مصر تقتل 25 سودانيا واسرائيل تمنح 50سودانى حق اللجوء السياسى؟؟؟!!!

Quote: عادل يا ربيب الخفراء المراغنة . إنتظرنى جاييك. عديم الفهم والوطنية .

حقار....الحقار
سلام
شنو الالفاظ البهلوانية دي خفراء المراغنة ..ده بشاشا متنكر ولى شنو
تعال حبابك عشرة
وعندي 2400 بوست هنا..اقراهم عشان تجي مفتح تمام ولابس عاكس...
***********
بعدين ماساة اللاجئين السودانيين عبر العالم موجودة وموثقة وامير عجيب مات تحت ايدى الشرطة الالمانية(العالم الحر) اثناء محاولة ترحيله قسرا من المانيا الي السودان ولم يدين احد من المرجفين هنا المانيا...
والطيب صالح قال.. للناس ديل اذا كان هناك خروج وبائي من بلد بالملايين..لابد من ان الناس تعرف السبب..عشان تعالجو...السبب شنو يا حقار؟
ويا اخوي شفت كل المناطق الفيها اثار دي من النقعة والمصورات لحدة كرمة بتاعة القبائل القاعدة جنبها ولاحظ انهم مشلخين واذا عرفت الشلوخ دي جات من وين بنحاورك واذا ما عرفتها بنقول ليك(آن لابي حنيفة ان يمدد رجله)
وذي ما قلت ليكم يا الواقعين من جمل اقرو كتاب السودان حروب الهوية والموارد باب دارفور مع التركيز علي الهوامش التى تدين الجبهة الوطنية ورموزها فى تدمير النسيج الاجتماعي لدرافور واقوالهم وافعالهم للدكتور محمد سليمان عشان تعرفو مشاكلم وحلها...وخليكم من مصر والشمال..اذا كان لازال وعيكم بين حاصرتين اعلاه حزب الامة وادناه كيزان...وتعزفو على نغمة السودان الجديد بهذا النغم النشاذ والفاقع...رتبو لينا الاولويات بالله واديرو حوار يحترم العقل...ودعونا من ثقافة الحكامات دي
وليس كل اللاجئين في مصر من دار فور
وقبل الاربعة وعشرين مرحوم في ميدان المهندسين
كلمونا عن الموتي بالملايين
عن الحقبة الترابية حقبة المجاهدين وامير اللواء والكتاب الاسود
11- عن جبال النوبة
2- جنوب السودان
3- بيوت الاشباح والفصل للصالح العام
4- اعدام 26 ضابط في القوات المسلحة والاعدامات السرية
لان مشكلة السودان الانسانية ما بدت سنة 2002
والتعامل مع الواقع الموضوعي بان السودان دولة من دول العالم الثالث وجسر بين العرب والافريقين...ليس انفصام...ولكن الانفصام بجي من الغراب الاسود الضرب نفسو لون ابيض بقا يمجد الدول الاوربية الاستعمارية ..ويجعلها استاندرد للانسانية والاخلاق..هذه هي الشيزو فرينا والتشوه الماعندو علاج ابدا... وممكن نجرد معاكم حساب الاستعمار الاوروبي وحساب العبر والمسلمين في افريقيا وبالتفاصيل المملة..وعبر كل الدول الافريقية...
****************

وانا سعيد جدا اكون ربيب خفراء المراغنة يا بشاشا الجديد...لانهم عندهم اخلاق ونماذج سامية ما سمعنا ليهم عمل يخل بالشرف والمرؤة حتى الان
ولانو ياكلا الاسد/الاتحاد الديموقراطي ولا تاكلا الضبعة/الاخوان المسلمين
وتاكد تماما ان الغطاء الروحي لكل اهل الشمال هو الحزب الاتحادي الديموقراطي ونعتز بمصر كحضارة وننقدها كنظام دكتاتوري قمعي .. واهلنا هناك في الشمال ما شايفين اي فرق بين الشيوعيين والكيزان والسلفيين والقوميين وكل الايدولجيات الوافدة وبين الايدز وانفلونزا االطيور والاسهال المائي والحمي القلاعية ...كلها امراض دي امراض سياسية انهكت جسد السودان وديك امراض جسدية. وهم الان يقفزون الي الحركة الشعبية مباشرتا دون المرور بالخيران المذكورة انفا..والحديث ذو شجون

Quote: عديم الفهم والوطنية

بعدين انتبه جيدا النبذ ده بوديك الخور وانت جديد لسع ما عبرت عن شعورك..عدم الفهم وارد ونقبلا منك،لان لم ادعي الفهم يوما فقط بقول الديموقراطية وعي وسلوك والبورد ساحة اكثر من راي ولكل بضاعة شراي سوق... لكن وطنية دي سينما وفي رواية اخري نوع من الشري ،زمن البلد بخيرا زمن جوز الحمام ثلاثة فردات ...ومرحب بيك في عالم سوادنيز اون لاين السحري

اوعى تكون زعلت يا دكتور:d