|
Re: فرنساوى شغل نضيييف !!!! (Re: مرتضى احمد عبد القادر)
|
سلام يا محمد و لي ضيوفك ورشة المعلم (فرنسا) بقت قبلة القاصي و الداني و دا راجع لي سمعتو ... شاب شاطر و امين.
Quote: بعد المغرب بيتلمو الشباب قدام الورشه والكوشتية بتدور على أنغام حكاوي عوض كباكا عن امدرمان |
يا (مورتا ) هاك دي عن عوض مرسال المشهور ب(كباكا)
ماشي علي وين ؟ سؤال طالما سألناه له حتي مل إجابته, ماشي اجيب لي طعميه للعشاء إنتو ما عندكم شغله غير قعاد المساطب و مباراة الغاشي و الماشي إنشاءالله تجي الطارة ترفعكم واحد واحد, و في طريق عودته من عوضيه ست الطعميه تراه يلتفت يمنة و يسرى كأن لفافة الجريده التي يحملها تحوي ممنوعات... طويل في قامته حتي لكأنه إن مد يده إلي السماء حسبتها لامست قمة عمود الكهرباء طوال عمرنا في هذا الحي و هو في إرتداء دائم "للجلابية الانصاريه" من مناصري حزب الامه تجده مداوماً علي ندوة الاربعاء بدار الامه و احد معجبي الصادق المهدي و مردداً كل عبارة يتفوه بها...يفتخر بان جده الامير حمدان ابوعنجه و يجدها متكئاً له حين يأتي الحديث عن من هم السكان الاصليين لام درمان, يرتشف كوباً من الشاي الذي امامه و نحن نتجمهر امام منزله ثم يأخذ نفسأ عميقاً بعدها يسترسل "إنتو عارفين أنا جدي منو"!! اها منو يااااا كباكه!! جدي الامير ابوعنجه جا عسكر بجنوده هنا في الخور القدامنا دا و من ديك و عيك, نردفه بسؤال ملح: طيب إنت حزب أمه جناح منو؟ فيرد في سخريته المعهوده: انا حزب أمه( جناح أم جكو) و يتبعها بكوب اخري ,و قبل ان يضع الكوب علي الارض نستدرجه إلي جانب اخر: كدي يا كباكه جلينا من السياسه: الايام دي ناس المريخ قالو عايزين يسجلو اللاعب بتاعكم .. ينتفض كالثور الهائج فهو مولع بحب اثنين و يفديهما بدمه إذا استدعي الامر علي حد تعبيره (حزب الامه , نادي الهلال) , خليهم يسجلوه نحن ذاااتنا شطبناهو لسوء السلوك انتو قايلين الهلال دا لعبه ساي؟ نحنا في الهلال زي وزارة التربيه و التعليم , يعني التربيه قبل الرياضه , إنتو قايلين الكلام دا ونسه ؟ علي اليمين زمان الامير صديق منزول لمن كان كوتش جا واحد كدا لابس برمودا و مسبسب شعرو و قال عايز يلعب في الهلال : لمن منزول شافو قال ليهو امشي العب بعيد يا ود هوي نحنا ما قاعدين نلعب اولاد مايعين . هو احد ظرفاء الحي و ليس في ذلك شك بيد انه احد القلائل الذين يحفظون امدرمان بكل ما تحتويه من أزقة و جخانين, أحترمه حد الثماله و يقدرني ايما تقدير فقد رمقني بعبارة ما إن أتذكرها يزداد احترامي له و انفجر من الضحك في ذات الحين, وهو عائد من عوضيه و نحن جلوس ننتظره قال لي: إنت البقعدك مع الكرور ديل شنو ديل اولاد ما جاهزين _________
طبعا الكلام دا قدام بيت كباكا و هو نفس البيت الفيهو ورشة المعلم (فرنسا).
