|
الله يجننك يا دي المـرا... كان دايـره تجنيني
|
بعد انتصاري... بفضل بعض الاخوة الكرام... انتصاري في معركة ام الضرائب.....من السفارة بالرياض....وانا فرحان وكل مرة افتح الشنطة واعاين لي للبظبورطي.. الللييلي....... واشوف التجديد... مبسوطاً منفوخاً.....وبقيت اخوم في شوارع الرياض .... في قمة التغا والفلهمة.....وليالي الرياض ذات الشية والطماطم......وبعض من شطة... وغياب الجرجير... للجرجير.... في نفسي مكانة خاصة.....لا تعادلها ال ابكانة البستي كولا ايامي الاتعلمت شرابها في الخرتوم وانا قروي قادم من حجار وارض الرباطاب الغبشا.....ووصية جدي اللمين.. اني ما امشي الخرتوم وابقى صعلوج واتعلم شراب البستي كولا....واكل الفول والعيش..... الله يرحمك يا جدي اللمين..... ما شفت البستي كولا خسي بقى يسوا ليها مزيرة عديل..... تدخل قروشك وتجيك ناطة من الطاقة علبة البستي كولا سااااااااقطة......اول يوم اشوف المزيرة دي....خسران فيها عشرة ريالات.. الريال يحك الريال...... نهاري كلو قاعد جنبها....ادخل الريال....وتجيني العلبة ناطة.... اشيلا واقعد اضحك....وانا مستعجب في شدة الحيكومة دي... المافي شي في الدنيا غلبتا.....الغريبة ان دخلت ورقها سااااكت وداير تغشها... المزيرة تعرفها وترجعها ليك.....قادر الله...... رحت مطار الرياض الكبير....وانا راجع لي وليداتي....قعدت في كرسي قصاد السلم القاعد يمشي براهو داك....يطلعك الدور التاني وانت واقف بس.... اتظكرت مُشرع المركب في بلدنا..... وكيفن امونة بت الخدر قدر ما تجي نازلة بيهو تتدردق....وديمة لاحقنها وهي غاتسة في بطن الموية في حجرة البحر....ويرفعوها....وشحدت الله ربنا يسهلنا ويبقى عندا مُشرع زي السلم البيمشي دا.....في الكرسي البي يمين قاعدة مرا... هندية اظنها......وباين عليها اول مرة تجي.... لابسه ساري اخدر.... مرا ضعيفة كملانة من لحم الدنيا.... وتبكي.....اتعاطفت معاها وحننتني..وانا براي احنن و داير زول يتعاطف معاي...وفي سري قلت دي تكون خدامة..جاية تشيل وتلعّب وليدات الناس ومخليه وكارما وليداتها هناك.. لي حبوبتهم وابوهم.....الدنيا بعد مرات قاعدة تأدب البني ادم بلا سبب.....فجعة اشوف المرا قامت ومشت علي السلم ودايرة تركب وتطلع فوق..... لقيتها كل مرة تمد كراعها.....وتاني ترجعها....اكتر من عشرة مرات تعاين للعتبة سمح وتمد كراعا والعتبة تجري منها وهي ترجع كراعها ونقعد تعاين للعتبة حقت السلم ..وهي ماشة فوق......فكرت اساعد الانتاية المسيكينة دي...وامشي وامسكها من ايدها وانط بها في بطن السلم واطلعها للدور التاني....لكن لقيت ممكن المرا دي تتملص وتقع مني وتكسر كراعها وابقى انا في نصيبة..... التخارجني منها ما تتعرف.....تاني قلت انا امشي والزها في السلم.. لكن برضو ممكن تقع....اتظكرت حمارة عبد الغني ودسعد....ويوم كانو دايرين يدخلوها المركب....في البحر.... الحمارة تدخل كراعها اليمين.....ووقت يجي عبد الغني يدخل الكراع الشمال الحمارة تمرق اليمين راجعة....على في النهاية ساعدوهو جماعة ....ولزو الحمارة من صلبها..حتين ركبت المركب....انا فكرت استعمل التقنية دي مع المرا الهندية الواقفة....متمحنة جنب السلم البي يمشي دا......قلت اا امسكها من مساكات الضهر والزها...عاين للضهر وكست للبكان الدفرو منو حمارة عبد الغني لقيت ما عندها.....هنا حنني راجلها...وكيفن عايش مع مرا ما عندها مساكات ضهر.....؟..واتمنيت من جوا قلبي يا ريت لو بقت المرا دي صوماليه....ومساكات ما خمج يبقن عندها... قلت يمكن المرا دي ضهرها كدي اتوماتيك... زي ابواب المطار دا..... ما عندها مساكات لكن قاعدة تقفل وتفتح اتوماتيك.....