حقيبة الفن

مرحبا Guest
اخر زيارك لك: 06-16-2024, 06:06 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة هشام شيخ الدين جبريل(يازولyazoalيازول)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
01-28-2003, 01:18 PM

sentimental


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حقيبة الفن (Re: يازولyazoalيازول)

    Thanks Elmosely. This for you and Tomador.

    عبيد عبد الرحمن 1908-1986م

    كتب الراحل المبدع المقيم ابراهيم أحمد عبد الكريم عن عبيد قائلاً

    ولد الشاعر المبدع عبيد عبد الرحمن بحى العرب بأمدرمان ذلك الحى الموسوم بالفن والغناء والطرب

    تلقى تعليمه فى المرحلة الأولية ولكن ظروفه حالت دون مواصلة تعليمه فعمل مع والده بعض حين وظل يكثر الاطلاع على كتب التراث فيهضمها بقريحته المتوقدة وذهنه اللماح وقد برع فى قول الشعر صغيراً تماماً كصديق عمره سيد عبد العزيز فقد نشأ فى ذات الحى العريق فتوطدت بينهما صداقة خالدة على مر الأيام الى أخر العمر وجمعت بينهما صداقة الشاعر الأديب خالد آدم ( ابن الخياط) فراحوا يتعاطون الأدب

    وعبيد عبد الرحمن صاحب مدرسة فى الشعر الرصين

    ولقد سبق معاصريه بالأخيلة المدهشة والصياغة المحكمة والكلمات الرقيقة المهذبة فقد وصفه الشاعر عبد الرحمن الريح بقوله

    كم عبيد فى شعره الرصين
    كان مثال اللبق الأمين

    منه تظهر فى كل حين
    تحفه تشجى الناس أجمعين

    صدر له ديوان شعر بالأشتراك مع صديقه الشاعر سيد عبد العزيز بعنوان ليالى زمان حوى بعض المختارات ثم صدر له ديوان زمن الصبا وأخيراً صدر له ديوان من جزئين عن دار البلد للطباعة والنشر والتوزيع. الأول بعنوان رسائل والثاى بعنوان غزال البر

    ومثل صديقه سيد عبد العزيز وسائر شعراء الحقيبة فقد كان عف الحب يهتم بجمال الروح والذوق السليم فقد كان الحب العزرى عنده سجيه ولكنه عندما اضطر الى الوصف الحسى فقد بز جميع الشعراء الذين تنافسوا فى وصف فتاة أثناء الرقص فى قصيدة منظر شىء بديع ما أحلى الغزل

    وعبيد عبد الرحمن حديقة مختلفة الألوان تفوح بالشذى والطيب وهو كشجرة النخيل كلما هززناها تساقطت رطبا جنيا
    رسائل
    من اغانى عام 1954م
    لحن وغناء الكاشف

    هذه القصيدة عبارة عن رسالة أرسلت لصديقي الشاعر سيد عبد العزيز عندما نقل الى مدينة الأبيض

    حبيبيى ... أكتب لى
    وأنا أكتب ليك
    بالحاصل بي... والحاصل بيك
    ***
    الباقى على .. أنا شوق وحنين
    واقيم الليل آهات وأنين
    أتقلب ما بين الجنبين
    فارقنى حبيب آلفنى سنين
    إستحكم بينى وبينه البين
    ماليك أمان
    ياذا الزمان
    ياليالى زمان... الله عليك

    أنا أكتب ليك
    وانت تكتب لى
    يا حبيب روحى .. ونور عيني
    يا وحيد عمرى الما دمت حى
    أكتب لى عن كل شىء
    أذكر ودادى
    أرحم فؤادى
    أرع الوفا ودع الجفا
    وأذكر صفاأيامنا ليك
    أذكر جلوسنا على الربى
    نستعرض أسراب الظبا
    نسمع لهمسات الصبا
    ونحن فى عز الصبا
    أبسم اليك تبسم معاي
    جالس حداى تسمع غناى
    مع صوت الناى
    دا أنا يامناى الطول حياتى
    بغنى ليك

