|
جمهـــورية ود ابــزهــانة
|
ناس تلفزيون السودان.. نبحو البترول جنس نبيح.. غايتو ان شاء الله خير........ دايرين ينشفوهو ويقصرو عمرو..... القطن ترانا نبحنا فيهو كدي....لمن نشف وعدم اسم القطناية اليختوها فوق الجرح....يعني يستحيل ما تتفرج في التلفزيون ساعة من غير ما يجيبو طاري البترول...غايتو يومن اسود زيو... المرق البترول في السودان......... يا جماعة الخلعة العليكم شنو؟....وخلي بالكم الشي البينبحو فيهو وينجهو كتير..... بيتمحق ...ويكمل .. ونقعد بعدين نتلفت......... كل البرامج تنضم في البترول بي سبب وبدون سبب.. ...وبعدين البترول دا لا فقرن زال..ولا حاجة اتقضت.. الفقر في حالو والسجم في حالو....... خايف يوم في برنامج الاسرة.... يورونا كيف نسوي سلطة البترول.....عدد اتنين طماطماية.. مقدار نص كباية بترول خام... كبايتنين بترول مكرر....نص كيلو زلط من بترول النيل....وتصوطيهن مع بعض لمدة ساعة كاملة تقعدي تصوطي.....وتدخليهن الفرن وبعد نص ساعة تقدميهن علي الغداء لي راجلك ...ابو بترولاتك.....وتجي واحدة بتاعت تجميل وتتحكر في نص الاستوديو....وتقعد تشنّف في الطلح والشاف وليه النسوان يدخنو بالحطب؟ والحطب دا تخلف.....ودخان بتاع ناس ما عايشين في الالفية التالتة..... يدخنن بالبترول.....وحتى دهن الكركار دا يخلوهو ....ويستعملو دهن البترول التارتار...... ولاّ في برنامج ديني... يجيبو واحد مولانا ويقعدو يسعلوهو....ويتصل مواطن مسلم ملتزم وباقي عشرة علي صلاتو......ويسعل مولانا ويقول لو... يا شيخنا لو انا ماشي في الخلا.......وراكب بوكسي وادركني وقت الصلاة وما عندي موية...... اتيمم؟..... هنا مولانا يزعل ويقابل الكميرا... ويقعد يهز في اصبعو..... اسمع يا زول هووووي .... تتيمم شنو؟.... انتو نضم الناس الفقرانين دا اصلكم ما بتخلوهو؟.والله صحي مرمي الله ما بترفع........يا زول نحن بلد ربنا مرق فيها البترول..... تعبي لك قزازة بنزين من تنك البوكسي وتتوضا بيها.....البترول راااااااقد نحمد الله......وغُسل الجنابة دا شفتو....... غُسل الجنابة دا تغتسل بي صفيحتين بترول خام..وان تعذر البترول الخام..... تمشي اقرب طرمبة وتعبي لك جردل بنزين وتجي تغتسل......ربنا قال اما بنعمة ربك فحدس..والحديس هنا.. انك تمشي الجامع وريحة البنزين ضاربا .....وبعدين بترولنا دا كلو بركة.. عليّ وما عليّ....قالو ناس برا الزول يملا تنك العربية بنزين من بنزينا ويحوم بها سنة ... للحول.. حتين تاني يعبيها..... شفت البركة دي؟............ حتى في الكورة... الهلال اتغلب خمسة.... ما يتغلب يعني شنو؟.... ان شاء الله يتغلب عشرة...... نحن بي بترولنا نحمد سيدنا........ ولاّ يجي برنامج الاطفال......ويجي الزول القاعد يسعل الشُفع داك؟..... ويسعل لو شافع مقرم ..وشفت.....ويقولو يا شاطر.... انت لما تكبر بتتمنى تكون شنو..... والشافع يضحك ويمرق سنونو المسوسات....ويقولو انا؟.... انا.. داير ابقى بترول........ تبقى بترول؟.....آآآآي بترول.....وتبقى بترول ليه يا شاطر...... ابقى بترول عشان... عشان.... يصدلوني لي امريكا....... ومن هناك اشتتت يا فلدة........