قدر ما يجي زول يقيف وراها في ضهرها تفتح.. وان رجع شوية تقفل...... يمكن.. الدنيا مو معروفة..... انا قاعد متمحن كيفن اساعد مرت الجن دي؟......وهي واقفة متمحنة جنب السلم .....شحدت الله الكهربا تقطع .. عشان المسيكينة دي تركب السلم دا وترتاح وتريحني معاها.....جاتني فكرة انو امشي ليها...واقيف جنبها واقولها اتشعبطي فيني.. وامسكي في رقبتي كويس وقوي.....واتوكل علي الله وانط بها في بطن السلم وهي متشعبطة في رقبتي....لكن خفت .... نقوم نقع انا وهي في السلم....ونتصاط في بعضنا ويتلمو الناس ويفتكروني انا داير اتلوم في المرا دي....ويدقوني ساكت... ويودوني المحكمة.... وانا زول محصّن.... وقطع شك يكون الرجم راجيني..... بالرغم من ان لا في مرواد في مكحلة ولاحاجة...... وهو داك وقت مراويد.....و االمرا الشافتها عيني ديك.. الما عندها مساكات ضهر....باقي لي هي زاتها ما عندها مكحلة....... سمعت موعد رحلتي في المكرفون....ومشيت علي الطيارة.. وخليت المرا المسيكينة دي واقفة قبل السلم البي يمشي داك......ولمن وصلت اهلي وانا افكر فيها......واشحد في الله انو يسهلها وتركب السلم..........
|
|
|
|
|
|
|
العنوان |
الكاتب |
Date |
الله يجننك يا دي المـرا... كان دايـره تجنيني | سجيمان | 09-02-05, 01:04 PM |
Re: الله يجننك يا دي المـرا... كان دايـره تجنيني | sharnobi | 09-02-05, 01:16 PM |
Re: الله يجننك يا دي المـرا... كان دايـره تجنيني | سجيمان | 09-03-05, 02:32 AM |
Re: الله يجننك يا دي المـرا... كان دايـره تجنيني | عمر محمد عبد القادر | 09-02-05, 01:35 PM |
Re: الله يجننك يا دي المـرا... كان دايـره تجنيني | سجيمان | 09-03-05, 08:38 AM |
Re: الله يجننك يا دي المـرا... كان دايـره تجنيني | هشام مدنى | 09-02-05, 01:36 PM |
Re: الله يجننك يا دي المـرا... كان دايـره تجنيني | WADKASSALA | 09-02-05, 02:01 PM |
Re: الله يجننك يا دي المـرا... كان دايـره تجنيني | وليد شريف | 09-03-05, 03:04 AM |
Re: الله يجننك يا دي المـرا... كان دايـره تجنيني | سجيمان | 09-04-05, 07:31 AM |
Re: الله يجننك يا دي المـرا... كان دايـره تجنيني | سجيمان | 09-04-05, 06:33 AM |
Re: الله يجننك يا دي المـرا... كان دايـره تجنيني | سجيمان | 09-07-05, 08:06 AM |
Re: الله يجننك يا دي المـرا... كان دايـره تجنيني | سجيمان | 09-03-05, 12:46 PM |
Re: الله يجننك يا دي المـرا... كان دايـره تجنيني | حمزاوي | 09-03-05, 04:04 AM |
Re: الله يجننك يا دي المـرا... كان دايـره تجنيني | سجيمان | 09-04-05, 02:01 AM |
Re: الله يجننك يا دي المـرا... كان دايـره تجنيني | سجيمان | 09-12-05, 01:32 PM |
Re: الله يجننك يا دي المـرا... كان دايـره تجنيني | حمزاوي | 09-03-05, 04:17 AM |
Re: الله يجننك يا دي المـرا... كان دايـره تجنيني | ابو جهينة | 09-03-05, 05:02 AM |
Re: الله يجننك يا دي المـرا... كان دايـره تجنيني | سجيمان | 09-04-05, 04:35 PM |
Re: الله يجننك يا دي المـرا... كان دايـره تجنيني | سجيمان | 09-10-05, 10:56 AM |
Re: الله يجننك يا دي المـرا... كان دايـره تجنيني | سجيمان | 09-04-05, 11:55 AM |
Re: الله يجننك يا دي المـرا... كان دايـره تجنيني | Abdulla Ageed | 09-03-05, 04:55 AM |
Re: الله يجننك يا دي المـرا... كان دايـره تجنيني | سجيمان | 09-05-05, 05:04 AM |
Re: الله يجننك يا دي المـرا... كان دايـره تجنيني | ودقاسم | 09-03-05, 05:10 AM |