    اليل ما بنومه
    من أغاني عام 1954م
    لحن وغناء الكاشف

    كلمات تفصح عن أنها قيلت فى حبيب هاجر مخادع

    الليل ما بنومه
    أنا حارس نجومه
    طول يالليل وهود
    عاجبني طول الليل
    الليل نسيمة عليل
    الليل سكونه جميل
    الليل به النسمات
    تتأمل الأفلاك
    الليل بع العشاق
    تتذوق الأخلاق
    تتناجى بالأرواح
    ولشدة ما ترتاح
    ما دايره تانى صباح
    أنا راصد كواكبه
    تايه فى ظلامه
    وساير فى مواكبه
    سابح فى خياله
    وما عاشق جماله
    بس لى فيه ذكرى وماخذ عنه فكرة
    يكون فيه التلاقى وانظر فيه حبي
    والحابيه قلبي
    ينظر ما ألأقى
    يا ليل أنت شايف
    توليهي وهيامي
    ويالليل أنت عارف
    أشياء من غرامي
    أما بلغك ياليل
    ***

    بالله عيرنى سماع
    أحكيلك حبى الضاع
    وتغير الأوضاع
    هويت محاسن إنسان
    فى غاية الإبداع
    عاهدنى وحبيته
    ووجدت عهده خداع

    الوداع
    الوداع
    الوداع


    أزاك يا عيونى
    من أغاني عام 1956م
    لحن وغناء ابراهيم الكاشف
    والأغنية نتيجة أحاسيس خفية تسببت فيها العيون وما أكثر ما تتسبب فيه العيون

    أزاك يا عيونى ... جزاك
    درت السهر لى روحك براك
    ***
    ورينى كيف
    زدتى إنهمال
    ورينى ليه
    شفت الجمال
    مسحورة بى سحر الدلال
    مفتونة بى عيون الغزال
    الله لا يهدى الكان هداك
    ***
    الليل ليك كم ليل ويوم
    ولهانة سهرانه النجوم
    فى سيل دموعك عايم عوم
    لا شايفة زول لا لاقية نوم
    ***
    يا عيونى ايه
    الكان هداك
    تتشابي لى
    شوفة الملاك
    ***
    سببت لى يا عيونى نوح
    وهديتى لى قلبي الجروح
    هزيتى جسمى أذيتى روح
    وبعدت بى عن النصوح
    وقعت فى شراك الشباك
    وأحترت كيف أعمل معاك

    حليل زمن الصبا
    الحان وغناء ابراهيم الكاشف

    حليل زمن الصبا الماضى
    حليل زهر الحياة الزاهر
    حليل زمن الحبيب راضى
    حليل زمن الهوى الطاهر

    حليله الأبلج الباسم
    حليله الكاحل الناير
    حليل قمر السما القاسم
    لياليه وصبح داير
    آه لو آه تفيد مجروح
    والمثل القديم ساير
    رهاب ما حصلوا الجارى
    وسماك ما بحصلوا الطاير
    تجدنى مراقب أخبارك
    إذا النسمات بها تخابر
    تجدنى على الفراش مضنى
    تجدنى على الأسى صابر
    ***
    أنا البعدك أصون عهدك
    وليتك كنت بى خابر
    وليتك مرة تذكرني
    ولو فى ذكرة الغابر
    ***
    فداك نوم عيوني يا نايم
    وهل بلغك أنا مساهر
    أراقب فى كواكب الليل
    أرك بيناتها ماك ظاهر
    أغفى الطرف وأتناوم
    أقول للحسنة لى جاهر
    متين أنظر جمال نورك
    ووين يا كوكبي الزاهر
    جمالك يسعد الشافك
    صباحك يشرح الخاطر
    مياسك الهلك ناسك
    ودلالك وبسمة الفاطر
    ***
    عيونك وإزدهار لونك
    زهور وشما الندى القاطر
    وروحك نسيم الروض
    إذا مزجوا الشذى العاطر
    ***
    تعود لى مسالمتك سالم
    بعودة سلامة يا مسافر
    أِوفك زى ملاك رحمة
    أشوفك زى غزال نافر
    أِوف فيك هيبة الظافر
    أِوف فى محيك البدر
    البفوق بدر السما السافر
    ***
    ذكرى أهاجت الذكرى
    دوام فى فكرتى تخامر
    حليل الماضى وأيامه
    حليل الرونق العامر
    حليل زمن الحبيب طائع
    حليل زمن الحبيب آمر
    زمنا الكنا لا ندرى
    بما كان الزمن ضامر

