استغرابات... هل موازين عقلي تحتاج إلى وزنه جديدة؟؟

Quote: ما تقريباً... ده فعلاً نص اتفاقيات أوسلو... بس الاتفاق بكون عادة نص بإلتزامات من الطرفين..الامريكان والغرب التزموا بإنهم يدّوا الحكومة الفلسطينية قروش... لكن بالمقابل البند رقم واحد من الاتفاقية انه الحكومة الفلسطينية تعترف بإسرائيل... يعني ببساطة ما ممكن تكون الخطة المعلنة للحكومة انها ما معترفة باسرائيل.. وانها بتتبنى الجهاد ضدها.. وفي نفس الوقت تستمر أمريكا والدول الغربية في إمدادها (بالقروش)!

Quote: بعدين ليه تفتكر انه الدول دي مغلوبة على امرها؟ مصر لما زاروها ناس حماس ما قابلهم ولا مسؤول مصري

Quote: بس الدول الانت بتتكلم عنها دي، جبانة

كلامك برضو صاح هنا، لكن دي ياتو دول -الاردن، مصر - كيف وصل ملك الاردن للعرش!؟ وكيف وصل الرئيس المصري!؟ ولماذا الحصار لسوريا، طبعاً المملكه العربيه السعوديه ختته واضحه لكونداليزا رايس في زيارتها -نحن دافعين دافعين - ...

Quote: انت لسه بتحلم بالتحرير؟ التحرير ده حتتحرروا كيف كان القروش زاتها باتخدوها من الغرب!! بعدين الناس اعترفوا زماااااااااااااان ... ووقعوا... والعرب اتسابقوا عشان يكونوا في سلام مع اسرائيل

الجزء الأول من مداخلتك يمكنك ان تراجعي ردي لبنت الاحفاد، مسألة سباق العرب للاعتراف للعيش بسلام
مع اسرائيل... عارفه دي من المشاكل الداخلية اسرائيل -قرأت مقال لكاتب اسرائيلي كبير ساحاول الحصول عليه مجدداً لك- ، كانت اسرائيل تطالب العرب بان يكونوا واقعيين وان ليس لهم المقدرة لمجابهتهم والغرب اوضح الكاتب في مقاله أن مشكلة اسرائيل الآن ان العرب اصبحوا واقعيين أكثر من اللازم الامر الذي قاد لانشقاقات داخل حزب الليكود-كاديما- لمقابلة متطلبات السلام وهدد شارون بالاغتيال قبل مرضه. ولعل ابعد رأي في هذه الواقعية كان للشيخ بن باز حين قال على الفلسطينيين أن يخرجوا ليعودوا مع جيش الفتح .

Quote: ولا الحكومة دي بتقوم كده في الهوا..

الحكومه دايره ليها دوله طبعاً حسب اتفاق اوسلو لكن الجماعه نطوا من كلامهم يسووا ليهم شنو.
لكن أغرب الغرائب والاستغرابات - معليش خارج تأكيد موضوع البوست - ناس يكونوا في قاعدين في دولتهم تحت والانتداب البريطاني في السنه الحا ينتهي فيها الانتداب يجو ناس بي مساعده من ناس الانتداب يعلنوا دولتهم والناس تعترف بيهم واسياد الحق ما يكون عندهم حق في اعلان دولتهم لي يوم الليله.


تقبلي تحياتي
التعديل الذي تم هو اضافة الاسم مريم بدلاً عن بنت الحسين فقط

(عدل بواسطة Osama Ahmed on 05-17-2006, 03:44 AM)