Re: الرســاجات يادرفــة....مســاطيل البورد و الرندوك .........(السيجارات يافردة) (Re: Siddig A. Omer)
قالوا فى واحد مسطول منتظراتى داير يثبت لى أصحابو نظرية جديدة قال للجماعة جيبو ضبانتين خته واحدة فى صحن قاليها طيرى طارت جاب التانية قطع جناحاتها قاليها طيرى ما طــــــــــــــــارت قال للجماعة إذن فالذبابة عندما تقطع جنيحاتها لا تسمـــــــــــــــــــــع قالو الثعلب لقى الغراب قاعد فوق وشايل ليهو لحمه فى منقارو الثعلب عاين ليهو كده وقال ليهو يا غراب لى مده اطلب ان اراك لاسمع الجميل من غناك اسمعنى غناك يا ذو الصوت الطروب الغراب فتح خشمو عايز يغنى اللحمه وقعت منو الثعلب فتح خشمو عايز يتلقفها الغراب طلع رابط اللحمه بى خيط فى رقبتو عاين للثعلب وفال ليهو انت قايلنى غراب سنه رابعه ابتدائى ولا شنو قالو فى واحد مسطول جنو يشر اللحمه لمن تجف حتى ياكلها وفى صقر معزبو عزاب شديد بس يشر اللحمه يجى يختفها يوم المسطول كمن للصقر وعمل ليهو شرك الصقر وقع فى الشرك المسطول مسكو وجاب ليهو نار وحرق ليهو منقارو كلو وقال ليهو امشى بعد دا شوف ليك نشأ اشربها . واحد مسطول جننته ذبابة كل مرة تجيه أزززززززززززززززز ..غايتو من جاى لجاى قبضها قام جرّ نفس طويل ونفخه فيها ..سطلت رقدت مدروخة بقى يدنقر فوق رأسها ويقول ليها إزززززززززززززززز المسطول شاف الراجل عجوز يأكل جلي قال ليهو إنت ترجف والجلي يرجف جننتو الملعقة مسطول جة البيت متأخر أختوا فتحت ليهو الباب قال ليها وين إنتي حايمة لحدي الساعة دي واحد سكران , واقف شماعة في بص ,ماسك في الحديدة بي يد واليد التانية ماسك بيها باقي القزازة ’ جا الكمساري يخلص منو , ـقال ليه ارح ادينا ياخينا ـ السكران قال ليه ادييك كيف ,هغ, ماشيفني ماسك بي يدي الاتنيين ـ قال ليه خلاص جيب النمسك لييك القزازة ـ قال ليهو ,هغ, لييييه ماتمسك الشماعة __________________ مسطول سألوه عن الفرق بين الحيرة والدهشة.. قال ليهم: الحيرة انو يدخلوك في اوضة مدورة ويقولوا ليك أقيف في الركن.. قالوا ليهو طيب والدهشة؟ قال ليهم: الدهشة إنك تلقى الركن مسطول قال لمس الكرة باليد حرام قالو ليهو ليه قال وضربها بالكف عند اللاعبين حرام __________________ مسطول لقى واحد وولدوا واقف وراهو .... قال ليهو مالك انتا وولدك واقفين زى الساعة اتناشر شوكة __________________ تاجر بانقو اتقدم لى بت ..........اهلها سالوه شغال وين ..........قال: فني تكييف مسطول احوص دايرين يشنقوهو سألوه: امنيتك شنو؟ قال: اشوف نفر واحد بس __________________ مسطول قدام القاضى القاضى قاليهو لو قلت لى عشرة حاجات بتبدأ بحرف الباء بفكك قال ليهو : بجيبها ...بفرتقها ...بفتفتها ....بلفها ....ببرمها .... ..بمسكها ....بشربها ....بنسطل ....برقد .....بنوم __________________ قال ليك شافع رباطابى شاف ليه حمار بجى كل يوم يقيف جنب شباك الفصل قام سال الاستاذ قال ليهو الحمار ده كل يوم بجى اقيف هنا لييه الاستاذ قال ليهو يكون عندو اخو فى الفصل ده الشافع قال ليه والله يا استاذ الغريبه ما بجى الا فى حصتك انته -------------------------------------------------------------------------------- قال ليك شايقى وورباطابى جاتم ليلة القدر الرباطابى اتحير يطلب شنو (قام فكركده وقال الشايقي ده مو نجيض ) فقال ليهم اى حاجه تدوها للشايقى ده ادونى منها اتنين الشايقى اتغاظ منو شديد وعاين كده وقال ليهم خلاص قدو لى عينى الشمال دى واحد مسطول عندو 3 شعرات بس والباقي صلعة والغريبة أصحابو المسطايل بقولو ليهو اب شعر وهو مصدق الحكاية دي مرة عايز يسرح شعرو مرر المشط المرة الاولى أنقطعت شعرة من التلاتة مرر المشط تاني إنقطعت الشعرة التانيةقام قال أها خلينا منكوش كدة اتنين مساطيل الأول يقول للثاني تصدق أنك تشبه الحمارالثاني قال ليهو قول ما شاء الله . تاجر بانقو اتقدم لى بت ..........