    أنا ما بقطف زهور
    لحن وغناء ابراهيم الكاشف

    أنا ما بقطف زهورك
    بعاين بعيونى
    ***
    يا الغصن الفى نهورك
    ويالبدر الفى خدورك
    مترقب ظهورك
    أتامل فى محاسنك
    وأتمتع بمناظرك
    وأتوسع فى فنونى
    ****
    لعبت بى دورك
    وأصبحت مسحورك
    سبحت فى بحورك
    وعرفت أوزانك
    وعرفت الحانك
    آهات توالينى
    لا زلت مأسورك
    وما قادر أزورك
    ملأ العيون نورك
    كشف الظلام بسم
    وإتجلى لى رسمك
    شخصك ملأ عيونى
    ***
    أضنانى تأثيرك
    وما بشكى لى غيرك
    اعيانى تفسيرك
    يالرمز الحيرنى
    وهواك صيرنى
    أتحدى العزلونى
    ***
    يالغالي موهوبك
    يالراقي أسلوبك
    الناس يانسوبك
    يالعالى تعليمك
    أنا من مظاليمك
    ايه ذنبي ورينى

    الزيارة
    لحن وغناء ابراهيم الكاشف

    أفكارى حايرة
    ضاعت باختيارها
    حبيبي آه أنا قلبي تاه
    فى يوم الزيارة
    ***
    الدنيا وعمارها
    والجنة ونعيمها
    بزهورها وثمارها
    الناصع بياضها
    والخاطف صفارها
    والفاتح حمارها
    فصود فى خدود يضَّونْ
    وخدود بدون أمارة
    يرسلو نور ملون
    أصفر أخضر أحمر
    فاتن يا سمارة
    التفت وأدانى بسمة
    بزرى بالزهر وإزدهارها
    مثلت فيها الوداعة
    وخفة الروح والمهارة
    دا الجذب قلبي بفنه
    نظرة منى ونظره منه
    أرتفعت الحرارة
    والتهبت العواطف
    وأًصل النار شرارة
    ***
    شال منام عينى وتوارى
    سابنى وحدى أشدو وجدى
    وأرسل الآهات مرارا
    ماهو عارف البى لأنه
    لسه ننو
    حوله الناس بالعيد يهنوا
    وناس متابعنه ويغنوا
    وأنا روحى ليه تتوق
    داعيها حادى الشوق
    هايمة فى ليلها ونهارها
    وأنت بالناعسات عيونك
    الله لى عيونى السهارة

    الشال منام عيني
    لحن وغناء أبراهيم الكاشف

    الشال منام عيني
    وفؤادى جارحه
    إنشاء الله يلاقيني
    وبهواى أصارحه
    ***
    نتقابل الأثنين
    وأشكى له مر البين
    لعل قلبه يلين
    يعطف على المجروح
    والروح تناجى الروح
    والعين تشوف العين
    والأيد تصافحه
    ***
    أقول يا حبيبي
    متين يبقى تقريبي
    متى تبقى حاسيبي
    ليك بالمودة أبوح
    بين الرياض والدوح
    جالسين ومتآنسين
    وأنا وأب عيون ناعسين
    فى الحب أفاتحه
    ***
    نقيف فى شاطى النيل
    يعطف على ويميل
    وأقول له أنت جميل
    يا بدر نور ولوح
    يا زهر عطر فوح
    ولا أنت أٍمك مين
    قال فى إبتسام ياسمين
    عبقت روايحه

