|
|
 Re: علامـات البلـوغ وما ادراك ما فتحـى الاعـور (Re: محمد حسن العمدة)
|
خالص التحايا ..
الزميل العزيز عثمان..
اقول انو كنت اقل من ديل فى الضحك والاندهاش.. اكون كضاب..
لى درجة يمكن انا زاتى اول من قراء البوست ده ساعة نزلتو لكن ساعتها ما فهمته الحاصل شنو..
لمن الشباب ديل جو وعلقو حتى وقع لى الكلام ..
ماذكرته شى واقعى وصحيح وانا شفتو فى نفسى قبل ما اقراها تفاصيلو كالا تى..
عرفت الكلام ده بداية فى سنه سادسه اتذكر ساعتها الكلام ماوقع لى طبعا زعلت شديد جدا وزعلت اكتر من الوالد قلت لي ابوى ده قليل ادب بالشكل ده ياحبه انا 3 ايام مصدق وماكرهته فى الدنيا دى شى زى ابوى ساعتها والغريبه ماكرهته الوالده لشنو (الله تعلم) ..المهم بى زعلتى ديك و3 ايام مصدع وحتى مصروف ما مشيت شلتو منو وبقت ابحث عن الحاصل شنو فى الموضوع ده وليه الناس ما بتجى الدنيا دى الا عن (طريق قلة الادب دى)..
ود جيرانا فايتنا بى سنه كده. كان ابوهو اشترى ليهو من الدار السودانيه للكتب كتاب يتكلم عن الموضوع ده بطريقه رسومات قلت بس ده وقع لى فى جرح مشيت جبتو وداير اسال منو الوالده طبعا ده غير الاسئله الكانت سابقا ومحرجه ولمن ما اقدر كنت يرسل اخوى الصغير ...
اها بى جاى بى جاى الوالده عرفت الكتاب وقامت شاكلت ود جيرانا وو الخ ..
اها الموضوع ما وقف عن دى ...
لمن جينا المتوسطه تالته لسه اخوك كان مسطح تعرف بس عشان ما كنت محتك بالشفع كتير وكده ..
اها فى حصة العلوم فى تالته متوسطه على شلاقتى طبعا متحير من انو العمليه دى ليه ما تم الا بشكل ده مادام الخالق قادر يعنى مالقى الا الطريقه دى وو الخ من الاسئله ...
سالت ليك الاستاذ كان هوالمدير بعدين كان معروف انو زول مابخجيل اصلو ..
قلت ليهو يا استاذ (نحن ليه بدرسونا الحاجات دى)؟؟؟!!
قال لى (عشان الواحد ما يكون شايل ليهو حاجه ماعارف يعمل بيها شنو).. 
طبعا دى بتذكرونى بيها الدفعه الى الان...
برضو لى شلاقتى ما وقفت الى هذا الحد ..
قمت مشيت بره بعد نهاية الدوام المدرسى ..
لقيت لى واحد زى (فتحى الاعور بتاعك ده ) زى مابقولوا مقرم قريم السنين ..
وسالتو..
بعد كمية اسلئة قام هو سالنى ..
قال لى انت كنت قايل الزول بجيبوهو كيف ولا المراه بتلد كيف؟؟
قلت ليهو
انا كنت قايل كل مراءه بعد مايتزوجوها كل تسع شهور بتلد...
قال لى..
طيب لو كدى ماكان بيتكم ده بقى زى جحر الارانب..
فبهت الذى كفر..
الشى الاغرب قلت ليهو انا هين عندنا ود جيرانا سالتو نفس السؤال ..
وقال لى
اساسا الراجل بجيب لى مرتو الاكل وهى بتلد...
هاهاهاهاهااههاهااهاهاهااهاهاهاهااهاهاهاهاها
|
|
 
|
|
|
|
|
| العنوان |
الكاتب |
Date |
 علامـات البلـوغ وما ادراك ما فتحـى الاعـور | Osman Hamad | 03-27-05, 07:03 AM |
| Re: علامـات البلـوغ وما ادراك ما فتحـى الاعـور | Osman Hamad | 03-28-05, 07:26 AM |
| Re: علامـات البلـوغ وما ادراك ما فتحـى الاعـور | محمد الامين احمد | 03-28-05, 08:34 AM |
| Re: علامـات البلـوغ وما ادراك ما فتحـى الاعـور | Osman Hamad | 03-28-05, 12:09 PM |
| Re: علامـات البلـوغ وما ادراك ما فتحـى الاعـور | عماد عثمان | 03-28-05, 02:00 PM |
| Re: علامـات البلـوغ وما ادراك ما فتحـى الاعـور | فيصل عثمان الحسن | 03-28-05, 02:17 PM |
| Re: علامـات البلـوغ وما ادراك ما فتحـى الاعـور | Osman Hamad | 03-28-05, 04:12 PM |
| Re: علامـات البلـوغ وما ادراك ما فتحـى الاعـور | Osman Hamad | 03-28-05, 04:09 PM |
| Re: علامـات البلـوغ وما ادراك ما فتحـى الاعـور | Saifeldin Gibreel | 03-29-05, 01:03 AM |
| Re: علامـات البلـوغ وما ادراك ما فتحـى الاعـور | Osman Hamad | 03-29-05, 06:14 AM |
| Re: علامـات البلـوغ وما ادراك ما فتحـى الاعـور | Salma Daoud | 03-28-05, 11:47 PM |
| Re: علامـات البلـوغ وما ادراك ما فتحـى الاعـور | محمد حسن العمدة | 03-29-05, 01:47 AM |
| Re: علامـات البلـوغ وما ادراك ما فتحـى الاعـور | معتز تروتسكى | 03-29-05, 02:59 AM |
| Re: علامـات البلـوغ وما ادراك ما فتحـى الاعـور | Osman Hamad | 03-30-05, 10:25 AM |
| Re: علامـات البلـوغ وما ادراك ما فتحـى الاعـور | Osman Hamad | 03-29-05, 03:18 PM |
| Re: علامـات البلـوغ وما ادراك ما فتحـى الاعـور | Osman Hamad | 03-29-05, 06:18 AM |
| Re: علامـات البلـوغ وما ادراك ما فتحـى الاعـور | خالد العبيد | 03-29-05, 08:25 PM |
| Re: علامـات البلـوغ وما ادراك ما فتحـى الاعـور | Osman Hamad | 03-31-05, 03:31 AM |
| Re: علامـات البلـوغ وما ادراك ما فتحـى الاعـور | Sobajo | 03-31-05, 05:05 AM |
| Re: علامـات البلـوغ وما ادراك ما فتحـى الاعـور | أبو ساندرا | 04-04-05, 02:06 AM |
| Re: علامـات البلـوغ وما ادراك ما فتحـى الاعـور | Sobajo | 04-12-05, 01:00 PM |
|
| |
معتز تروتسكى
فيس بوك
تويتر
انستقرام
يوتيوب
بنتيريست