السودان الجديد
أول حاجة الأحزاب دي كلها رضت عن طيب خاطر أن تدخل في برنامج واحد ثلاثي الأبعاد.. وتوافقوا جنس موافقة وتحابوا جنس محاببة... وسموا الحزب الجديد حزب السلام..وقالوا كلمة حزب ذاتا صغيرة على التماسك دا... والتكاتف دا.. والتعاضد دا.. والتوادد دا.. والتراحم دا.. وقالوا الخيط المشترك بس الزول يكون سليم العقل والقلب.. دا الخيط المشترك بينا كسودانيين.. وكبشرية ثم كإنسانية.. لاعرق لادين.. لالون.. لاجهة.. لاعقيدة.. لاشرق لاغرب لاشمال لاجنوب.. بس عايزين منك عقل وقلب يستوعب برنامج حزب السلام لا أكثر ولا أقل.. ......... أول حاجة قالوا الخطة الإسكانية فاشلة؟ حاج يوسف.. ثورات.. صحافات.. ديمات.. كلاكلات.. عجاجة رابطة ومجاري مافي وتخطيط سيئ.. ما لنا ومال العجاجة ونحن عندنا النيل والموية العذبة السلسبيل الدفاق.. وليه نبني بعيد من النيل ولون مغيبو ولون شروقو.. ومشاهدتو عند الشروق وعند المغيب ولون الشفق وهو منعكس عليهو.. فقاموا مسكوها من حلفا لغاية نمولي.. مبارين النيل بالشرق والغرب.. بنوا بنايات وبنوا عمارات ..غرب النيل بس عرض ثلاثة بنايات.. وشرق النيل بس عرض ثلاثة بنايات.. كل بناية إرتفاعها اربعة طوابق بس؟.. عشان يتفادوا مشكلة العلو.. والدخول في أصانصيرات وإرتفاع تكلفة..؟ وعشان أولادنا نحن السودانيين عزيزين وغالين.. ما يوقعوا من البنايات.. عشان كدة عملوها اربعة طوابق بس.. لأنو أجدادن وأبواتن عانوا كتير وتعبوا كتير وتعذبوا كتير.. وماتوا كتير.. في الجنوب وفي الشرق وفي الغرب وفي الشمال.. ... أها الثلاث بنايات دي مبارية النيل بالشرق وبالغرب من نمولي ولغاية حلفا.. قاموا ناس الشكرية وناس الرهد موش إعترضوا.. لإنو إعتراض مافي وانعدم مع النعمة دي.. قاموا قالوا.. كمان عايزين بنايات على نهر عطبرة وسيتيت والدندر والرهد.. وناس كسلا عملوا ليهم نفس البنايات على القاش.. وناس سوباط وبحر العرب بي هناك.. لأنو قالوا الأفرع والمصبات دي نحن عشنا عليها وماعايزين نتهجر ونجي على النيل الرئيسي.. فقاموا عملوا ليهم.. بنايات زي دي بنفس المستوى ونفس الروعة ونفس الجودة والجمال والسماحة.. بعدين من نمولي ولغاية حلفا بعد خط الثلاث بنايات دي طوالي عملوا شارع ظلط عاتي بالشرق والغرب.. وأنوارو عالية ومضيئة ومولعة ليل نهار..عايز تسافر من نمولي ولغاية حلفا بالشرق تسافر..عايز تسافر بالغرب تسافر.. القرن الجاي قرن حرب المياه حا تكون أغلى من البترول ونحن عندنا هذه المياه وأكثر قطر يمر به النيل وأطول قطر يمر به النيل دولة عبور والمساحة التي يغطيها النيل وافرعه وروافده عندنا كثيرة البي يخلي حصتنا من المياه يكون شوية شنو بلله؟ لولا الألوان السياسية ودايماً ناخد المرخية ......... أها لمان وزعوا ناس السودان على البنايات دي نص البنايات بقى فاضي لأنها كفت الناس وزيادة بقينا نفتش على سودانيين بالتجنس وبقينا نفتش على سودانيين بالميلاد وبقينا نفتش على سودانيين بالتبني وبقينا نفتش على محبي السودانيين عشان نديهم شقق معانا من الشقق الفاضية دي لما الناس سكنت وارتاحت وفرشت واتمدت وبهرجت وغنت ورقصت لله في الله بالله من فضل الله لما خلاص عجبن السكن كل ناس حي زمان بدوا يلعنوا في الحي الساكنين فيهو وعلت الهتافات تسقط تسقط الثورات تسقط تسقط أم بدات تسقط تسقط الكلاكلات وهكذا موش الناس البرة كل ناس حي كرهوا حيهم القديم بقت في مشكلة باقي السودان كلوا بقا فاضي وعايزين ناس بسرعة ناس قالوا الزواج الزواج ناس قالوا ما فيش طريقة لى اربعة نساء.