العـنف الجنسى بين الازواج !!!!

Quote: عن إغتصاب الزوجات إستشهدت فيه بأمثلة حية لنساء إغتصبهن أزواجهن دون تهيئتهن وكان العقاب السجن للأزواج ،

نجى للأهم... زى ماقلت فوق عن تحديد مفهومنا كنساء للعنف مفروض برضو نحدد مفهومنا للاغتصاب؟
فى مبحث عملتو زمان قبال عشرة سنوات وكات السؤال المباشر للنساء اذ كن يعبرن عن احتياجتهن الجنسية لازواجهن؟ تصدق الأغلبية بتعبر بس بطرقهن الخاصة...رغم انو فى رأى ان اعداد المرأة لزينتهامن دخان ولا تفوح رائحة عطورها الخاصة من صندل ودلكة مابالضرورة يكون اعلان لهذا الرغبة بمعنى ممكن الواحدة تعمل ده لروحها دى...

تحديدنا للمصطلحات بخلينا نمشى خطوة لقدام لانى بتحفظ وبشدة على مفهوم المرأة فى {الغرب} للاغتصاب لانو ده بينطلق من ثقافتها ومحيطها العاشت فيهو وبيتسق مع الثقافة دى دة بيعنى ان مفهومهم للاغتصاب او العنف مابالضرورة يتسق مع مفهومنا لانو مفهومنا بيرتبط برضو بواقعنا ومحيطنا..فى ثقافتنا {الذكورية} اعتاد الرجل ان يمسك بزمام كل الأمور بدء من صناعة السياسة والتى ترتبط بالجسد والتعبير عنه وعن احتياجات الروح عشان كدى مفروض النساء هن اللى يحددن طريقتهن فى التعبير عن مشاعرهن ويوصلنها بالطريقة التى تعبر عن هويتهن ولمن يكون عندها حقوق اجتماعية متساوية مع رفيقها الرجل بيكون من السهل مناقشة كتير من القضايا المسكوت عنها...
كدى نخلى صناع السياسة من {الذكور} يوفروا ليها ولبقية الرجال المسحوقين موية نضيفة وعلاج مجانى وحدائق يشموا فيها هواء نطيف بعد داك كل الحاجات التانية دى بتجىء كنتاج طبيعى لصناعة سياسة اكثر انسانية..

كل سنة وانتو كلكم طيبين

(عدل بواسطة Ishraga Mustafa on 12-16-2007, 11:38 AM)