|
Re: جرد الحساب، قبل الذهاب! (Re: Bashasha)
|
الأمير الكوشـي,
Quote: والمرة دي للاسف الي اجل غير مسمي،
لاننا اخيرا قدرنا نفرض خطنا كقوي سودان جديد علي المنبر وبالذات الصفحة الاولي. |
بالله ؟
بشاشا, الأثـري , حامل الحنوط الكوشي,
بقى ســودان جديد؟
صـراحـة دا كلامـك ؟
Quote: صـراحة حتي الان بلونا بلاءا حسنا،
بل تمكنا من احداث نقلة نوعية رغم محدوديتا، في التناول التقليدي للاحداث الكبيرة الذي دي،
حيث تمكنا من طمس بل ردم طرح التيار العروبي التقليدي، تيار السودان القديم، كان يساري كان يميني.
كل الاحنا عملناهو اننا استفدنا من الجو العام والخط العام خارج المنبر، الكان مواتي، بسبب المتغيرات الكثيرة علي ارض الواقع في المنطقة ذاتها. |
إحنا وإحنا وإحنا وإحنا, ..................................
بعـد دا كلـه , يا بشـاشـا , تقــول,
Quote: احنا علي غير العادة بنتحرك في المنبر ده كافراد، بحرية واستقلالية تامة.
من دون ادني تواصل اوتنسيق من اي نوع كما يفعل الكيزان تحديدا. |
خــلاص صـدقناك, ............................
ياخ انت أكبر تمــومــة جـرتـق في المنبـر دا,
زمان يا بشـاشـا كنت بتتكلم في التاريخ القديم رصيف الهيروغليفي, الايام دي شكلك موعود بي حاجة سمينة بقيت تقول (ســودان جديد...) , أما غريبة,
Quote: مضمن جانبي اؤمن ايمان قاطع بالمبادرة الفردية والمسؤولية الفردية، علي نحو تلقائي وطبيعي، ولااؤمن اطلاقا بي تكتيكات العمل الموجه المطبوخ والادوار المرسومة.
لانو ده فهم متخلف ديماغوغي، غير خلاق، ضار جدا في المدي البعيد.
مصداقا لي كلامنا ده، اهو بنكتب اوننشر اونناقش في الهواء الطلق البينا والعلينا من دون ادني حوجة لتداول جرد كهذا خلف الكواليس كمايفعل العقائديون من سدنة السودان القديم! |
والله يا بشاشا زمـن,
انت فعلا ما جزء من أي قائمة بريدية,
لأنك يا بشاشا ديكوريشن جاهـز تلفق في اي موضــوع حتى لو ماكان ليهو علاقة بالجريدة المكررة بتاعتك , على طول عكاز جاهـز مشقوق ومضـبب (لو بتعرف دي..)
ليه تدخل في قائمـة بريدية ياخ انت أكبر (نافـع)
Quote: بالنسبة لي قضيتنا المحورية، جبهة دارفور، فنعترف ان كارثة ابوجا ادت الي فركشة الصف اوده طبعا طبيعي جدا اومتوقع. |
يا راجـل ما تخرمج يقوم الثوار يدوك كرت أحمـر
بـس جبهة دارفور والجنوب وين, وجبال النوبة ضمير السودان , وين؟ والشــرق يا بشـاشـا وين؟
محورية بأي فهــم , ما بتقدر تشرح كلامك دا, أحسن تلجأ للتعميم .... دي نصيحة خالصة أقبلها...
Quote: احداث حمرة الشيخ كشفت عن جانب فعلا بائس قميئ في غرب السودان، يتمثل في تجذر القبلية وضعف الوعي بحقيقة الهيمنة الحاصلة للاغلبية بواسطة الاقلية، مقارنة بي انطباعنا قبل كده.