خلاص. المهم وزعوا باقي السودان دا كلوا مزارع أي ناس شقة أدوهم مزرعة حدادي مدادي طويلة عريضة متمسحة واسعة موش ناس كل شقة كل فرد في الشقة دي أدوهو مزرعة بعدين قالوا كمان عشان الثروة الحيوانية ما تنتهي الأصلهم قبيل كانوا رعاه أدوهم مزارع للرعي والأصلهم كانوا مزارعين أدوهم مزارع يزرعوا فيها بقت بس في مكاتب بسيطة تدير شؤون الناس.. كل 100 كيلو مكتب ..كل مائة كيلو مكتب بالشرق وبالغرب.. وفيه بس ناس بسيطين يرتبوا أمور الناس وخلاص.لادوشة لا روشة لاوزارت محلية لاوزارت إقليمية.. ما خلاص كلنا بقينا إقليم واحد ممتدي من نملي لغاية حلفا.. القبلية إنتهت.. والجهوية إنتهت.. والإقصائية إنتهت.. كل الناس دخلت حزب السلام دا.. وحزب السلام هذا ليس له رئيس.. كل الشعب رؤساهو..ديمقراطية شعبية واعية لا نيابية.. لأنو في النهاية مافي زول بينوب عن زول.. ومافي زول بي يمثل زول.. ومافي زول وصي على زول.. ...... أها المزارع دي تجي باصات تشيل الناس الصباح بعد ينومو ويصحوا من كل شقة واحد بس يمشي يفتح الموية في مزرعتو ويجي.. ويجيب معاهو من مزرعتوا الطماطم والبصل الأخضر أب ريش والفجل والباذنجان والجزر والخيار والملوخية والبامية والجرجير والقرع ......... وكمان ظهرت فصائل جديدة من الخضروات مع هذا الجو الجديد وكان جات حرب مياه والله ماجات ما بيهمنا في شي لأنو النيل نيلنا ونحن حارسنو وقاعدين عليهو ونايمين عليهو وساكنين فيهو لو كل وواحد بصق ساكت نكتل العدو الجايهو دا خليك من لو شلنا عصينا او سيوفنا أو سلاحنا الحديث دا كلوا ما بنحتاج ليهو وكلمة السودانين توحدت وصاروا يريدوا بعض وتفتقت مواهبهم وتفرغوا للأدب والفنون وعبادة ربهم فهذا التمازج العجيب إنصهر في بوتقة واحدة صار مزيج وخليط نادر الناس التانيين بغروا مننا واتمنوا حالتنا وما قدروا على العملناه ونواصل (عدل بواسطة منصوري on 08-17-2006, 04:09 PM)

العنوان	الكاتب	Date
السودان الجديد	منصوري	08-17-06, 01:04 PM
Re: السودان الجديد	منصوري	08-17-06, 01:31 PM
Re: السودان الجديد	منصوري	08-17-06, 02:12 PM
Re: السودان الجديد	منصوري	08-17-06, 02:43 PM
Re: السودان الجديد	منصوري	08-17-06, 03:00 PM
Re: السودان الجديد	منصوري	08-17-06, 04:22 PM
Re: السودان الجديد	منصوري	08-17-06, 07:16 PM
Re: السودان الجديد	ادريس خليفة علم الهدي	08-17-06, 07:27 PM
Re: السودان الجديد	إسماعيل التاج	08-17-06, 08:17 PM
Re: السودان الجديد	منصوري	08-18-06, 01:41 AM
Re: السودان الجديد	منصوري	08-18-06, 01:47 AM
Re: السودان الجديد	منصوري	08-18-06, 03:50 AM
Re: السودان الجديد	منصوري	08-18-06, 04:53 AM
Re: السودان الجديد	منصوري	08-18-06, 06:58 AM
Re: السودان الجديد	منصوري	08-19-06, 04:13 AM
Re: السودان الجديد	منصوري	08-25-06, 12:15 PM
Re: السودان الجديد	منصوري	08-25-06, 12:39 PM
Re: السودان الجديد	منصوري	08-26-06, 08:16 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]