|
|
|
|
|
|
|
العنوان |
الكاتب |
Date |
فرنساوى شغل نضيييف !!!! | محمد عكاشة | 04-26-10, 04:04 PM |
Re: فرنساوى شغل نضيييف !!!! | محمد عكاشة | 04-26-10, 05:04 PM |
Re: فرنساوى شغل نضيييف !!!! | Asaad Alabbasi | 04-26-10, 08:47 PM |
Re: فرنساوى شغل نضيييف !!!! | محمد عكاشة | 04-26-10, 09:48 PM |
Re: فرنساوى شغل نضيييف !!!! | البدري عبد الله | 04-26-10, 10:01 PM |
Re: فرنساوى شغل نضيييف !!!! | محمد عكاشة | 04-29-10, 04:36 PM |
Re: فرنساوى شغل نضيييف !!!! | مرتضى احمد عبد القادر | 04-26-10, 11:04 PM |
Re: فرنساوى شغل نضيييف !!!! | حسبو عكاشة | 04-27-10, 06:22 AM |
Re: فرنساوى شغل نضيييف !!!! | dardiri satti | 04-27-10, 07:34 AM |
Re: فرنساوى شغل نضيييف !!!! | محمد عكاشة | 04-27-10, 05:29 PM |
Re: فرنساوى شغل نضيييف !!!! | محمد عكاشة | 04-27-10, 09:45 PM |
Re: فرنساوى شغل نضيييف !!!! | حسبو عكاشة | 04-28-10, 07:03 AM |
Re: فرنساوى شغل نضيييف !!!! | محمد عكاشة | 04-27-10, 08:40 PM |
Re: فرنساوى شغل نضيييف !!!! | محمد عكاشة | 04-27-10, 10:21 PM |
Re: فرنساوى شغل نضيييف !!!! | البشير دفع الله | 04-28-10, 09:14 AM |
Re: فرنساوى شغل نضيييف !!!! | المسافر | 04-28-10, 09:55 AM |
Re: فرنساوى شغل نضيييف !!!! | محمد عكاشة | 04-28-10, 01:11 PM |
Re: فرنساوى شغل نضيييف !!!! | Asaad Alabbasi | 04-28-10, 01:55 PM |
Re: فرنساوى شغل نضيييف !!!! | محمد عكاشة | 04-28-10, 04:34 PM |
Re: فرنساوى شغل نضيييف !!!! | محمد عكاشة | 04-28-10, 10:07 PM |
Re: فرنساوى شغل نضيييف !!!! | محمد عكاشة | 04-29-10, 03:55 PM |
Re: فرنساوى شغل نضيييف !!!! | ismeil abbas | 04-29-10, 06:07 PM |
Re: فرنساوى شغل نضيييف !!!! | محمد عكاشة | 04-29-10, 09:31 PM |
Re: فرنساوى شغل نضيييف !!!! | Asaad Alabbasi | 04-30-10, 00:13 AM |
Re: فرنساوى شغل نضيييف !!!! | محمد عكاشة | 04-30-10, 11:58 AM |
Re: فرنساوى شغل نضيييف !!!! | عفاف ابوكشوه | 04-30-10, 07:44 PM |
Re: فرنساوى شغل نضيييف !!!! | حسبو عكاشة | 05-01-10, 06:23 AM |
Re: فرنساوى شغل نضيييف !!!! | محمد سنى دفع الله | 05-01-10, 06:29 AM |
Re: فرنساوى شغل نضيييف !!!! | محمد عكاشة | 05-01-10, 05:06 PM |
Re: فرنساوى شغل نضيييف !!!! | محمد عكاشة | 05-02-10, 07:58 PM |
Re: فرنساوى شغل نضيييف !!!! | محمد عكاشة | 05-03-10, 10:01 PM |
Re: فرنساوى شغل نضيييف !!!! | dardiri satti | 05-04-10, 07:07 AM |
Re: فرنساوى شغل نضيييف !!!! | محمد عكاشة | 05-04-10, 08:41 AM |
Re: فرنساوى شغل نضيييف !!!! | Asaad Alabbasi | 05-06-10, 09:25 PM |
Re: فرنساوى شغل نضيييف !!!! | محمد عكاشة | 05-08-10, 02:31 PM |
Re: فرنساوى شغل نضيييف !!!! | محمد قور حامد | 05-09-10, 07:11 PM |
Re: فرنساوى شغل نضيييف !!!! | محمد قور حامد | 05-11-10, 12:13 PM |
Re: فرنساوى شغل نضيييف !!!! | Abuelgassim Gor | 05-07-10, 09:01 AM |
Re: فرنساوى شغل نضيييف !!!! | محمد عكاشة | 05-07-10, 07:14 PM |
Re: فرنساوى شغل نضيييف !!!! | طارق جبريل | 05-07-10, 07:19 PM |
Re: فرنساوى شغل نضيييف !!!! | محمد عكاشة | 05-07-10, 08:17 PM |
Re: فرنساوى شغل نضيييف !!!! | Abuelgassim Gor | 05-08-10, 03:45 PM |
Re: فرنساوى شغل نضيييف !!!! | محمد عكاشة | 06-02-10, 09:34 PM |
Re: فرنساوى شغل نضيييف !!!! | محمد عكاشة | 06-07-10, 09:31 PM |
Re: فرنساوى شغل نضيييف !!!! | محمد عكاشة | 06-19-10, 12:05 PM |
|
|
|