|
Re: إحتفال الطلاب السودانيين بالإمارات ... بالخرطوم عاصمة الثقافة العربية 2005 (Re: abookyassarra)
|
Quote: abookyassarra إهــــــداء الى الشيوعى .. مهدى الأمين
|
باسم الدين والأمريكان أي عوج مبدي ومختوم صوتنا هناك وهنا مكتوم ومافي فرق في الوقت الراهن بين واشنطن والخرطوم أنا مأزوم .. مأزوم .. مأزوم يا خرطوم وينك وينك يا خرطوم شن شبّ وقلبك وسلبك حلبك ؟ زنجك ؟ بجتك ؟ نوبتك ؟ عربك ؟ أنا مأزوم .. مأزوم .. مأزوم يا خرطوم أزمني الصلبك فوق الطلحة الأمريكية يا خرطوم .. أوه خرطوم .. أوه واشنطوم طن .. لفتك فجراً يقطع رحطك ست الدار سامعاني يا اخيتي ومرتي وامي وأم الكل أنا بندهلك من شارع الله .. فوقي هجير والتحتي بقل سبي معايا الشردو راجلك .. والحرمونا شوية الضل سبي الحالة العالة علينا .. حتى احكيلك بالتفصيل حاصل الحاصل يا بت أحمد جاني وفد في المصنع زاير .. وكان الوفد ده أمريكاني لفّ وفات اليوم التاني جانا مدير المصنع فاير وشو حمار العمدة العاير نف المصنع فيهو خساير وقالوا يخفضوا مئتين عامل مئتي عامل في فد مرة مائتين عامل .. مائتين عامل يبقوا هوامل .. يبقوا هوامل ؟؟ ما يهموش .. الهم المصنع تفّ قراروا وفات في حالو مسئولين ونقابيين مافي العارض واللا اترجى العمال من سمعوا احتجوا ... سيرو موكب صامد وصامت إتضامنا معاهم سرنا .. أب عرام دور عربيتو .. العربية الامريكية زنقح خلا الموكب ثابت احتجينا مع الإحتجو إتكلمنا كلام موضوعي قلنا المصنع حق الدولة .. والعمال أصحاب الحق هي اللي تقرر والتتولى هي البتحدد سير المصنع إيد العامل هي العاد تنتج ما المكنات الأمريكية زيت العامل ياهو البطلع .. مو المكنات الأمريكية ودرن الأيدي العمالية أنضف من لسنات الفجرة ودين الدقن الشيطانية ومن كرفتة البنك الدولي .. وكل وجوه الراسمالية وأشرف من .............. داك الحين المصنع هاج جات عربات اللات بوليس .. فضوا العالم بالكرباج والبمبان الأمريكاني شرقت شمس اليوم التاني كنا حداشر ونوباوية [B]متهمنا بالتخريب والتحريض والشيوعية البوليس صاقع شيوعية وفاكر نفسو بنبذ فينا هي آ بوليس أمك مسكينة البوليس عمدني شيوعي التحقيق طلعني مدان التحقيق طبعاً تحقيقهم أو تحقيق الأمريكان
|
|
|
|
|
|
|
العنوان |
الكاتب |
Date |
إحتفال الطلاب السودانيين بالإمارات ... بالخرطوم عاصمة الثقافة العربية 2005 | abookyassarra | 03-28-05, 03:32 AM |
Re: إحتفال الطلاب السودانيين بالإمارات ... بالخرطوم عاصمة الثقافة العربية 2005 | أيمن جبارة الله الخضر | 03-28-05, 04:18 AM |
Re: إحتفال الطلاب السودانيين بالإمارات ... بالخرطوم عاصمة الثقافة العربية 2005 | abookyassarra | 03-28-05, 09:16 PM |
Re: إحتفال الطلاب السودانيين بالإمارات ... بالخرطوم عاصمة الثقافة العربية 2005 | abdalla BABIKER | 03-28-05, 11:37 PM |
Re: إحتفال الطلاب السودانيين بالإمارات ... بالخرطوم عاصمة الثقافة العربية 2005 | mahdy alamin | 03-29-05, 00:55 AM |
Re: إحتفال الطلاب السودانيين بالإمارات ... بالخرطوم عاصمة الثقافة العربية 2005 | abookyassarra | 03-29-05, 01:16 AM |
Re: إحتفال الطلاب السودانيين بالإمارات ... بالخرطوم عاصمة الثقافة العربية 2005 | معتز تروتسكى | 03-29-05, 01:59 AM |
Re: إحتفال الطلاب السودانيين بالإمارات ... بالخرطوم عاصمة الثقافة العربية 2005 | mahdy alamin | 03-29-05, 01:27 AM |
Re: إحتفال الطلاب السودانيين بالإمارات ... بالخرطوم عاصمة الثقافة العربية 2005 | abookyassarra | 03-29-05, 02:02 AM |
Re: إحتفال الطلاب السودانيين بالإمارات ... بالخرطوم عاصمة الثقافة العربية 2005 | mahdy alamin | 03-29-05, 06:42 AM |
Re: إحتفال الطلاب السودانيين بالإمارات ... بالخرطوم عاصمة الثقافة العربية 2005 | abdalla BABIKER | 03-29-05, 06:56 AM |
|
|
|