    الجمعة فى شمبات
    لحن وغناء أبراهيم الكاشف

    تحت فيحاء الخميلة
    كنا والأطيار تغني
    ترقص الأطيار تمنى
    بيننا أوجه جميلة
    ***
    كلما العصفور يغرد
    والنسيم يهفو ويبرد
    تزدهى الأقمار تورد
    واحدة صاحية وواحدة وسنى
    وواحدة فاترة فاتنة حسنه
    فى غفلة الدهر أختلسنا
    نحن بيناتن جلسنا
    جلسة ما منظور مثيلها
    عندما أتلاقت عيوننا
    تهنا واتوافت ميولنا
    وأنضوينا
    بين أحضان الجنينة
    فوق أعشابها الحنينة
    من سلاف الحب رشفنا
    أرتوينا
    قلنا يا ساقينا لحظة
    أم كؤوس الراح سقينا
    ورحت تلعب بى عقولنا
    كلما قامتك تميل
    وترنو عيناك الجميلة
    ***
    الغيم أرسل سدوله
    ونسيم شمبات يأرج
    ويعرج من حقوله
    جداول الموية كابه
    ونسايم العزرى هابة
    كل زول مفتون بى زوله
    عيون لى عيون محاربة
    وشفاه لشفاه مقاربة
    وزى ما الناس يقولوا
    خليهم يقولوا
    حلات الجمعة يومها
    وحلو شمبات مقيلها

    رحلة
    لحن وغناء أبراهيم الكاشف

    داخل روضة غناء
    ونحنا جماعة كنا
    يوم فى الدهر فنا
    شهدنا الزهر غنى
    جلسنا مكان نزلنا وقولنا لمن عزلنا
    أنحنا هنا أنعزلنا
    وعلى نخب المحبة
    كل زول حبه حبه
    حسونا الود صافى
    سمونا وما نزلنا
    ***
    صاح شادينا صحنا
    غنينا وفرحنا
    أمسينا وصبحنا
    ونحنا كما أنحنا
    متقاربات عقولنا
    ومتوافقات ميولنا
    مع النسمات سبحنا
    نروى بغير لحنا
    ونشدو الحسن لحنا
    قمنا على مهلنا
    شيلنا ورحلنا
    ناس رافعين جهلنا
    ومتراوحين أهلنا
    ودعنا المحلة
    بوداع المحنة
    ودعنا الأزاهر
    بى لغة العواطف
    فى أٍسلوب أحن

    أنا يا طير بشوفك
    لحن وغناء أبراهيم الكاشف

    أنا يا طير بشوفك
    فرحان وبتغني
    حبيبك معاك
    وحبيبي غاب عنى
    أنا يا طير موله
    محزونا لأنى
    وحيد وحبيبي غايب
    وآه يا طير

    تانى على مصايب
    من أدهى الغرائب
    لى أقرب حبابيب
    صدوا وبعدوا منى
    أنا يا طير حبيبي
    للآلام تركنى
    متدلل.. على
    وبالهجران هلكنى
    زعلان منى صد
    وبى رايه أستبد
    أتناسى المودة
    وأعتاد التجني
    ***
    يا ريت كنت زيك
    لو يجدى التمنى
    حبيبى يكون معاى
    فى الأشجار نقيل
    وبالأغصان نميل
    فى خفة جناحك
    وحرية صراحك
    فى الأفنان نغنى
    ***
    أنا يا طير مقيد بقيود أثقلتني
    وأنت طليق ولاهى
    وليك فى الروض ملاهى
    وأنا حيران وساهى
    بين آمر وناهى
    بين صاحب يهنى
    وبين عازل يشنى

    غزال البر
    نظمت هذه القصيدة فى أواخر الثلاثينات لسفر حبيب على وكان سفره مفاجأة على الشاعر مما ترك أُره واضحا فى نفس الشاعر والذى صوره فى هذه القصيدة

    غزال البر يا راحل
    حرام من بعدك الساحل
    أنا المن حالى ماك سائل
    ***
    أنا المنى الفؤاد مضنى أنا المنى الدمع سائل
    أعانى عذابي الهائل
    أخذ منى الفؤاد مأخذ
    ونال منى الهوى نايل
    ***
    غبت عن العيون
    أما الفؤاد بي ذكرتك آهل
    فراقك يا حبيب قلبي
    على ما تظنه شى ساهل
    ظهر فى وجهى تأثيره
    ***
    وصبح منى الفكر جاهل
    وتعرف كل ده ولكن
    تقيف عن أمرى متجاهل
    ***
    سمير الأنجم الزهرى
    ليلى بنهاره متواصل
    فقدت منامى وأحلامى
    ومافى من الألم فاضل
    جميع ما أنت ترضاه
    جميل منك إلى واصل
    تأكد ماكذبتك شىء
    وحات روحك هو الحاصل
    ***
    أنا مجنون هواك
    لكنى أظهر مظهر العاقل
    أخاف على حبك أضمضم
    أخاف يجد الكلام ناقل
    أخيل خدك الأسل
    أخاف من لحظك القاتل
    يشوفنى ويمضى تأثيره
    تسيبنى وتمشى متاقل
    ***
    حبيبي تبين الأخبار
    إذا كان يوم يجيك عازل
    يريد يوشيك عن حبى
    فأفهم أنه متزاول
    أقول ليك الكلام الجد
    وما أنافى الكلام هازل
    وما أنا للوداد ناسى
    ولا عن حبى متنازل