اهلها سالوه شغال وين ..........قال ليهم: فني تكييف مسطول لقى واحد وولدوا واقف وراهو .... قال ليهو مالك انتا وولدك واقفين زى الساعة اتناشر شوكة استاذ سال تلميذ مسطول ما معنى كلمة سبيل؟ رد التلميذ: طريق.. المعلم وسلسبيل؟ قال ليهو ... طر.. طريق مسطول لقى جدو بيأكل جلي قاليهو: انت بترجف والجلي يرجف جهجهتو المعلقة مسطول احوص دايرين يشنقوهو سألوه: امنيتك شنو؟ قال: اشوف نفر واحد بس سألو مسطولة سودانية ترشحي مين لقيادة حماس؟ اجابت: راغب علامة مسطول؟؟؟ لقي اثنين في المقابر بفتشو علي قبر ابوهم وهم بتغالطوا: ياهو ده لا ماياهو، ياهو ده لا ماياهو، قاليهم: انتو دايرين تدو هو فاتحه ولامصاريف واحد سأل واحد مسطول يا أخ انا داير اصل المستشفى أقرب شارع بى وين ؟؟؟؟ رد المسطول : بسيطة أقيف في نص الشارع واحد مسطول مشي للدكتور بشتكي من ضرسو، الدكتور قاليهو: احشي ليك؟ قاليهو لا.. لا.. اديني في صحن!! مسطول سأل مسطول اذا دخل زيد قبل عمرو فكم تفاحه في الصندوق؟ التانى قال ليهو الفيل لانه حيوان برمائي!! مسطول سأل التاني : الطحنية دي بصنعوها من شنو؟ قاليهو: من النشاره!! مسطول في المدرسة سمع الاستاذ بقول المثابرة تولّد النجاح قال لى زميلوا : مــــــــتين هي المثابرة بقت دايه؟؟ مسطــــــــــــول ماشي وراء واحدة مسطــــــــولة فكر يقول ليها حاجة يشاغلها قال ليها : ا لحلوة وراها مشوار؟ قالت ليهو: الحلوة وراها .........حمااااااااار مسطول عمل عملية تجميل جاء داخل لاهلو بعد العملية قال ليهم على بالقسم ما عرفتكم مسطول مشي المولد اشتري عروسة مولد.......... ومشي بيها الفندق عجلاتي ساطل زهجان من ولدو النائم لامن الشمس طلعت فيهو. جات امه تصحيهو قاليها: خليهو تحت الشمس فيهو رقعة دايرها تقوم مسطول سأل بتاعة الاتصالات: عندكم مفتاح امريكا قالت ليهو ايوه في قال ليها: اعملوا لي منو نسخة مسطول بيشاغل في واحدة لونها اخضر (سمراء) قاليها: وين يا بيبسي؟ قامت تفت عليهو قاليها : وكمان بتفوررري؟ مسطول اشتري عربية شبح جديدة لنج ....وهو سايقها فتح الراديو سمع هنا لندن، قال انعل ابو السرعة ذاتو واحد مسطول مثقفاتى سالوهو ما فائدة (ملاح الويكه؟) قال: يساعد علي انزلاق اللقمه مسطول سألته بنته العائدة من السفر: أنا منو؟ رد عليها قائلاً: بالله انتي ما عرفتي اسمك دايري أعرفك أنا مسطول سايق تاكسى واحد وقفو قال ليهو: نادى الأسرة من فضلك رد قاليهو ناديهم براك مسطول سايق تاكسي الراكب قاليهو: لف يمين، المسطول قاليهو: لفها انت .........انا سايق مسطول ضرب تلفون غلط قال: دا منزل مصعب ؟ قالو ليهم لا قال ليهم : طيب رافعين السماعة ليه مسطول فتحو محطة بنزين جنب بيتهم..... قال: اخيراً الواحد يقدر يكب بنزين كداري مسطول مرَّ جنب المقابر وقف العربية وشغل أغنية ........حبيبي الدنيا ما أحلاها مسطول قدر ما يشرب سفن اب (7 up) بقي يمشي سبعة خطوات وينط.... مسطول جارى وراه كلب ينبح عليهو.. لف ستة شوارع والكلب لسه وراه، لما وصل الشارع السابع الكلب تعب رجع، المسطول وفق في نص الشارع : مبــــــــــــــــــــــــــــــــــالغة دا كلب طويل خلاص مسطول قال ليهو يوم القيامة داير تخش ياتو جنة؟ قال: جنة الاطفال سواق أمجاد راكب جنبو واحد سمـــــــــين لدرجة انو ما قادر يسوق، في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء مسطوووووووووووووول مشى الحج قالو ليهو قوم طوف واسعى قال ليهم: وانتو مش قلت كل شئ على البعثة مدرس بيدرس في طلبة مساطيل قال ليهم: يعيش السمك في الماء! قالو ليهو: يعيش... يعيش..يعيش واحد طلب من مسطول سيجارة عيدية فى عيد الفطر المسطول قال ليهو السجارة كان بدوها عيدية كان ختوها في علبة الحلاوة مسطول بحب نفسو... كتب ليها جواب مسطول دخل يدو في مويه نار مرقا لقاها مافي.. دخل رأسو يشوفا مشت وين مسطول سالوه ما اصغر شئ في الدينا قال ليهم شامة في ضهر نملة يعني لو ما سألنا ما تسألو مننا مسطول ضارب 999 للشرطة واحد مسطول ساق حمار الوحش لبتاع التلفزيونات وقاليهو: عاوز واحد زي دا.. لكن يكون ملون ليه الواحد لما يعاين ليك بتجيهو نفسيات؟ غايتو انا تاني ما حاوريك وشي خالص (مسطولة بتتكلم مع المرايا) سألوا مسطول عن اكثر زول صبور قال واحد منتظر نانسي عجرم في قناة اقرأ واحد عندو ارنب عاوز يبيعو جاهو واحد مسطول قاليهو: القرد ده بكم؟؟ رد الرجل: دا ارنب ما قرد! المسطول قاليهو: يا ابو الشباب انا سألت الأرنب ما سألتك انت واحد سأل مسطول يا زول حالق صلعه مالك؟ قاليهو: والله ما حالق صلعه لكن شعري بقوم بتحت الجلد مسطول شاف حاجة تلمع فوق المويه قال ده شنو؟ قالوا ليهو دي القمره قال معقوله ، انا الخلعني طيب شنو؟؟؟ مسطول لقى بقره واقفه علي مرايه بتتمكيج قاليها والله حرام الجمال دا يروح لواحد تور؟؟؟ مسطول يجئ كل يوم جزمتو ورجل بنطلونه اليمني مبلولات واحد شمارو عالى داير يتكشف السر مشى بوارهو للنيل لقاهو بعد ما يدخن السيجاره يرميها في المويه ويدوسها برجله واحد مسطول سألوه عن الفرق بين الركشة والكارو قال في الكارو الحماره بره؟؟؟ مسطول سألوه: عملية التجميل بي كم؟؟ قال: والله ............حسب شناتكم __________________ مسطول عندو قروش محولة ببنك فيصل، جاء سأل الهدف قال ليهو فيصل وين؟؟؟؟ مسطول مشى لندن، لما رجع سألو صاحبو عن البلد هناك. قاليهو: تمام لكن المحيرني حتى الشفع بتكلمو انجليزي؟؟؟ مسطول مشى يشتكي للدكتور:ـ كلما انوم احلم بكدايس بتلعب كورة اسوى شنو الدكتور قاليهو: بسيطة الليلة ما تنوم.. رد عليهو: الليلة بالذات ما ح اقدر لانو النهاءى؟؟؟؟؟ اتنين مساطيل واحد وقع جوه صهريج التانى انتظروا جنب الماسورة اثنين مساطيل الاول قال للثاني : في ثعبان في رأسك ، قام ضربوا بالزجاجة الثاني قاليهو: آآآي عضاني اضربوا ثاني ؟؟؟؟ واحد قال لصاحبو المسطول: يا خوي انا بالي مشغول............ رد عليه المسطول: يكون في زول رافع السماعة مسطول دخل عليه عزرائيل قال ليهو: أنا ملك الموت. رد عليهو قائلا: خلعتني قايلك بتاع مباحث واحد مسطول لونو احمر شنبو اخضر لاقى مسطول لونو اخضر شنبو احمر قال ليهو : تعال نلعب تربيزة تربيزة !! قال ليهو : ليه عشان تكسر فرملة اليد !! كل واحد شال تلاجتو ومشى؟؟؟ (فهمتو حاجة) فار مسطول نام لمن صحى لقى جنبو كديسة ميتة قال: كنت عارف إني لمن ازعل برتكب جريمة مسطول أمو مريضة مشى الصيدلية جاب ليها دواء لقاها ميتة قال: بصراحة دي حركة سخيفة للغاية ؟؟؟ مسطول قال لمرتو: الجيران ديل ضابحين ولا إيه ، ريحة الابري دي شنو ؟؟؟؟ مسطول جاء جارى بسرعة دقش أمو قالت ليهو : شنو ما شايفني ؟ قال ليها: والله شايفك لكن وين ما عارف؟؟؟؟؟ مسطول سأل صاحبو: مشيت الخطوبة؟ قاليهو: خطوبة منو؟ قاليهو :ليبهر (الا يفهومها الناس البسمعوا الإذاعة) مساطيل ركبوا طيارة هلكوبتر قالوا للكابتن:عليك الله وقّف المروحة دي شوية .. يا دوبنا طالعين من الحمام! مساطيل بسطلو جنب المقابر ، جوا ناس شايلين جنازة واحد منهم قال : بالله شوف الشفوت ديل لافينها قدر شنو واحد مسطول داير ينتحر طفرمن بنبر !!!! مسطول قال لبتاع الدكان: تدينا شنو؟ وبكم وسريييع ؟؟؟؟؟؟ مسطول صلى الصبح ركعة واحدة. لمن رفعوا المصلاية لقوه خاتي تحتها كربون سطول امه قالت ليهو: قوم الشمس طلعت . قال ليها : دخليها واقفلي الباب معاك ؟؟؟ مسطول قالوا ليهو : الصينيين بولدوا كل دقيقة طفل . قال : دا التطور مش زي هنا كل 9 شهور طفل مسطول كل ما يجر نفس يبرم طاقيــــــــــــتو. صاحبو قالىهو : طاقيتك دي لو كانت قلووز كان وصلت كراعك!! . مسطول مشى يخطب جابو ليهو شاي كيس . قال: دا شنو عاملين لي عمل في الشاي كمان ؟ . مسطول مشرور قال لنفسه : يا ربي أنا مستني واحدة الساعة اثنين ولا مستني اثنين الساعة واحدة ؟؟؟؟ مسطول سألوه :ما هو أصعب موقف واجهته في حياتك ؟ قال: موقف الحاج يوسف ؟؟؟ مسطول قال للثاني: انت القطر دا مهم؟ رد علىه: باقى لى كدا لأنو تحتو خطين مسطول النار ولعت في امه قال ليها: نورتي يا حاجة مسطول طلع من الحمام سألوه: استحميت؟ قال: آآى لكن الظهره ما كفت معاى ؟؟؟؟ مسطول قالوا ليهو الهلال فاز بي هدف ( كبير) قال ليهم: كبير قدر شنو يعنى ؟؟؟؟ مسطول وقع من عمارة سألوه الناس: الحاصل شنو يازول؟ قال: والله ماعارف يا دوب جاي؟؟؟؟ مسطول قال لصاحبو: مشيت وين يا فردة؟ قال: مشيت اخدت لي لفة وجيت. قاليهو: أها لقيتها بي كم؟؟؟ مسطول سأل صاحبو قال ليهو: الشيء البقول ناووو وبطير ده شنو؟ قال: كديسة وشايتنها شلوت!! مسطول عينوه مدير دار الايتام اول يوم طلب اجتماع مجلس اباء !! مسطول وقع في حفرة ، حاول يطلع ثلاث مرات ، قال : دي آخر مرة اذا ما طلعت بمشي البيت مسطول ضرب ربع حيطة بيتو جير .. وكتب .. الخ مسطول بيضرب بوهية قالوا ليهو خت الجريدة دي تحتك قال ليهم: لا لا.. كده بحصِّل مسطول.. بتاع الحركة قال ليهو: ما رابط الحزام ليه؟ قال ليهو: هو أنا لابس بنطلون مسطول الدكتور قال ليهو ولدك ده «بسنن» قال انا متوقع حاجة زي دي. مسطول سأل بت قال ليها «اسمك منو؟» قالت ليهو «أسماء» قال ليها «يعني ما إسم معين مسطول سياسى بخطب فى جماعة قال ليهم انتو عارفين كنا منتظرين الزمن يغير الحيكومة................. قامت الحكومة غيرت الزمن ........... حركات امس بالليل ما توقعتها من واحده بحجمك.. عموما عندي تصرف معاك.. مسطول يكلم ناموسه احول ومسطول بيعملوا طعميه، الاحول يرميها برا الصاج والمسطول يقول ليهو تششششش مولانا لقي جماعة بيسطلوا قال ليهم حرام عليكم، قالوا ليهو - وعليك الحرام والرحمه مسطول قال لصاحبه ارسم مربعات علي ظهري من 1 الي 20 وبعدما خلص قاليهو حك لي مربع 6 مسطول سأل بتاع صيدلية : عندك شريط بندول ؟ رد : نعم ، قاليهو المسطول : كدي شغلو نسمعو ... دكتور عيون مسطول راكب عربية جا ماري بالاستوب لقاهو مولع احمر نزل اداه قطرة مسطول .......اتزوج .....صينية دخلها الفرن اتنين مساطيل بسطلوا فى البحر ويجوا يدخلوا دار الرياضة ... يوم اسطلوا وماشين لدار الرياضة، جوا بالشارع الورا قدام الدايات لقوا يافطة مكتوب فيها الوقاية ضد الإيدز الاول قال للتانى : ناس اتحاد الكورة ديل عاوزين يجننونا مالهم .......كل يوم جايبين لينا فريقين جداد مسطول فتح التلاجة ... لقى صحن جلي بيتراجف ... قال ليه :ما تخاف انا عاوز اشرب بس ؟؟؟؟ جماعة مساطيل...قاعدين في بيتهم...دايرين يولعوا سجاره عاديه...لقوا الكبريت خلص...رسلوا واحد للدكان يجيب كبريت داك مشي الدكان وجا راجع ساكت بدون الولعه قال ليهم الدكان قفل لكن لقيت ست شاي مولعه المنقد...طيب ما كان تولع..؟؟؟ ارجع ليها صاحبنا رجع..وجا تاني بدون ولعه..مالك؟؟ قال لقي ست الشاي قفلت...لكن لقي واحد في الشارع مولع سيجاره..!!!!؟ ارجع ليهو..؟؟ قالوا ليهو: لأ.. انت ما نافع...خلاص أطفي الشمعه دي معاك خلينا ننوم مسطول مرته ماتت قالو ليه نديك أختها قال يا جماعة نسابتي ديل شركة تامين ولا شنو؟ قال ليك في 2 مساطيل راكبين عربية واحد سايق والتاني قاعد بجنبه الاول= اعمل حسابك في شجرة قدامك التاني=شايفه الاول=الشجرة التاني=شايفة الاول=الشجرة قولت ليك التاني=ياخى ما قولت ليك شايفه و طاخخخ صدموا الشجرة البوليس جا لقه الكان بقول الشجرة هو الكان سايق العربية والتاني كان قاعد جنبه قالوا ايام حظر التجول فى واحد مسطول طلع جنب البيت وقعد فى العتبة ولف ليه سيجارة كاربة وقعد بعد شوية عربية الدورية جات حايمة شافو الراجل قاعد مستكين قام الضابط ساله انت ياشاب قاعد تتحاوم مالك ماعارف فى حظر تجول المسطول عاين للضابط وقال ليه هسى القاعد يتحاوم منو واحد كل يوم بالليل يولع سجارته الخضرا في البيت ،والمرة مستغربة الراجل دا سيجارتو مالها غريبة كدة اها يوم الراجل ولع السيجارة كده الباب دق مشى يفتح الباب ... المرة شفطت ليك السيجارة كلها ومشت ترضع الشافع ... قامت مسكتوا بالقلبة وترضع فيهو الراجل رجع يا ولية السيجارة الكانت هنا وينا ؟ انت ياراجل خليك من السيجارة ... كدي تعال شوف الولد دا يقى كبير كيف ..... في شلة كل يوم يتسطلو مع بعض ويحكو نكت لقو نفسهم بيكرروا النكت زاتها قاموا عملوا ارقام للنكت وبقوا يقعدوا يقولو رقم النكتة ويضحكوا يوم واحد جاب معاهو ضيف. الضيف لقى الجماعة شغالين نمرة 1 نمرة 18 نمرة 35 الضيف قام طوال خاشي في الونسة وقال 955 الجماعة كلهم ضحكو ضحك مبالغ فيهو الضيف استغرب وقاليهم اشمعنى الرقم بتاعي ضحكم شديد كدة واحد من الجماعة قاليهو دي جديدة اول مرة نسمعا مسطول باب بيته دق كورك: منو ؟ رد عليه الضيف: انا حفيدك اها قال ليه حتفيدني بي شنو؟؟؟ واحد مسطول سايق عربية قام واحد من اللساتك نزل في شارع سريع جو الناس اتلمو فيه دايرين يتكلمو كده صاحبنا المسطول قال ليهم هسسسسسسسسسسسسسس ولا كلمة اللستك نايم مسطول لقى كنز بقى يفتش في الخريطة ؟ مسطول عزموه على سمك!قالوا له: خلي بالك من الشوك! رد عليهم :ماتخافو..لابس جزمة؟ مسطول ابنه بيقول له: يابا أنا في الثانوية وعايز مدرّس خصوصي! رد عليه : انت أنجح في الأول وأنا أجيبلك....أتنين ؟ مسطول سألوه: حتعمل شنو لو ضربوا الكيماوي؟ رد : حاعمل نايم!؟ مسطول اشترك بمسابقة لأكبر وأسرع رسمة, رسم نقطة صغيرة على أكبر لوحة وسلمها فورا وقالّهم: خلوا بالكم ..ده فيل جاي من بعيد؟ مسطول شاف اشارة مرور"ممنوع الوقوف"! أنبطح..؟ مسطول أشتري موبايل بيقول لأخوه " انا بشترى ليك واحد لكن تكتب لى رسايل لانو خطك سمح مسطول قاعد يبكي في المستشفى سألوه"خير"؟ قال :" أبدا ...الوالد شوية متوفّي..!؟ عربجي مسطول جاتو واحدة تخيييييينة شديد عايزة تركب الكارو ! قال ليها أركبي بسرعة ياختي قبل مايشوفك ال########...؟ مسطول وقف تاكسى .. و قال للسواق: " يا إبن "..العم .. تودينى وين .. و أدفع ليك كم ؟ .. بتاع التاكسى زاتو طلع مسطول ".. فقال ليه : " أنزل هنا و أدفع البتدفعه قالوا مسطول سودانى قاعد مع مسطول مصرى قام قال ".. ليه:" تعرف .. الدنيا دى كلها مآسـى المسطول المصرى قال ليه: " ليه .. هو مقاسك " أد إيه ؟ مسطول عملوا معاه لقاء فى التلفزيون "المذيع سأله:" ماهو أصعب موقف مرّ بيك فى حياتك ؟ المسطول قال ليه:" يوم ما كنت بحلق فى دقنى ".. و بلوك لى فى لبانة تلاته مساطيل راكبين في طيارة هلوكوبتر بسطلوا والطيارة في الجو قاموا قالوا لي واحد منهم يمشي يجيب ليهم سجارة حمرا من الدكان زولنا قام وعلي حسب السطلة الفيه مرق بي واحد من بيبان الطيارة لحسن حظو لاقتو ليك مروحة الطيارة وخمشتو من لياقة القميص صاحبنا بقى معلق والمروحة لافاهو الجماعة بي جوة انتبهو للموقف وزولنا لافي مع المروحة وهم برضو علي حسب سطلتهم شبكو ليك آآآآآآي أقعد لف لينا كدة لمن تلقى الدكاكين قفلت مسطول قبض مرتبة وقاعد بيقسم المرتب مية الف جنيه ايجار مية الف جنيه مصاريف وعشرين الف جنيه حشيش البوليس خبط علي الباب قطع العشرين جنيه بتاعت الحشيش......... مسطول سألوه قالو ليهو القطر مهم ؟ قال أكييييد مهم لأنه تحتو خطين مسطول ماشي في شارع كلو حفر يقوم من دي يقع في دي قال علي الطلاق دي آخر مرة وبعدها بمشي البيت طوالي مسطول جايي بالليييييل فتحت ليهو بتو الباب ، أداها كف قال ليها في بت محترمة تجي في المواعيد دي مسطول متابع ليهو مسطول كل يوم بيشوفو جاي من البحر مبلولوة رجلو الشمال بس واليمين ناشفة قال إلا يشوف الحاصل شنو مشا وراهو لقاهو بعد ما يضرب السجارة بيطفيها في البحر بي رجلو الشمال مساطيل جاعو رسلو واحد منهم قالو ليهو أمشي الدكان داك قال ليهم وأنا أعرفو كيف قال لو ليهو لف شمال بعدين يمين بتلقى الدكان ، لف وجاهم بي الشباك قال ليهم عندكم طحنية ؟ قالو ليهو لأ لكن اقعد رسلنا زول يجيبها مسطول بخاف من مرتو قالت ليهو كان سطلت تاني بقتلك ، لقا الجو سمح والمطرة صابة مشا ضرب السجارة وجايي في الطريق وقع زي 5 مرات فتح راسو ، دخل البيت وجاب المرايا واللصق لصق الجروح ولف راسو بي عمّة ورقد .. صحا الصباح المرة بتهز فيهو إنت يا راجل ما قلت ليك ما تسطل تاني ؟ قال ليها القال ليك منو .. قالت ليهو عرفتك مما لقيت اللصق في المرايا مسطول جنو مظاهرات .. مشى الحج .. لقى الناس بترمي في الجمرات .. جاب لستك حرقو وااااااااااحد سال مسطول شنو عكس كلمة تلميذات ؟؟؟ قال المسطول dont tell me that سال احد المساطيل عن الحب .... فاجاب هو آكوله فى القلب يصعب حكها..... ..... شن بدوربك .... شان أشاغلك..... يا ام وشيشا زى شباشبك.... ما بسالمك ... وما بكالمك.... والحمار شايل ملامحك... والكلب قدوموا خشمك .... مو شفايفك ... يا كراعك سنبرية ... لا فى حنة بترضى بيك ...لا محلبية لا كحل يسكن عيونك لا روائح أجنبية ..... شايقى مسطول .....ومشوكش ـــــــــــــــــــــــــــــــــــــــــــ إبريق قديم فقد الأمل ولابس زفاف من ريش غراب سحلية عاملة محجبة يا خوفى من طير البقر يعمل ضفور الديك شعار زى فتة من غير كيس صعوط ...واحد مسطول ومفلس وشاعر ــــــــــــــــــــــــــــــــــــــــــ فيها أيه لو مرة مسطول قال شعر عن السحالى ...الماشة موضة على الرصيف عن ضب بساكك فى المعاش .... لمن فتر عن ديك بنقز فى الحبل ..... زى التقول مولود بكر صارقيلة تتمطى ...وتقول يا رب :- حنكون متر .... عالم مركب بالغلط ..... طابونه بتبيع اسكريم ..راكوبه في نص الزلط ... كديسه لابسه فنيله كط.... مستر عتود لابس شبط ....الحفله رابع وفنانا لط .. التيس يبشر في الغنم .. وخرفان مسننه واقفه لط ... عالم غريب ؟؟؟؟؟؟؟؟ (( خواطر مسطول )) إتنين مساطيل قاعدين قصاد مرايا ..... واحد فيهم .... قال للتانى :- يا مان قوم على حيلك فى جماعة جايين نسلم عليهم .... لما قاموا التانى .... قال لى للأول :- ما تبقى خفيف ...اقعد هم جايين علينا برااااهم مسطول واقف حم البحر في الجريف ، بعد ما سطل شاف البحر ماشي عكس ، قاليهم لو اتكلمنا " بتقولو مجانين " ولو " سكتنا مدني بتغرق " واحد خيالوا واسعععععععععععع ابوة قال ليهو ارح اعزل ليك ليك عروس؟؟؟؟؟ قال لابوه بعزل براي كفايه عزلك الشفتو في امي ؟؟ واحد مسطول قاعد جمب بتاع طعمية احوص وصاحبك ارمى بره الصاج والمسطول يقول ليه تشششششششششششش! مسطول واحد سأله ياخ عارف وين حدائق ٦ أبريل رد ليهو ما قالوا ليك يا تو سنة __________________ اتنين مساطيل بلعبو في شطرنج بعد اللعبه انتهت واحد منهم قال للتاني :حصل شنو قال ليه: الملك مات قال ليه :ماله قال ليه: جاته جلطه واحد مسطووووووووووووووووووول شايل لوح تلج بنقِط قال اموووووووووووووووووووت واعرف الزفت ده بكب من وين واحد مسطول عندوا دقن كبيرة دخل الجامع لاول مرة واحد سالوا قاليهو يا شيخنا فاتتنى ركعتين أعمل شنو المسطول قال ليهو فى حد شافك قاليهو لا قال ليهو ياخى أعمل نائم واحد سكران ...عندو جركانه ختاها فى الشجره حقت بيتهم بالليل جاء يفتشها ما لقاها وكان فى صبحية بنت جيرانهم مشى لقى جركانتو الماتغباهو قاعدين يرقصوا بيها العروس قال ليهم هوى هوى ادونى جركانتى قالوا ليهو بس نرقص بيها العروس قال ليهم دى عروسة شنو دى العاوزه جركانه كامله قزازه واحده ما بترقصها... تلاته فيران مساااااااااااااطيل تمـــــــــــــــــــــــام واحد قال :أنا أقوى واحد انا سم الفار بشربوا مع الشاى التانى قال : وانا باكل الجبنة من الشرك التالت :قال عن إذنكم يا جمااااااااااااااااعة قال ليهو وين ؟؟؟؟؟؟؟؟؟؟؟؟ قال ليهم : ماشى لاحق مواعيد أصلى مجكس كديسة قصائد المساطيل في حبيباتهم حبيبتي احبك الله يقطع شكلك حبيبتي احبك الله يخلف على اهلك انا بدونك زي الشارع بدون اناره زي التقاطع بدون اشاره زي العربجي بدون حاره زي السلطه بدون خياره زي السواق بدون سياره زي الددسن بدون غماره زي السياره بدون استماره زي البدوي بدون نار زي الشارع بدون قار زي القطو بدون فار زي العصفور بدون منقار زي الحديقه بدون شجره زي الثور بدون بقره زي الصحراء بدون بعير زي بوش بدون بلير زي السياره بدون قير زي الحفله بدون كيك زي الدباب بدون بريك زي العرس بدون طيران زي الطق بدون زيران زي البيت بدون جيران زي الكوره بدون الثنيان زي توم بدون جيري زي جبن نوعه كيري زي الخبل بدون خبله زي عنتر بدون عبله آآآآه..... انا المحشش وانتي الزقاره انا الشقه وانتي العماره انا الصرصور وانتي البيــاره انا النار وانتي الدخان انا الزلزال وانتي البركان انا بدونك اضيع انا بدونك بالشوارع اصيع انا بدونك زي الخروف من غير قطيع انا بدونك ماني فظيع ليش ماني فظيع؟؟؟ لاني راح اشب طراطيع انا بدونك حمام من غير سيفون انا بدونك الدمام من غير هاف مون انا الكهرباء وانتي الليت وانا مارق مريت جمب ابواب البيت وش عندك عند ابواب البيت؟ عشان لك حنيت انا روميو وانتي جوليت انا بدونك مافيه واجد قرقر كلام انا في يبغى يكون مال انا مدام انا في يبغى يسمع يقول انتا سلام انا سوبرمان وانتي طيارته انا باتمان وانتي سيارته انا عشانك اشتغل تاكسي انا الميراندا وانتي الببسي انتي القشطه وانا الزيتون انتي نعناعه وانا ليمون انتي الجزيره وانا سبيس تون انتي بومبا وانا تيمون انتي العراق وانا صدام انتي الهند وانا الافلام انتي الشكمان وانا الصّدام انتي القمر وانا الشمس انتي اليوم وانا الامس انتي الصوت وانا الهمس انتي الكليجـا وانا القصيم عشان حبي لك بالصميم انتي الباب وانا المفتاح انتي الضفدعه وانا التمساح انتي الزيت وانا المكينه انتي التلفون وانا الكبينه انتي البيت وانا السطوح انتي الفؤاد وانا الروح انتي الثلاجه وانا الفريون انتي الريموت وانا التلفزيون انتي السماعه وانا التلفون انا من غيرك ما اعرف مين اكون يااا احلى من بنات امسترادام انتي جوليا وانا فان دام يا اجمل من بنات المغرب واليونان آآآآآه ليتك بنت الجيران انا لعيونك اغلب جاكي شان واعبر المحيطات والخلجان واهجد البعاريين والضبان وادمن عالجريش والقرصان واسمع بشير حمد شنان واصارع في حلبة الثيران واحترف الكيرم واشب النيران يا احلى من شاكيرا وبرتني وكريستان انا قليبي مشتعل نيران شربت حبك وصرت سكران ما يفيد معه النكران آآآه .. انا وانتي احلى معنى للحب انا المتر وانتي الشبر ليش انتي الشبر ..؟؟؟ لان حبي لك هالكبر لااا حبي لك كبر كثر موج البحر حبي لك كثر مافي العالم قهر كثر ما في عمان سحر كثر ما في الحساء تمر كثر ما يلبسون البنات حرير كثر مافي القطيف جرجير كثر مافي لبنان بنات حلوات كثر ما عند الوليد يختات كثر مافي هولندا ورود كثر مافي امريكا يهود كثر مافي الصومال مجاعه كثر مافي لبنان صياعه كثر ما تخيلت اني طرزان كثر ما بوزيدان طلق نورمان كثر ما الصيف عندنا حار كثر ما عبر بن بطوطه البحار ياكثر ما نويت الانتحار آآآآآآآآآآه احــــبك مسطول زوجته قالت ليهو : ليك ساعتين وانت بتقرا عقد الزواج بتفتش فى شنو قال ليه بفتش فى نهاية العقد __________________ قال ليك في واحد مسطول سألوه انت السودان دا مسخن كدا ليه قال ليهم دا كلوا من ناس الكوره ديل شابكننا ليك فوق فوق سودان فوق لما وصلونا الشمس

العنوان	الكاتب	Date
الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-10-06, 07:40 AM
Re: الرســاجات يادرفــة....مســاطيل البورد و الرندوك .........(السيجارات يافردة)	Bakhaf	10-10-06, 07:47 AM
...خواطر مسطول...	Siddig A. Omer	10-10-06, 08:29 AM
Re: ...خواطر مسطول...	Siddig A. Omer	10-10-06, 08:50 AM
Re: ...خواطر مسطول...	Siddig A. Omer	10-10-06, 09:03 AM
Re: ...خواطر مسطول...	Siddig A. Omer	10-10-06, 03:12 PM
Re: ...خواطر مسطول...	Siddig A. Omer	10-10-06, 03:53 PM
