صديقي الرائع أبوالنيز، كيفك وكيف أحوالك الخاصة والعامة و ليك وحشة ياراجل، وعليك الله رسل لي تلفونك فى الماسنجر لمعرفة آخر أخبارك (نحنا نجيء إنتو تمشوا، ونحنا نمشي إنتو تجوا ياخي دي بقت غلوطية ، وعليك الله أبقى أظهر)
وبعدين ياراستا سروية دي منو؟ معاكم فى شلتكم بتاعت المتصوفين الراستوات وللا شنو؟ عليك الله قول ليها:"أبو السيد قال ليك ماتنسينا من صالح الدعوات " وبالمناسبة دي ذكرتني بي شيخ ظهر فى أمدرمان قالو عنو:" شيخ هاني حيرانوا جكسي وميحايتو بيبسي "
نرجع للموضوع الأصلى، بحق وحقيقة هذه السارة قمة المتعة والإبداع، ورسالتها هادفة ونبيلة، كيف لا، وقد وضعت بعض من تراثنا الشعبي فى قالب من ذهب، وتمسكها بسودانيتها وبأهلها الطيبين، وغيرها وخصوصاً فى البلدان العربية، يتنكرون من تراثنا وعاداتنا السودانية الأصيلة ويشعرون بأنه شيء مخجل ويجب التنكر له. فالتحية لهذه السارة ورسالتها الوطنية العميقة وليك إنتا برضو كمان لأنك راجل فردة .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة