|
Re: نحن لا عرب ولا أفارقه فمن نحن??? (Re: bint_alahfad)
|
لانو يا بت الأحفاد حتي قريب دا (يعني أقل من 70 سنة كدا) كان في البلد الجميلة الأسمها السودان دي حاجة قبيحة إسمها تجارة الرقيق. والرقيق ديل بشر زي وري أي بشر في العالم الواحد يكون في أمان ربه بيزرع يلمو فيهو ناس كدا إسمهم تجار الرقيق يكتفوهم بسلاسل وشعب وحاجات مؤلمة كدا ويسوقوهم ويبيعوهم كالأنعام ويظلوا باقي عمرهم يكدحون الليل والنهار وحاتك ولا حتي أسمهم بيكتبو في كشف المرتبات, ويسمونهم بأسماء تحقيرية ويدفنون أحيانا في مقابر خاصة بهم, ولا يجوز الزواج بهم الأ نادرا جدا, لكن ممكن يكونو من ما ملكت أيمانكم. المؤسف أنو في الغالب الأعم كان هؤلاء الرقيق من السكان المحليين من جنوب البلاد وغربها وجبال النوبة والإنقسنا وهؤلا هم الذين يعتزون بأصلهم الأفريقي. لكن المؤسف برضو أنو الذين تورطوا في هذه العملية القذرة ناس من السودان الأوسط والشمالي والذين أستوعبو الثقافة العربية والأسلامية حتي صار بعضهم يتفاخر بأصله العربي (طبعا عارفة انو في شويه هجرات سكانية عربية للسودان واشهرها الرشايدة وبعض هؤلاء تعايش وتزاوج مع السكان المحليين وبعضهم أصر علي الأحتفاظ لنفسه بما لديه من جينات وراثية). العملية دي زائدا التورط المتفاوت (يعني تكون في مناطق مبحبحة شوية وفي مناطق مفلسة) أدت ألي يؤول امر السياسة والأقتصاد للنخبة من الوسط والشمال. هذه النخبة (بعلمها وبدون علمها) أتخذت من الأستعلاء العرقي (أولاد بلد أولاد عرب يقعدوا ويقوموا علي كيفهم) وسيلة تحكم ومن ثم مراكمة ثروات. بحيث أنها تضمن أن الوارد من العمالة الرخيصة متوفر دائما ودائما قانعا وراضو بالفتات. وكمان (والموضوع هنا بيهمك أكثر) بعض هؤلاء يريد أن يورط الأسلام في هذا الأستعلاء العرقي والعنصري. ولكنني وكثيرون مثلي نعتقد أن الأسلام بريء من ذلك وأحسب أن الرسول الكريم محمد المصطفي (ص) منع من التفاخر بالنسب ومن العنصرية وكان "كونوا عباد الله إخوانا" مبدأ إسلامي أصيل وخالد.
ولم تقف العنصرية والأستعلاء عند ذلك ولكنها أدت إلي حرمان السكان المحليين من الأفارقة من حقوق كثيرة في التعليم والصحة والتوظيف وحتي الهجرة لبلاد الله. بكلمة أن موارد البلاد لم يتم تقاسمها بالعدل. صحيح أنو حتي في الوسط والشمال لم تك هناك عدالة كاملة في توزيع هذه الموارد. ودونك إحصائيات المدارس والمستشفيات في أقاليم السودان المختلفة وشوفي كيف كان المسألة ظالمة.
أها في ناس من هؤلاء الأفارقة ما رضو بالحقارة دي وما قبلوا بالظلم البائن. وهكذا كلفنا الأستعلاء العرقي والقومي أطول حرب أهلية في التاريخ الحديث وملايين من القتلي وأكثر من المشوهين.
نحن ناس السودان الواحد والناس عندنا كلهم متساوين في الحقوق والواجبات. ولو في أي واحد عايز بعد دا يتفاخر بأي أصل خليه اليتفاخر. بس ما يحتقر خلق الله الما زيو
|
|
|
|
|
|
|
العنوان |
الكاتب |
Date |
نحن لا عرب ولا أفارقه فمن نحن??? | bint_alahfad | 07-20-06, 03:22 PM |
Re: نحن لا عرب ولا أفارقه فمن نحن??? | Adrob abubakr | 07-20-06, 03:29 PM |
Re: نحن لا عرب ولا أفارقه فمن نحن??? | saif massad ali | 07-20-06, 03:32 PM |
Re: نحن لا عرب ولا أفارقه فمن نحن??? | saadeldin abdelrahman | 07-20-06, 03:33 PM |
Re: نحن لا عرب ولا أفارقه فمن نحن??? | حيدر حسن ميرغني | 07-20-06, 03:48 PM |
Re: نحن لا عرب ولا أفارقه فمن نحن??? | Deng | 07-20-06, 03:59 PM |
Re: نحن لا عرب ولا أفارقه فمن نحن??? | محمد عبدالله هارون | 07-20-06, 04:00 PM |
Re: نحن لا عرب ولا أفارقه فمن نحن??? | Nasr | 07-20-06, 04:23 PM |
Re: نحن لا عرب ولا أفارقه فمن نحن??? | القلب النابض | 07-20-06, 04:43 PM |
Re: نحن لا عرب ولا أفارقه فمن نحن??? | الصادق صديق سلمان | 07-20-06, 05:35 PM |
Re: نحن لا عرب ولا أفارقه فمن نحن??? | Nasr | 07-20-06, 06:02 PM |
Re: نحن لا عرب ولا أفارقه فمن نحن??? | Bashasha | 07-20-06, 06:06 PM |
Re: نحن لا عرب ولا أفارقه فمن نحن??? | malik_aljack | 07-21-06, 01:04 AM |
|
|
|