Re: الله يجننك يا دي المـرا... كان دايـره تجنيني | سجيمان | 09-05-05, 01:28 PM |
Re: الله يجننك يا دي المـرا... كان دايـره تجنيني | سجيمان | 09-05-05, 03:14 PM |
Re: الله يجننك يا دي المـرا... كان دايـره تجنيني | الطيب حسن جميل | 09-03-05, 05:40 AM |
Re: الله يجننك يا دي المـرا... كان دايـره تجنيني | Yassir Tayfour | 09-03-05, 10:38 AM |
Re: الله يجننك يا دي المـرا... كان دايـره تجنيني | المسافر | 09-03-05, 10:39 PM |
Re: الله يجننك يا دي المـرا... كان دايـره تجنيني | سجيمان | 09-07-05, 03:50 PM |
Re: الله يجننك يا دي المـرا... كان دايـره تجنيني | سجيمان | 09-06-05, 02:05 PM |
Re: الله يجننك يا دي المـرا... كان دايـره تجنيني | سجيمان | 09-06-05, 08:33 AM |
Re: الله يجننك يا دي المـرا... كان دايـره تجنيني | waleedi399 | 09-04-05, 09:54 AM |
Re: الله يجننك يا دي المـرا... كان دايـره تجنيني | نادية عثمان | 09-04-05, 08:26 PM |
Re: الله يجننك يا دي المـرا... كان دايـره تجنيني | سجيمان | 09-08-05, 11:10 AM |
Re: الله يجننك يا دي المـرا... كان دايـره تجنيني | سجيمان | 09-08-05, 02:37 AM |
Re: الله يجننك يا دي المـرا... كان دايـره تجنيني | saadeldin abdelrahman | 09-04-05, 08:52 PM |
Re: الله يجننك يا دي المـرا... كان دايـره تجنيني | سجيمان | 09-08-05, 03:49 PM |
Re: الله يجننك يا دي المـرا... كان دايـره تجنيني | سجيمان | 09-09-05, 04:51 AM |
Re: الله يجننك يا دي المـرا... كان دايـره تجنيني | فارس موسى | 09-04-05, 11:18 PM |
Re: الله يجننك يا دي المـرا... كان دايـره تجنيني | سجيمان | 09-09-05, 09:00 AM |
Re: الله يجننك يا دي المـرا... كان دايـره تجنيني | محارب | 09-05-05, 02:38 AM |
Re: الله يجننك يا دي المـرا... كان دايـره تجنيني | سجيمان | 09-09-05, 01:29 PM |
Re: الله يجننك يا دي المـرا... كان دايـره تجنيني | Samer Osman | 09-08-05, 04:44 AM |
Re: الله يجننك يا دي المـرا... كان دايـره تجنيني | نادية عثمان | 09-08-05, 01:14 PM |
Re: الله يجننك يا دي المـرا... كان دايـره تجنيني | Samer Osman | 09-10-05, 00:31 AM |
Re: الله يجننك يا دي المـرا... كان دايـره تجنيني | سجيمان | 09-10-05, 08:11 AM |
Re: الله يجننك يا دي المـرا... كان دايـره تجنيني | سجيمان | 09-10-05, 11:44 PM |
Re: الله يجننك يا دي المـرا... كان دايـره تجنيني | سجيمان | 09-09-05, 07:20 PM |
Re: الله يجننك يا دي المـرا... كان دايـره تجنيني | سجيمان | 09-10-05, 03:28 PM |
Re: الله يجننك يا دي المـرا... كان دايـره تجنيني | ود شندي | 09-13-05, 01:56 AM |
Re: الله يجننك يا دي المـرا... كان دايـره تجنيني | فرح | 09-13-05, 02:04 AM |
Re: الله يجننك يا دي المـرا... كان دايـره تجنيني | سجيمان | 09-14-05, 02:16 AM |
Re: الله يجننك يا دي المـرا... كان دايـره تجنيني | سجيمان | 09-13-05, 01:20 PM |
Re: الله يجننك يا دي المـرا... كان دايـره تجنيني | Ahmed Abdallah | 09-13-05, 03:13 PM |
Re: الله يجننك يا دي المـرا... كان دايـره تجنيني | سجيمان | 09-14-05, 10:19 AM |
Re: الله يجننك يا دي المـرا... كان دايـره تجنيني | Ahmed Abdallah | 09-14-05, 10:34 AM |
Re: الله يجننك يا دي المـرا... كان دايـره تجنيني | سجيمان | 09-14-05, 10:01 PM |
Re: الله يجننك يا دي المـرا... كان دايـره تجنيني | منصوري | 09-15-05, 00:06 AM |
Re: الله يجننك يا دي المـرا... كان دايـره تجنيني | سجيمان | 09-15-05, 07:08 AM |
|
|
|