Re: ...خواطر مسطول...	Siddig A. Omer	10-10-06, 04:04 PM
Re: ...خواطر مسطول...	شقرور	10-10-06, 04:08 PM
رندوك هندى.....بنغلاديشـــى	Siddig A. Omer	11-09-06, 05:55 PM
Re: ...خواطر مسطول...	Siddig A. Omer	10-22-06, 04:41 AM
Re: ...خواطر مسطول...	Siddig A. Omer	10-22-06, 04:29 AM
Re: الرســاجات يادرفــة....مســاطيل البورد و الرندوك .........(السيجارات يافردة)	محمد عمر الفكي	10-17-06, 08:17 AM
Re: الرســاجات يادرفــة....مســاطيل البورد و الرندوك .........(السيجارات يافردة)	يوسف الولى	10-10-06, 04:18 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-13-06, 08:07 AM
Re: الرســاجات يادرفــة....مســاطيل البورد و الرندوك .........(السيجارات يافردة)	عوض حمزة	10-10-06, 05:06 PM
Re: الرســاجات يادرفــة....مســاطيل البورد و الرندوك .........(السيجارات يافردة)	عبدالكريم الامين احمد	10-10-06, 05:29 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-10-06, 05:30 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-10-06, 05:42 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-10-06, 06:29 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Sabah Hussein	10-10-06, 06:13 PM
Re: الرســاجات يادرفــة....مســاطيل البورد و الرندوك .........(السيجارات يافردة)	الخير محمد عوض	10-10-06, 07:52 PM
Re: الرســاجات يادرفــة....مســاطيل البورد و الرندوك .........(السيجارات يافردة)	عوض حمزة	10-10-06, 08:04 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Mutwali Malik	10-10-06, 09:11 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-11-06, 06:11 AM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-11-06, 06:18 AM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-11-06, 08:47 AM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-11-06, 08:53 AM
Re: الرســاجات يادرفــة....مســاطيل البورد و الرندوك .........(السيجارات يافردة)	Mutwali Malik	10-11-06, 01:55 PM
Re: الرســاجات يادرفــة....مســاطيل البورد و الرندوك .........(السيجارات يافردة)	النصرى أمين	10-11-06, 02:00 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-11-06, 04:40 PM
Re: الرســاجات يادرفــة....مســاطيل البورد و الرندوك .........(السيجارات يافردة)	ودرملية	10-11-06, 06:00 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-11-06, 06:13 PM
Re: الرســاجات يادرفــة....مســاطيل البورد و الرندوك .........(السيجارات يافردة)	الملك	10-11-06, 06:44 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Randa Hatim	10-12-06, 01:16 AM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-13-06, 07:43 AM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-12-06, 03:53 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Mutwali Malik	10-12-06, 08:48 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Mutwali Malik	10-12-06, 08:52 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-16-06, 04:45 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Randa Hatim	10-17-06, 01:28 AM
عريس	محمد عمر الفكي	10-17-06, 08:02 AM
Re: عريس	Emad Abdulla	10-17-06, 08:29 AM
Re: عريس	Siddig A. Omer	10-17-06, 06:44 PM
Re: عريس	Tragie Mustafa	10-23-06, 05:27 AM
Re: عريس	Siddig A. Omer	10-23-06, 07:26 AM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	10-25-06, 06:07 PM
Re: الرســاجات يادرفــة....مســاطيل البورد و الرندوك .........(السيجارات يافردة)	Siddig A. Omer	12-13-06, 03:45 PM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]