|
Re: أخت الشهيد .. صرخة في وجة الذين باعوا .. وقبضوا الثمن ... (Re: Mustafa Mahmoud)
|
Quote: أخت الشــهيد ...
صرخة في وجه الذين باعوا وقبضوا الثمن ...
أنا يا بلد لو كان منحتك .. روحي ودمايا ونور عيوني ... أنا لا بمّن في يوم ولا بعرف كفى ... أما ما بنيتك يا بلد قبّال أكون .. بنت الخليفه العاش بأحداق العيون إيمان يسبح للإله .. طيبة قلب مشهوده والكل عارفه ... أنا من زمان سموني ناس ... عشم الصغيرين في الدفا ... أختاً لكل ملهوف .. حزين .. جايع حفا ... قبّال أكون أخت الشهيد الاشترى .. بي دمو بالروح مصطفى .... *** أخت الشهيد الهام في حبك يا بلد .. سجّل حروف من نور مع صحبه الكريم .. كان المداد روحو ودماه ... يا حليلو ده الما شاف جناه ... زي عادتو قام صلى الفجر ... وزع حنانو وقبلتو .. فوق الجباه ... طبق قاشو ونزل مسرّع ... لي سكه شاف فيها الخلاص .. حلم الحياه ... فوق صدرو كان يضوّي الجناح ... فوق قلبو كان يغلي الغضب ضد الجناه ... لكنو راح ... في سبيل مبادءو وكلمتو ... كايس دوام عزة وطن ... كايس رخاؤه ورفعتو ... حريه ما بتعرف سجن غير للعصاه .. ما كاسلو جاه ... *** خلوني أصرخ يا بلد ... في وجه كل خوّار بليد ... أغروهو بالمال والمناصب ... بي بهرة المجد التليد ... بي فيلا بي خدماً كتار ... با لبعت حلمك بالعفن ... أنا ما بحيد ... عن سكه كان فيها الوطن .. غايه وسبيل .. عن سكة الحزن اكتسى .. .توباً جديد .... عن ناس تلوّن في المواقف كل يوم ... موقف جديد ... أنا ما بحيد ... وأنا ياني أختك يا الشهيد ... حبي الوطن .. همّ الوطن ... همّ المساكين والتعابه ... ناساً بتفترش الارض .. تحت السحابه .... با الراكب البنز الجديد ... ما تنسى ويلات الحفاه ... والناس عراه ... أطفال صغار ...ضرعاً يبس .. والدنيا غابه ... ما بتدي غير زمرة لئام ... ناساً ديابه ... دايماً تعيش تمتص من شريان وريد .. وانا عمري ما بعرف بحيد ... يا الباكي عن صورتي القبيل .. يا حليل زمانك يا حليل ... أنا ببكي عن صورة بطل .. باع بالقليل ... يا حليل زمانك يا الخليل ... ياحليل حليل .. أنا صوتي منحاز للبلد ... حس المزارعيه البتشتل في الأمل في الحسكنيت صوت الطفوله الحالمه بي سودان جميل .. يا حليل حليل .. ** أنا مهري بس حب الوطن .. الزول يكون موقف ثبات ... أنا ما بحب الزيف أبد ... أنا زوله مكياجي المياه ... لا حمره لا روج لا أساس .. لا بودره زي كل البنات ... يا الباكي في صورتي القبيل .. يا حليل حليل .. أنا مهري بس حب الوطن .. وأنا زولي ما بيعرف يحيد .. وانا ما بحيد .. وانا ياني أختك يا الشهيد ..
إدريس محمــد إبراهيم الرياض 02/07/2006م |
وأهـديها بـدوري لكـل أم وأخت شـهيـد سـعين لرفـع قيمـة العـدل فـوق..
شـكرا أخـي ادريس ..
|
|
|
|
|
|
|
العنوان |
الكاتب |
Date |
أخت الشهيد .. صرخة في وجة الذين باعوا .. وقبضوا الثمن ... | إدريس محمد إبراهيم | 07-02-06, 05:13 AM |
Re: أخت الشهيد .. صرخة في وجة الذين باعوا .. وقبضوا الثمن ... | Mustafa Mahmoud | 07-02-06, 05:15 AM |
Re: أخت الشهيد .. صرخة في وجة الذين باعوا .. وقبضوا الثمن ... | إدريس محمد إبراهيم | 07-02-06, 05:34 AM |
Re: أخت الشهيد .. صرخة في وجة الذين باعوا .. وقبضوا الثمن ... | Mustafa Mahmoud | 07-02-06, 05:38 AM |
Re: أخت الشهيد .. صرخة في وجة الذين باعوا .. وقبضوا الثمن ... | Muna Khugali | 07-02-06, 07:27 AM |
Re: أخت الشهيد .. صرخة في وجة الذين باعوا .. وقبضوا الثمن ... | إدريس محمد إبراهيم | 07-02-06, 08:25 AM |
Re: أخت الشهيد .. صرخة في وجة الذين باعوا .. وقبضوا الثمن ... | إدريس محمد إبراهيم | 07-03-06, 00:26 AM |
Re: أخت الشهيد .. صرخة في وجة الذين باعوا .. وقبضوا الثمن ... | Muna Khugali | 07-03-06, 02:10 AM |
Re: أخت الشهيد .. صرخة في وجة الذين باعوا .. وقبضوا الثمن ... | محمد يسن علي بدر | 07-03-06, 04:09 AM |
Re: أخت الشهيد .. صرخة في وجة الذين باعوا .. وقبضوا الثمن ... | إدريس محمد إبراهيم | 07-04-06, 02:01 AM |
رسالة الشهيد | Ashraf yassin | 07-04-06, 05:03 AM |
Re: رسالة الشهيد | إدريس محمد إبراهيم | 07-04-06, 10:34 AM |
Re: رسالة الشهيد | Ashraf yassin | 07-05-06, 03:00 AM |
Re: رسالة الشهيد | إدريس محمد إبراهيم | 07-06-06, 02:02 AM |
Re: رسالة الشهيد | Muna Khugali | 10-07-06, 08:27 AM |
Re: رسالة الشهيد | فاروق حامد محمد | 10-07-06, 09:01 AM |
Re: رسالة الشهيد | فتحي البحيري | 10-08-06, 09:08 AM |
|
|
|