|
ميرغني حمزة (لسة بفتش عنك فيك)
|
(1) ما ببكيك بين نتواعد وبين نتلاقى لسة بفتش عنك .. فيك كيف أبداك بي حرف حزين؟! وإنت سكنت الروح والعين ضلك نامي وفرعك سامي إتنقلت في كل الحارة لقيتك مدي الدنيا مدارها ولمن قلت دهمني الوقت إتيممت على الإسفلت الشال من دمك معنى الرحمة وبديت أقراك من أول بسمة عصرت كيانك جوة كياني وكل وريف .. وجميل .. وإنساني مرقت مموسق وكلي أغاني غمرني المد الشايل أصحابك إتبسمت وقلت حبابك لحن الريد الكامن شبّ طلعت أقطّر كلي محبة
وبين نتلاقى وبين نتسالم يغمر فيضك كل العالم وأنا كلّي شجون.. يدندن صوتك في التلفون (بيترو إزيّك ......) بي أحلى نغيم من عمق الروح من زول مسكون بي صدق البوح (بيترو إزيك ......) تجيني السمحة الواردة النيل وتجيني النخلة الساجدة أصيل ويجيني القمري العاشقو هديل وتجيني الموية الجارية مسيل
بين حب وتمنّي.. نتم القول الكان مستني... (كيف ناس أمّي.....؟) تسأل بحرارة عن الحبان ..... وكل الجيران (أحمد قال كيف...؟) (بضرب لي حسين) (الشفة تمام؟) (كلمت علاء؟) (قابلت سمية؟) (نصير إزيّو؟) (هدى قاعدة معاك؟)) ........................ كان باقي كلام حين قلت سلام !! وبين نتوادع وبين نتسالم يغمر فيضك كل العالم (2) أنا في رجاك بين الحلول الممكنة .. والمستحيل وشوق المسافرين للمقيل ..... بين الحبيبة وكامل أزهار الحديقة... وشهقة الطفل الجميل.. أنا في رجاك بين البساتين والرياض لما تحتاج للفياض وأنا في رجاك بين ( مصطفى) ووجعة وتر على شفع العرب الفتارى .. اللّسة ساكّين القطر وأنا في رجاك .. بين الشتول والمدرسة وشوق الهجاير للمساء خضرة سهوب رفقة دروب بين الحقول المؤنسة أنا في رجاك بين الصباح ورفة جناح بسمة (سماح) أنا في رجاك وشخصك مقيم بين السماوات والأديم بين البحار ... والإنتظار شدّيت يمين الحب عليك وكتبت إسمك في الشراع راجع علّي شايفك شعاع كاتب علي كل القبل بي خط وسيم ... إنك هناك ... وإنك هنا عاشق قديم ... وافي ومطرّز بالغنا وأنا ليك نديم.. طرّزت رسمك بالندى ونشرت لحنك في المدى .... الكون شدا والهم نزح.. والفرحة رسمت قوس قزح!!!! أنا في رجاك .. حفنة تراب .. من موطئ آثار القديم مربوطة في طرف الهديم منثورة في عين الردى.. وما ببكيك .. بين نتوادع وبين نتلاقى لسة بفتش عنك فيك!!!
|
|
|
|
|
|
|
العنوان |
الكاتب |
Date |
ميرغني حمزة (لسة بفتش عنك فيك) | بدر الدين حمزة | 10-10-05, 01:54 PM |
Re: ميرغني حمزة (لسة بفتش عنك فيك) | rani | 10-10-05, 02:18 PM |
Re: ميرغني حمزة (لسة بفتش عنك فيك) | محسن عبدالقادر | 10-10-05, 02:47 PM |
Re: ميرغني حمزة (لسة بفتش عنك فيك) | munswor almophtah | 10-10-05, 03:23 PM |
Re: ميرغني حمزة (لسة بفتش عنك فيك) | سيف النصر محي الدين محمد أحمد | 10-10-05, 05:30 PM |
Re: ميرغني حمزة (لسة بفتش عنك فيك) | ابنوس | 10-10-05, 07:01 PM |
Re: ميرغني حمزة (لسة بفتش عنك فيك) | Asim Sharief | 10-10-05, 07:21 PM |
Re: ميرغني حمزة (لسة بفتش عنك فيك) | هاجر سيد احمد | 10-11-05, 10:26 AM |
Re: ميرغني حمزة (لسة بفتش عنك فيك) | لؤى | 10-11-05, 11:46 AM |
Re: ميرغني حمزة (لسة بفتش عنك فيك) | saadeldin abdelrahman | 10-11-05, 04:17 PM |
Re: ميرغني حمزة (لسة بفتش عنك فيك) | محسن عبدالقادر | 10-13-05, 06:03 AM |
Re: ميرغني حمزة (لسة بفتش عنك فيك) | محسن عبدالقادر | 10-14-05, 08:00 AM |
Re: ميرغني حمزة (لسة بفتش عنك فيك) | بدر الدين حمزة | 10-14-05, 01:29 PM |
Re: ميرغني حمزة (لسة بفتش عنك فيك) | Kostawi | 10-14-05, 01:38 PM |
Re: ميرغني حمزة (لسة بفتش عنك فيك) | محسن عبدالقادر | 10-14-05, 02:41 PM |
Re: ميرغني حمزة (لسة بفتش عنك فيك) | هاجر سيد احمد | 10-14-05, 07:13 PM |
Re: ميرغني حمزة (لسة بفتش عنك فيك) | محسن عبدالقادر | 10-15-05, 07:12 AM |
|
|
|