|
لفت نظــر..... للعضــو عادل عبد العاطــي
|
عادل عبد العاطي..... بارك الله فيهو...راجلن طيب وعديل خلاس...... شغال يلفت في النظر ساكت.....وانا خايفو يتعود علي الحكاية دي...ويوم يجيهو حرامي في البيت ويشوفو..متشعبط في الحيطة.... يقوم يديهو لفت نظر..... الحرامي.. طبعا حيقيف ويفتح خشمو ويندهش....ويعاين لي عادل....ويدعي ليهو ربنا يطول في عمرو.....ويشتغل في البوليص......وقدر مافي زول يجيهو يلفت نظرو.....ويخليهو يتوكل ويمشي يشوف اكل عيشو.....وقالو قطع الاعناق ولا قطع الارزاق.....تقطع رزق الحرامي لي شنو؟....وتاخد زنبو......؟.... لفت يلفت ملفوت......في نبات قاعدين ياكلوهو الناس الحُمُر ديل...اسمو اللفت........او الملفوف ..ماني عارف....اللفت دا عبارة عن كراس مائة وعشرين ورقة...ملفوف في بعض وعاملنو زي الكورا.....انا اول ما شفتو قايل الشي البياكلوها جوا.....وقعدت افرتق في الورق دا وما لقيت أي شي... اتاريهو البيتاكل الورق زاتو.... ترباس قال قبلي جاي وقبلي جاي......برضو دا نوع من لفت النظر....لكن ترباس افرض الدايرا تتلفت دي ماشا في الشارع وقداما حفرة....وسمعت نضمو وقبلت عليهو.....ووقعت في الحفرة وكسرت كراعا......يمشي من ربنا وين؟......ولاّ حيقول ما بنمشي لي ناس ما بيجونا......؟....... لفّ يلفو...وهو ملفوف..... لف ّ لفه...... ربنا انشاء الله يطول في عمر ناس المنبر.....حتى محمد ولدي بقى يقول لاصحابو ..... بابا ومن لفّ لفو......منبر كلو لف ولفيت ولفت..... الواحد يحمد ربو وسط ناس قاعدين يلفو..... ويلفو....مخخنجية شم الانوف من الطراز الاول شُم النوف دي يعني شمامين من الدرجة الاولى....منهم اهل السِنة والبتاعة.....ما يجيني واحد يقول لي انت قاعد.... تسخر من الجماعة...مسطول قاعد يصلي انتهو من الصلاة....قاللو ليهو لف البرش حق الصلاة.....قال ديشششششششششششك.. يا شيخنا دي دايرة ليها قُفتين سجاير احمر.....لفت نظر برضو..... لفت نظر لحاجة التومة.....نظرة يا ابوهاشم.......حاجة التومة..... ختمية علي السكين..... شافت احمد الميرغني في التلفزيون.....وما بتعرفو......قالت لي ولدا ....دا منو الشين دا؟.....قال لها يا يمة انتي جنيتي؟؟؟؟؟؟ دا ما سيدك احمد الميرغني...... حاجة التومة اتخلعت وقامت صنقرت في نص العنقريب واتقنعّت في توبا.....وقالت..كدا كُر....اريتا سماحة السرور يا يابا...............حاجة التومة اتقنعّت في توبا ما دايرا تقابل سيدا وراسا كاشف.....
|
|
|
|
|
|
|
العنوان |
الكاتب |
Date |
لفت نظــر..... للعضــو عادل عبد العاطــي | سجيمان | 09-10-04, 11:52 AM |
Re: لفت نظــر..... للعضــو عادل عبد العاطــي | Kostawi | 09-10-04, 12:13 PM |
Re: لفت نظــر..... للعضــو عادل عبد العاطــي | سجيمان | 09-10-04, 10:57 PM |
Re: لفت نظــر..... للعضــو عادل عبد العاطــي | ناجى الزبير الملك | 09-10-04, 12:44 PM |
Re: لفت نظــر..... للعضــو عادل عبد العاطــي | saif massad ali | 09-10-04, 12:47 PM |
Re: لفت نظــر..... للعضــو عادل عبد العاطــي | سجيمان | 09-11-04, 10:48 AM |
Re: لفت نظــر..... للعضــو عادل عبد العاطــي | سجيمان | 09-11-04, 09:48 AM |
Re: لفت نظــر..... للعضــو عادل عبد العاطــي | مريم بنت الحسين | 09-10-04, 12:54 PM |
Re: لفت نظــر..... للعضــو عادل عبد العاطــي | عثمان عووضة | 09-10-04, 05:51 PM |
Re: لفت نظــر..... للعضــو عادل عبد العاطــي | خضر عطا المنان | 09-10-04, 06:25 PM |
Re: لفت نظــر..... للعضــو عادل عبد العاطــي | شمهروش | 09-11-04, 00:21 AM |
Re: لفت نظــر..... للعضــو عادل عبد العاطــي | humida | 09-11-04, 10:57 AM |
Re: لفت نظــر..... للعضــو عادل عبد العاطــي | سجيمان | 09-12-04, 05:38 AM |
Re: لفت نظــر..... للعضــو عادل عبد العاطــي | سجيمان | 09-12-04, 00:49 AM |
Re: لفت نظــر..... للعضــو عادل عبد العاطــي | سجيمان | 09-12-04, 00:32 AM |
Re: لفت نظــر..... للعضــو عادل عبد العاطــي | سجيمان | 09-11-04, 02:03 PM |
Re: لفت نظــر..... للعضــو عادل عبد العاطــي | سجيمان | 09-11-04, 10:56 AM |
Re: لفت نظــر..... للعضــو عادل عبد العاطــي | شمهروش | 09-12-04, 05:49 AM |
Re: لفت نظــر..... للعضــو عادل عبد العاطــي | Sidig Rahama Elnour | 09-12-04, 05:56 AM |
Re: لفت نظــر..... للعضــو عادل عبد العاطــي | سجيمان | 09-12-04, 08:35 AM |
Re: لفت نظــر..... للعضــو عادل عبد العاطــي | ود الشيخ | 09-12-04, 10:49 AM |
Re: لفت نظــر..... للعضــو عادل عبد العاطــي | سجيمان | 09-13-04, 00:41 AM |
Re: لفت نظــر..... للعضــو عادل عبد العاطــي | خضر عطا المنان | 09-13-04, 07:28 AM |
Re: لفت نظــر..... للعضــو عادل عبد العاطــي | سجيمان | 09-13-04, 11:07 AM |
|
|
|