|
|
 Re: يتقاسمون حتى ألوان العلم (Re: Bakhaf)
|
داخلية النخبة للبنات ، مكتوبة في لافته مضيئة انيقة اعلى بوابة جميلة ، مدخلة محفوف باشجار الظل والزهور يفضي بك الى صالة مبهرة ، غرفة جلوس فخمة وتلفاز 42 بوصة عملاق ، في اقصى الشمال الغربي يوجد استقبال عند مدخل السلم والمصعد يتحرى عن كل من يود الصعود الى الطوابق العلوية ، يجلس في الصالة الملحقة بالاستقبال ست فتيات جميلات ، تيسير ، رحاب ، ملك ، فلورا ، هديل و سلمى .
تيسير ورحاب (شهادة عربية) من الامارات ، طالبتان بجامعة الخرطوم كلية الطب السنة الثالثة ، الاثنتين من الجزيرة مدينة الكاملين بينهما صلة قرابة ، مختلفتان في طباعهما تماما ، فرحاب متحررة منفتحة لديها صداقات كثيرة مع الجنس الاخر ، تحوم حولها شبهات بسبب انفتاحها وتحررها ، لكنها محافظة على نفسها ولم يستطيع احد ان يعرف الوان ملابسها الداخلية ، اما تيسير فهي محجبة هاديئة الطباع قليلة الكلام ، سيرتها محموده بين الناس ، لكن لديها علاقة مع احد زملائها تخطت فيها معه خطوط حمراء . فلورا فتاة من الجنوب والدها يعمل بالولايات المتحدة كان يريدها ان تواضل تعليمها في الولايات المتحدة ، لكنها رفضت وقالت انها ستدرس بالسودان ، هي طالبة بجامعة الاحفاد مدرسة علم النفس بالسنة الرابعة ، هديل شهادة عربية من السعودية اسرتها من امدرمان واعمهمها وعمتاها وخيللانها وخالتها يقيمون فيها لكن والدها المقيم بالسعودية اصر على ان تدخل داخلية وان لا تسكن مع اسرته او اسرة والدتها، و ذلك كان بايعاز من والدتها، تدرس بكلة علوم التقانة مختبرات طبية السنة الاولى ، سلمى شهادة عربية البحرين تدرس باكاديمية العلوم الطبية السنة الثانية اسرتها من شمال كردفان مدينة الابيض ، اما ملك فهي الوحيده فيهم التي تحمل الشهادة السودانية اسرتها من بورتسودان ووالدها من اعيانها ،جميلة لدرجة مرعبة تدرس ايضا باكاديمية العلوم الطبية السنة النهائية .
التلفاز يعرض التحضيرات لمراسم تقسيم الوان العلم ،
هديل وهي متضجره : ده شنو القادننا بيه ده .. ما تجيبو لينا حاجة فيها فايده
فلورا : وهو شنو اهما من تقسم الوان العلم بتاع بلدك ..!؟
هديل : علم شنو؟ وبلد منو؟ ياخ ده موضوع فاضي
فلورا : يعني عاوزانا نفتح شنو ؟
هديل: اي حاجة نستفيد منها جيبي لينا قناة روتنا كلب
فلورا بابتسامة ساخرة : ودي الحاجة المفيده
هديل : هو يا فلورا بطلي حركاتك دي .. انت مالك ومالي .. انا ده البفيدني .. موش حرة
تتدخل رحاب : يعني طوالي انتو كده .. يا فلورا بطلي تريقتك في هديل دي هي ما قدرك .. ويا هديل حريتك بتنتهي لمن تبدا حرية الاخرين .. ده اجتماع حا يقسموا فيه علم السودان .. شنو العاوزانا نفتح قناة بتاعت غناء..!
هديل وهي غاضبة: يعني اتفقتوا علي انتو الاتنين .. خلاص احضروها .. ثم تركت المجلس
تسمر البقية امام التلفاز وكل منهن تحمل شعوراً مختلفاً
|
|
 
|
|
|
|
|
| العنوان |
الكاتب |
Date |
| يتقاسمون حتى ألوان العلم | Bakhaf | 06-06-06, 08:11 AM |
| Re: يتقاسمون حتى ألوان العلم | Bakhaf | 06-09-06, 09:56 AM |
| Re: يتقاسمون حتى ألوان العلم | Bakhaf | 06-11-06, 06:10 AM |
| Re: يتقاسمون حتى ألوان العلم | Bakhaf | 06-12-06, 04:38 AM |
| Re: يتقاسمون حتى ألوان العلم | Bakhaf | 06-12-06, 05:59 AM |
| Re: يتقاسمون حتى ألوان العلم | Bakhaf | 06-13-06, 01:28 AM |
| Re: يتقاسمون حتى ألوان العلم | Bakhaf | 06-13-06, 03:32 AM |
| Re: يتقاسمون حتى ألوان العلم | Bakhaf | 06-14-06, 08:01 AM |
| Re: يتقاسمون حتى ألوان العلم | Bakhaf | 06-14-06, 09:53 AM |
 Re: يتقاسمون حتى ألوان العلم | غادة عبدالعزيز خالد | 06-14-06, 10:57 AM |
| Re: يتقاسمون حتى ألوان العلم | Bakhaf | 06-15-06, 09:55 AM |
| Re: يتقاسمون حتى ألوان العلم | Bakhaf | 06-15-06, 10:31 AM |
| Re: يتقاسمون حتى ألوان العلم | Bakhaf | 06-20-06, 06:34 AM |
| Re: يتقاسمون حتى ألوان العلم | Bakhaf | 06-20-06, 10:27 AM |
| Re: يتقاسمون حتى ألوان العلم | Bakhaf | 06-24-06, 09:17 AM |
| Re: يتقاسمون حتى ألوان العلم | Bakhaf | 07-08-06, 03:36 AM |
| Re: يتقاسمون حتى ألوان العلم | Bakhaf | 07-17-06, 03:13 AM |
| Re: يتقاسمون حتى ألوان العلم | Bakhaf | 08-03-06, 08:26 AM |
| Re: يتقاسمون حتى ألوان العلم | Bakhaf | 10-08-06, 06:09 AM |
|
| |
Bakhaf
فيس بوك
تويتر
انستقرام
يوتيوب
بنتيريست