يا ابوالريش جرائم اسرائيل اليومية دي ذاتها ما محتاجة لتذكير وادانة واهية زي بتاعتك دي والتي نصفها الاساسي ادانة وتقريع بحماس .. كأنما اردت ادانة حماسة تحت غطاء اسرائيل .. لأن حكاية تلطيخ تاريخهم دي مضحكة شوية .. وتوحي بكأنما تاريخهم اصلآ غير ملطخ .. فالاحتلال براه جريمة مستمرة ليها قريب الستين سنة !! .. فإدانتك لحماس هي ادانة لكل الشعب الفلسطيني سيد الوجعة القابض علي الجمر والذي اختارها طواعية لقيادته .. تجي انت تسفه خياره كأنما انت ادري منه بشئون حياته ..
بعدين حكاية حداثة عهدي بالانترت دي فأطمئنك أني يمكن من أوائل إن لم أكن أول سوداني كان عنده صفحة علي الانترنت منذ بدايات التسعينات زمن الموزاييك .. يعني قبل ما تظهر نت سكيب !! .. ومايكروسوفت زاتها لسه كانت بتكابس في ويندوز3.1 ـ عليك الله حصلت زمن البراوزر كان الموزاييك يا ابوريش ?!! . ـ ومشاركات المنابر دي نحن من زمن تسلسل الردود زي السبحة قبل ما تظهر هذه الطريقة المجدولة الحديثة !! .. وقبلها الشغلانة دي بديناها علي اليونكس يا جميل .. بس الشغلانة دي فكيناها من بدري لما هو أهم وجيتوا انتو لقيتوها باردة وقعدتوا تبرطعوا فيها وقايلين نفسكم ملوك الانترنت الأوائل !! حاسب انت اوع تتفنقل يا مستجد ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة