نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
الشيطــان يسكـــن كيــس الصــعوط
|
ما بتذكر...اول مرة سفيت صعوط....متين.... لكن هناك علاقة مودة وعشق متبادل بيني وبينو....ورمضان انا بعتبرو من العوازل....لانو بيجي ويحجب بيني وبين السعوط.... نهارا......ويخليني طول النهار انا شوق وحنين.... انا لاقبل اي اهانة للسعوط....ولا ارضى عن اي زول يذكر السعوط بسوء...اكجنو لي يوم القيامة واشوفو عشرة عشرة....واحدر ليهو في الضلومة.... وكانت من مبادئ التعايش السلمي بيني وبين ام العيال ان لا تذكر السعوط بسوء..او تلغط فيهو....او تقول له افٍ...واي محاولة لاضطهاد السعوط او الاستعلاء عليه...قد تؤدي الي كارثة لا يحمد عقباها....وقد كانت ام الخير نعم الزوجة...ربنا يطول عمرا....كانت في غاية التعاون..وغاية الحب والمودة للسعوط...تحفظو في التلاجة وتشيل الكيس بكل احترام وتقدير وترفعو في بكان مأمون...تمسح السفة الواقعة في البلاط...او في الموكيت.. بروح رياضية طيبة.... هاشة باشة......قلما توجد في مثيلاتها من نساء الرجال السفيفة..... جاء رمضان.....وانا صراحة من يفوت رمضان اكون شايل هم لي رمضان البعدو....وكلو عشانحيفرق بيني وبين الصعوط نهارا...لما يقرب اذان المغرب.. قبل المويات اكون جبت كيس الصعوط وختيتو جنبي كل مرة اتلفت عليهو واقول ليهو....خلاص هانت كلها دقائق وتحتضن شلوفتي التحتانية بعضٌ منك...... كل محاولاتي لايجاد فتوى تسمح بالسعوط في نهار رمضان باءت بالفشل والنهزرة....سألت واحد قريبنا انصار سنة...عن امكانية سف السعوط في نهار رمضان....قبل علي نهرني ونهزرني وزلاني.....وقرررررررب يطلعني كافر....مشيت لي واحد تاني مو انصار سنة.....وقعدت اشكر وامدح في المذهب المالكي.....وكيف انو مذهب ييسر على المسلم امره.....ويهون عليهو كل قاسي....ومذهب اصلو ما بيمسك الزول من ايدو البيتوجعو....ومالك زاتو الله يرحمو كان راجلن طيب وعديل....واصلو ما بيغليت علي زول...ويا شيخنا دحين دايرك تفتي لي في امكانية سف السعوط في نهار رمضان.....او ان شاء الله اشمو ساااااكت بس.....لكن لا فائدة..... في اول يوم من رمضان.. قمت من النوم وشي ينعل قفاي......لبست البنطلون..والقميص مقلوب.....وانا ماشي الشغل....عاينت لقيت كيس السعوط فوق التربيزة....بعيونو يقول لي تعال وتعال....واحتضنته عيناي...وطفق الدمع منها.... في الشغل... قعدت في المكتب وافتح واقفل في الادراج بدون سبب....وفجأة لقيتصعوط قاعد في الدرج ناسيهو انا من امبارح....كل ما افتح الدرج هو يمد لي لسانو ويغيظني.......قلتو يعني انت عامل فيها قوي؟....ونمرة واحد؟....وساموطي؟...والله حقو الزول حسي يقوم عليك ويوريك شبهك ويسفك.....الله ينعل ابليس....تاني فتحت الدرج لقيت الكيس برضو يعاين لي ويضحك...شلتو بطرف اصابعي.... وبكل قوة قلب..ورباطة جأش...وشجاعة فائقة....رميتو في الادبخانة....واعاين لو وهو يدردق....الي القاع..... وقلت لو.....اها..... عاجبك كدي؟؟؟؟؟؟ رجعت البيت وقلت اخد لي غفوة شوية كان الوقت يجري....غفيت ...لوري..... لوري قلاب مليان صعوط .. صعوط ممطر وجاهز...اشوفو....واشوف نفسي وانا غاتس فيهو لي اضنيا.....واتهزني فوفو من كراعي ... افتح عين واحدة واعاين لها....واشوفا شايله كيس صعوط برضو وقالت لي بابا ... بابا... هاك الكاكا......
|
|
|
|
|
|
|
العنوان |
الكاتب |
Date |
الشيطــان يسكـــن كيــس الصــعوط | سجيمان | 10-16-04, 02:26 AM |
Re: الشيطــان يسكـــن كيــس الصــعوط | bunbun | 10-16-04, 02:45 AM |
Re: الشيطــان يسكـــن كيــس الصــعوط | سجيمان | 10-16-04, 06:29 AM |
Re: الشيطــان يسكـــن كيــس الصــعوط | saif massad ali | 10-16-04, 06:50 AM |
Re: الشيطــان يسكـــن كيــس الصــعوط | سجيمان | 10-16-04, 09:43 PM |
Re: الشيطــان يسكـــن كيــس الصــعوط | سجيمان | 10-16-04, 10:15 AM |
Re: الشيطــان يسكـــن كيــس الصــعوط | ابو جهينة | 10-16-04, 12:47 PM |
Re: الشيطــان يسكـــن كيــس الصــعوط | ناجى الزبير الملك | 10-16-04, 03:35 PM |
Re: الشيطــان يسكـــن كيــس الصــعوط | سجيمان | 10-17-04, 03:10 AM |
Re: الشيطــان يسكـــن كيــس الصــعوط | سجيمان | 10-16-04, 11:07 PM |
Re: الشيطــان يسكـــن كيــس الصــعوط | abas | 10-16-04, 11:32 PM |
Re: الشيطــان يسكـــن كيــس الصــعوط | خضر عطا المنان | 10-17-04, 03:31 AM |
Re: الشيطــان يسكـــن كيــس الصــعوط | Sidig Rahama Elnour | 10-17-04, 03:59 AM |
Re: الشيطــان يسكـــن كيــس الصــعوط | سجيمان | 10-17-04, 11:52 AM |
Re: الشيطــان يسكـــن كيــس الصــعوط | سجيمان | 10-17-04, 09:04 AM |
Re: الشيطــان يسكـــن كيــس الصــعوط | سجيمان | 10-17-04, 06:13 AM |
Re: الشيطــان يسكـــن كيــس الصــعوط | Dr. Moiz Bakhiet | 10-17-04, 09:11 AM |
Re: الشيطــان يسكـــن كيــس الصــعوط | سجيمان | 10-17-04, 01:08 PM |
Re: الشيطــان يسكـــن كيــس الصــعوط | سجيمان | 10-17-04, 10:32 PM |
Re: الشيطــان يسكـــن كيــس الصــعوط | saadeldin abdelrahman | 10-17-04, 11:09 PM |
Re: الشيطــان يسكـــن كيــس الصــعوط | سجيمان | 10-18-04, 02:32 AM |
|
|
|