الختام.. ابوعركي..... وعن حبيبتي...... بقولكم
لقت الحمامات الحزينة
وقامت ادتا بُرتكانا
.. شفتو؟... شفتو جنس البوبار دا.. ياهو البيودينا الطين.... برتكان شنو الفايق للحمام....؟ علي اليمين حبيبتو تلقى برتكانة الزمن داك؟.... تدسها من اخوانا في البيت.. تقعد تقشر فيها وتاكلها وهي متغتية تحت البطانية..... لمن تقعد توزع فيهو.... هاك يا طير وهاك يا غراب.......؟ غايتو نحمدك يا الله... نحن ناس جمهورية ود ابزهانة
|
|
|
|
|
|
|
العنوان |
الكاتب |
Date |
جمهـــورية ود ابــزهــانة | سجيمان | 03-28-05, 08:06 PM |
Re: جمهـــورية ود ابــزهــانة | Mohamed Elbashir | 03-28-05, 10:36 PM |
Re: جمهـــورية ود ابــزهــانة | سجيمان | 03-29-05, 12:50 PM |
Re: جمهـــورية ود ابــزهــانة | سجيمان | 03-31-05, 02:53 PM |
Re: جمهـــورية ود ابــزهــانة | سجيمان | 03-29-05, 01:01 AM |
Re: جمهـــورية ود ابــزهــانة | ابو جهينة | 03-29-05, 02:00 AM |
Re: جمهـــورية ود ابــزهــانة | A.Razek Althalib | 03-29-05, 02:21 AM |
Re: جمهـــورية ود ابــزهــانة | سجيمان | 03-30-05, 02:05 AM |
Re: جمهـــورية ود ابــزهــانة | سجيمان | 03-29-05, 11:49 PM |
Re: جمهـــورية ود ابــزهــانة | سجيمان | 04-01-05, 03:51 AM |
Re: جمهـــورية ود ابــزهــانة | عمر الفاروق شيخ الدين | 03-29-05, 02:28 AM |
Re: جمهـــورية ود ابــزهــانة | سجيمان | 03-30-05, 10:04 AM |
Re: جمهـــورية ود ابــزهــانة | هشام مدنى | 03-29-05, 02:17 PM |
Re: جمهـــورية ود ابــزهــانة | سجيمان | 03-30-05, 01:27 PM |
Re: جمهـــورية ود ابــزهــانة | سجيمان | 03-31-05, 12:08 PM |
Re: جمهـــورية ود ابــزهــانة | سجيمان | 04-01-05, 11:59 AM |
Re: جمهـــورية ود ابــزهــانة | صديق الموج | 03-29-05, 02:54 PM |
Re: جمهـــورية ود ابــزهــانة | سجيمان | 03-30-05, 09:03 PM |
Re: جمهـــورية ود ابــزهــانة | سجيمان | 04-03-05, 10:06 AM |
Re: جمهـــورية ود ابــزهــانة | abdelgafar.saeed | 03-30-05, 02:12 PM |
Re: جمهـــورية ود ابــزهــانة | garjah | 03-31-05, 00:12 AM |
Re: جمهـــورية ود ابــزهــانة | سجيمان | 03-31-05, 10:47 PM |
Re: جمهـــورية ود ابــزهــانة | سجيمان | 03-31-05, 03:09 AM |
Re: جمهـــورية ود ابــزهــانة | سجيمان | 04-02-05, 02:43 AM |
Re: جمهـــورية ود ابــزهــانة | سجيمان | 04-01-05, 07:51 AM |
Re: جمهـــورية ود ابــزهــانة | نادية عثمان | 04-01-05, 08:44 AM |
Re: جمهـــورية ود ابــزهــانة | سجيمان | 04-01-05, 03:38 PM |
|
|
|