|
|
 Re: اني لا اكذب ولكني اتجمل!!! (Re: طارق عبد اللطيف نقد)
|
تعرف ياقريــــبي ..
أنا أول ماجيت السعودية سنة 1992م .. كنته مؤمن بي حاجة واحدة إنو الواحد لايمكن أن يكذب أبداً .. بناءً على حديث الرسول صلى الله عليه وسلم (( المؤمن لايكذب )) . وكنت مصنف نفسي مؤمن ..
فأول ماإشتغلته كان ضمن مهام عملي كسكرتير أن أجيب على التلفونات .. المهم إتصل واحد وقال لي داير المدير .. قلته ليه لحظة .. وطلبته التحويلة الداخلية للمدير .. وبلغته إنو فلان على الخط .. المدير قال لي قول ليه مافي .. قلته ليه أنا مابكضب ..قال لي شنو قلته ليه أنا مابكضب الرسول صلى الله عليه وسلم قال المؤمن لايكذب .. وأنا لو كضبته يبقى شغلي ده حرام وراتبي حرام .. قال ليه حول الخط لموظف تاني وتعال لي المكتب .
مشيت ليهو .. قال ليه يا إبني إنته كدى ماحتعيش في الدنيا دي .. وأنا كان مامقدر وضعك كنته برفدك .. لأنوا هنا الشغل شغل .. أنا مرات في ناس ماديرهم ..
تعرف أنا الحكاية جاطت عليه .. أخلي الشغل طيب أخذل الناس الفي السودان المنتظريني أرسل ليهم المصاريف ..ولا أكضب عشان أعيش .. ولا أصلي ركعتين بعد كل كضبه .. ولا أكضب وأصدق الكضبة وأصدق إنوا أنا ماكضاب ولكن الظروف ..
تعرف لحدي أسع الحكاية جايطة معاي .. عشان كده أنا أسع عدلته التصنيف القديم بتاعي .. وبقيت .. خبير سلوكيات فردية .. حسب الجلسة .. لو دين (( مؤمن )) .. لو مدير كفيل (( كضب ساكت )) .. لو فن وموسيقى وطرب (( بتاع فلوت )) .. لو جلسه بتاع ناس مثقفين وكلام كبار كبار (( بتقمس دور المستمع الجيد )) .. يعني بالعربي كدي .... مابنختلف وريني بس قانون الجلسة .... بحفظ حروفه ألف ألف ..
تحياتي لك ياأيها الصديق العزيز / طارق
خالد الأرباب (( مرات مرات كضاب ))
خارج النص :
(( سال المدير سكرتيره الخاص قال ليهو أنا أمبارح حلمته إنوا أنا في المكتب والمكتب إنهار علينا ومتنا .. لكين أنا ماشفتك معاي في الحلم .. كنته وين ..؟؟.
أجاب السكرتير .. أكون مته قبلك بي يومين يا سعــــــــــــــادتك .))
|
|
 
|
|
|
|
|
| العنوان |
الكاتب |
Date |
| اني لا اكذب ولكني اتجمل!!! | طارق عبد اللطيف نقد | 05-13-06, 03:05 PM |
| Re: اني لا اكذب ولكني اتجمل!!! | خالدة البدوي | 05-13-06, 08:29 PM |
| Re: اني لا اكذب ولكني اتجمل!!! | طارق عبد اللطيف نقد | 05-14-06, 03:07 AM |
| Re: اني لا اكذب ولكني اتجمل!!! | محمد يسن علي بدر | 05-14-06, 01:23 AM |
| Re: اني لا اكذب ولكني اتجمل!!! | طارق عبد اللطيف نقد | 05-14-06, 03:13 AM |
| Re: اني لا اكذب ولكني اتجمل!!! | Khalid Saeed | 05-14-06, 04:47 AM |
| Re: اني لا اكذب ولكني اتجمل!!! | طارق عبد اللطيف نقد | 05-14-06, 06:38 AM |
| Re: اني لا اكذب ولكني اتجمل!!! | حمزاوي | 05-14-06, 05:40 AM |
| Re: اني لا اكذب ولكني اتجمل!!! | طارق عبد اللطيف نقد | 05-14-06, 06:26 AM |
| Re: اني لا اكذب ولكني اتجمل!!! | عبد المنعم عمر عثمان | 05-14-06, 06:23 AM |
| Re: اني لا اكذب ولكني اتجمل!!! | طارق عبد اللطيف نقد | 05-14-06, 06:46 AM |
| Re: اني لا اكذب ولكني اتجمل!!! | Mohamed Abdelgaleel | 05-14-06, 07:36 AM |
| Re: اني لا اكذب ولكني اتجمل!!! | طارق عبد اللطيف نقد | 05-14-06, 10:48 AM |
| Re: اني لا اكذب ولكني اتجمل!!! | طارق عبد اللطيف نقد | 05-15-06, 06:31 AM |
| Re: اني لا اكذب ولكني اتجمل!!! | Khalid Saeed | 05-15-06, 06:58 AM |
| Re: اني لا اكذب ولكني اتجمل!!! | طارق عبد اللطيف نقد | 05-15-06, 11:20 AM |
| Re: اني لا اكذب ولكني اتجمل!!! | انعام عبد الحفيظ | 05-15-06, 11:40 AM |
| Re: اني لا اكذب ولكني اتجمل!!! | طارق عبد اللطيف نقد | 05-15-06, 06:28 PM |
| Re: اني لا اكذب ولكني اتجمل!!! | انعام عبد الحفيظ | 05-20-06, 06:55 AM |
 Re: اني لا اكذب ولكني اتجمل!!! | معتصم دفع الله | 05-15-06, 12:19 PM |
| Re: اني لا اكذب ولكني اتجمل!!! | Khalid Saeed | 05-16-06, 02:18 PM |
| Re: اني لا اكذب ولكني اتجمل!!! | طارق عبد اللطيف نقد | 05-18-06, 03:09 AM |
| Re: اني لا اكذب ولكني اتجمل!!! | طارق عبد اللطيف نقد | 05-18-06, 03:14 AM |
| Re: اني لا اكذب ولكني اتجمل!!! | طارق عبد اللطيف نقد | 05-16-06, 06:14 PM |
| Re: اني لا اكذب ولكني اتجمل!!! | طارق عبد اللطيف نقد | 05-20-06, 05:04 AM |
| Re: اني لا اكذب ولكني اتجمل!!! | Khalid Saeed | 05-20-06, 01:32 PM |
|
| |
Khalid Saeed
فيس بوك
تويتر
انستقرام
يوتيوب
بنتيريست