|
رساله للاخ بكري ابوبكر
|
وصوك عليناياحبيب عينينا عاوزنك حنين لابد باكر يرجع صوابك ترجع تميل انت فينا كبير وريدنا ليك كثير
للاخ المحترم بكري
اخي هدا المنبر هو بيت كل السودانين بمختلف ارائهم ومعتقدهم واصلهم واخلاقهم. هو بيت السودان والواحه الجميله البنهرب ليها. وهو برضو البيت البلمنا كلنانحنا واختنا روضه كان بالت ولا امسكت البول شحا وهو بيت اخونا ود الشيخ المابقدر علي لسانه التقول رباطابي وهو بيت اخونا علاء اكان بقا حتي جك مش كوز وهو بيتنا كلنانتشاكل ونتضارب لمن الدم يسيل في الركب لاكين وكت يهبشنا غريب ووقت الحاره تلقا روضه بقت رضا وامام جامع وود الشيخ البدرج العاطله وعلاء علا صوته بي انا سوداني اناوباسمك الشعب انتصر وحائط السجن انكسر ووقت صينيه الغدا يختوهانقعد نتعازم زي الضابحين فيل مع انو الصحن ما بشبع كديس ياهو دا حالنا رضينا ولا ابينا ازعل شديد لمن اشوف الناس التانين في الغربه كيف متكاتفين ونحنا السودانين لسه في دا عبد ودا كوز . حقو الحاجات دي نخليهالمن نكون يرانا عشان الشمات ما يشيلو حالنا المهم هسه يا بكري الناس ديل لازم يرجعوا يبيتو الليله في البيت وحكاية اللجوء لي بيوت تانيه دي ما حلوه يا اخوي يا بكور وناس في حماك ربنا الكضابين ديك برضهم اخوانا نتونس ونلعب حجله مع بعض بس جوه الحوش وبعد ابوي ينوم نقول ليهم اكان راجل طالعني برا الشارع وبعد داك نرجع ننوم جوا البيت اخوان اخوان والصباح نمشي سوي مدرسه الشارع. اخي يكور الدكتور استحلفك باسم السودان الوطن الواحد بعد الله الواحد ان ترجع لي اخواني للبيت
|
|
|
|
|
|
|
العنوان |
الكاتب |
Date |
رساله للاخ بكري ابوبكر | Fadel Alhillo | 02-15-05, 08:42 AM |
Re: رساله للاخ بكري ابوبكر | محمد حامد جمعه | 02-15-05, 08:46 AM |
Re: رساله للاخ بكري ابوبكر | Fadel Alhillo | 02-15-05, 03:23 PM |
Re: رساله للاخ بكري ابوبكر | Fadel Alhillo | 02-15-05, 09:51 AM |
Re: رساله للاخ بكري ابوبكر | عمر الفاروق شيخ الدين | 02-15-05, 10:00 AM |
Re: رساله للاخ بكري ابوبكر | أبوالريش | 02-15-05, 01:04 PM |
Re: رساله للاخ بكري ابوبكر | تاج السر حسن | 02-15-05, 01:15 PM |
Re: رساله للاخ بكري ابوبكر | Fadel Alhillo | 02-15-05, 03:16 PM |
Re: رساله للاخ بكري ابوبكر | Fadel Alhillo | 02-15-05, 02:41 PM |
Re: رساله للاخ بكري ابوبكر | Fadel Alhillo | 02-15-05, 03:31 PM |
Re: رساله للاخ بكري ابوبكر | Fadel Alhillo | 02-15-05, 04:20 PM |
Re: رساله للاخ بكري ابوبكر | عمر الفاروق شيخ الدين | 02-16-05, 00:54 AM |
Re: رساله للاخ بكري ابوبكر | Fadel Alhillo | 02-16-05, 03:59 AM |
Re: رساله للاخ بكري ابوبكر | Fadel Alhillo | 02-16-05, 04:09 AM |
Re: رساله للاخ بكري ابوبكر | سارة حمزة | 02-16-05, 05:10 AM |
Re: رساله للاخ بكري ابوبكر | Fadel Alhillo | 02-16-05, 06:12 AM |
Re: رساله للاخ بكري ابوبكر | Fadel Alhillo | 02-17-05, 05:02 PM |
|
|
|