    أفكر فيه وأتامل

    كنت أسكن المسالمة وأحببت فتاة مسيحية كانت تسكن هى الأخرى حى المسالمة فأحببتها لدرجة الجنون وفوجئت بأنها زوجت زواجا مبكرا ، للشعور بما يكنه كل منا الى الآخر من حب ، والخوف من أن يتم الزواج بيننا، لأنه محرم لإختلاف ديانه كل منا فزوجت زواجا سريعا ودعينا لحفلة الأكليل فى الكنيسة أنا والشاعر سيد عبد العزيز والأستاذ / خالد بن الخياط وكان أكبر يوم حسرة فى حياتي

    أفكر فيه وأتامل
    أراه أتجلى وأتجمل
    هلالى الهل وأتكمل
    ***
    تفاصيل قولى والمجمل ساصبر ياخى أيه أعمل
    إذا قلب الفتى أتحمل
    مصايب الدهر وآلامه
    أرى الصبر الجميل أجمل
    حديثى ودمعى أتسلسل
    فصول فى رواية تتمثل
    أقيف فى مواقف أستبسل
    وعن رؤيا الحبيب حالا
    أبين فى مواقف أتوسل
    هواه بجسمى أتخلل
    مجارى الدم إذا أتحلل
    وقيع لرضاه أتذلل
    وما هماه يا سيدى
    دا واحد أصلو بتدلل
    ترك أفكارى تضلل
    بعزره البيه يتعلل
    فما شرع الهوى حلل
    لقانا نهار ولافى الليل إذا أليل
    ***
    صريح قانون هواك خول
    هلاكى وقلبي ما تحول
    حقيقة وليس تتأول
    صريع لحظات سيوف لحظك
    وحالى أن شفته تتهول
    تذكر عهدنا الأول
    صحى الأيام بتتدول
    قريب يوم داك ما طول
    مضت أيام ويا حليلها
    بقت أحلام وتتأول

    آلفنى

    نظمت هذه القصيدة فى يوم شم النسيم ، وطبعا كان يوم عطلة خرجت من المنزل بدون أن يكون لى هدف ، فركبت الترام وعندما وصلت الى المكان الذى به حدائق المقرن الآن ، فى انتظار الترام الثاني اذا بأحد الأصدقاء حامد حسين بكير يركب عربة فنادى على وركبت معه وذهبنا الى حدائق الحيوان ، وفى أول مكان وقفنا فيه وجدنا فتاتين لم تكن لنا بهم سابق معرفة وكن يعلقن على كلامنا ، ومكان ما وقفن يقفن معنا ، وفى ذلك الوقت حسيت نحوهن بألأفه، فخرجنا أنا وصديقى وتركناهم وذهبنا الى اماكن كثيرة ، واخيرا ذهبنا الى شمبات فوجدنا مجموعة من معارف حامد فوجدنا معهم نفس البنات الاتى وجدناهم فى حديقة الحيوان ، فجلسنا بالقرب منهن فنادى على حامد بانهن من أهله فدخلت عليهن فقالت أحداهن التقينا ثاني
    فمكثنا معهم الى ان حان وقت الرحيل وطلبن من حامد ان يوصلهن الى مدينة أبو روف ، ولما كانت العربة صغيرة تخلفت انا وذهب حامد معهم الى المعدية فشعرت باكتئاب شديد لفراقهن ، فلم أنتظر عودة حامد ذهبت لوحدى الى أمدرمان فنظمت هذه القصيدة ولم التق بهن مرة ثانية.