فيما يبدو ذهنية المركز متجذرية في الغرب باكثر مما تصورت، حيث كان العشم ان يتولي الغرب الدور الاكبر من مشروع الصياغة المامولة للسودان الجديد، بحكم ارثه التحرري في الماضي ودوره الكبير في اشعال الثورة الام في القرن التاسع عشر. |
شوف يا بشاشا على الرغـم من خلافاتي معاك إلا إنه اعترافك دا شــجــاع,
أهنئك عليه, أولاً
وأطلب لك العـذر من الثوار في لحظة صدق مع النفـس, ما تلوموه يا شباب , بشاشا تداعى واعترف....
بـس الإعتراف المطلوب منك بعـد دا إنك تحمل الثوار (الجــزئية) التي لهــم من أوزار كلامك السابق دا,
أكيد ما كل الواقع الإعترفت بيهــو بســبب (الجلابة وزنوجـة الشمال....)
على أية حال ننتظـر عــودتك يا بشبش يا كوشــي..
أحمـد الشايقي
|
|
|
|
|
|
|
العنوان |
الكاتب |
Date |
جرد الحساب، قبل الذهاب! | Bashasha | 07-22-06, 01:40 AM |
Re: جرد الحساب، قبل الذهاب! | الأمين عثمان صديق محمد | 07-22-06, 01:51 AM |
Re: جرد الحساب، قبل الذهاب! | saadeldin abdelrahman | 07-22-06, 02:06 AM |
Re: جرد الحساب، قبل الذهاب! | Adrob abubakr | 07-22-06, 02:43 AM |
Re: جرد الحساب، قبل الذهاب! | معتصم دفع الله | 07-22-06, 02:49 AM |
Re: جرد الحساب، قبل الذهاب! | adil amin | 07-22-06, 02:54 AM |
Re: جرد الحساب، قبل الذهاب! | Bakhaf | 07-22-06, 03:55 AM |
Re: جرد الحساب، قبل الذهاب! | Osman M Salih | 07-22-06, 03:55 AM |
Re: جرد الحساب، قبل الذهاب! | عثمان حسن الزبير | 07-22-06, 04:18 AM |
Re: جرد الحساب، قبل الذهاب! | رأفت ميلاد | 07-22-06, 05:29 AM |
Re: جرد الحساب، قبل الذهاب! | AMNA MUKHTAR | 07-22-06, 06:06 AM |
Re: جرد الحساب، قبل الذهاب! | Ali Alhalawi | 07-22-06, 07:06 AM |
Re: جرد الحساب، قبل الذهاب! | حسن الجيلى سعيد | 07-22-06, 06:59 AM |
Re: جرد الحساب، قبل الذهاب! | أحمد الشايقي | 07-22-06, 07:13 AM |
Re: جرد الحساب، قبل الذهاب! | A.Razek Althalib | 07-22-06, 08:05 AM |
Re: جرد الحساب، قبل الذهاب! | محمدين محمد اسحق | 07-22-06, 02:29 PM |
Re: جرد الحساب، قبل الذهاب! | bob | 07-22-06, 02:37 PM |
Re: جرد الحساب، قبل الذهاب! | Faisal Al Zubeir | 07-23-06, 03:33 AM |
Re: جرد الحساب، قبل الذهاب! | hatim | 07-23-06, 05:09 AM |
Re: جرد الحساب، قبل الذهاب! | حيدر حسن ميرغني | 07-23-06, 01:10 PM |
Re: جرد الحساب، قبل الذهاب! | Alshafea Ibrahim | 07-23-06, 03:47 PM |
Re: جرد الحساب، قبل الذهاب! | waleed500 | 07-23-06, 04:59 PM |
Re: جرد الحساب، قبل الذهاب! | Biraima M Adam | 07-23-06, 11:46 PM |
Re: جرد الحساب، قبل الذهاب! | Tragie Mustafa | 07-24-06, 00:28 AM |
Re: جرد الحساب، قبل الذهاب! | Alshafea Ibrahim | 07-24-06, 02:15 AM |
Re: جرد الحساب، قبل الذهاب! | adil amin | 07-24-06, 03:22 AM |
Re: جرد الحساب، قبل الذهاب! | بكري الصايغ | 07-24-06, 03:44 AM |
|
|
|