-26-03, 02:02 PM |
Re: دعـوى ضـد الفضـائية الســـودانية | سجيمان | 06-27-03, 05:35 PM |
Re: دعـوى ضـد الفضـائية الســـودانية | سجيمان | 06-27-03, 06:56 AM |
Re: دعـوى ضـد الفضـائية الســـودانية | wadalzain | 06-27-03, 09:48 AM |
Re: دعـوى ضـد الفضـائية الســـودانية | al_msaa | 06-27-03, 08:07 PM |
|
|
|