    آلفنى فى البرهة القليلة
    وفارقنى ما بين يوم وليلة
    صادفنى فى داخل خميلة
    هتن الطل سقاها
    بعيونو الهميلة
    والأوراق تداعب اغصانها وتميلها
    وثغر الفجر ضاحك
    والزهرة الجميلة
    تختال لى انا لازال أخيله
    فى ظاهر عيونى
    وفى داخل الخميلة
    روضة رشح نداها
    يفوح طيبه ونجيلة
    بى باسمات زهورها
    وبىباسقات نخيله
    خطرت لى والخاطر يجيله
    بين قلبي المعنى
    وبين روحى الوجيلة
    الصدفة العجيبة
    والفرقة العجيلة
    والقعدة اللذيذة
    فى تلك النجيلة
    ***
    صدفة وكان معناها ودليله
    رأت العين حبيبه
    وروت الروح غليله
    ***
    مشهد كان يمثل
    قيس يوم لاقى ليلى
    بالحب المولد والعاطفة النبيلة
    ***
    فارقنى وماباليد حيله
    ساب الروح يتطلب رحيله
    ياخدوده الندية
    ويا عيونه الكحيلة
    هل من شوفه لى
    أم هى مستحيلة
    حجبوه من عيني

    مناسبة هذه القصيدة تكمن فى داخلها

    حجبوه من عينى إلا من قلبي
    لا ما قدروا حجبوه
    ****
    حجبوه من عينى وضاروه حاسدنى
    بقو بينه ما بينى
    لا أدرى ما ذنبي المنعوه من حبي
    وبعدوه من قربي وابو لا يبارحوه
    هو منطقى وذوقى سموه معشوقى
    الليهو زاد شوقى مع أنه فى قلبي
    هو الوحيد حبي
    ***
    يا عوازلى وصحبي بس ما تشوفوه
    هو ما بتشوفه عيون وما حاموا حوله ظنون
    ***
    وديع رقيق وحنون
    هو القطعة الشيقة
    والشمس المشرقة
    والنار المحرقة
    أهو رمزى حلوة

    أسمعته تغريدى

    قصيدة خماسية خيالية استطاع الشاعر ان يخرج بها من الوضع الذى كان قائما فى أغاني الحقيبة وهو الوضع الرباعي

    أسمعتوا تغريدى
    وريتو تجديدى
    فى فن الأغاني
    قابلتو بى ريدى
    وسالمتو بى أيدى
    ***
    قتليه يا سيدى
    الليلة يوم عيدى
    ويوم التهاني
    ختيته فى طرفى
    ***
    وحفيته بى شرفى
    غزلتو بي طرفى
    وحكيتلو سوء ظرفى
    وآلام زمانى
    ***
    فى صحوتى وسكرى
    بقى سلوتى وذكرى
    ختيتو فى فكرى
    واليتو بى شكرى
    وعطفى وحنانى
    يالأنت ناسيني
    ودايما مقاسيني
    ***
    دايرك تآسينى
    وأن مت ترسينى
    وتنشر بيانى
    بقى أسمه تحصينى
    رغم البوصيني
    ***
    الدينه يقصينى
    والطبعة يعصينى
    ده فلان الفلانى

    (عدل بواسطة يازولyazoalيازول on 01-28-2003, 01:58 PM)
                  

العنوان الكاتب Date
حقيبة الفن يازولyazoalيازول01-27-03, 11:31 AM
  Re: حقيبة الفن يازولyazoalيازول01-27-03, 11:31 AM
    Re: حقيبة الفن يازولyazoalيازول01-27-03, 11:33 AM
      Re: حقيبة الفن يازولyazoalيازول01-27-03, 11:35 AM
        Re: حقيبة الفن يازولyazoalيازول01-27-03, 11:52 AM
          Re: حقيبة الفن يازولyazoalيازول01-27-03, 11:58 AM
            Re: حقيبة الفن يازولyazoalيازول01-27-03, 12:11 PM
            Re: حقيبة الفن bushramk01-27-03, 12:13 PM
    Re: حقيبة الفن saifalgam3a01-29-03, 11:28 AM
  Re: حقيبة الفن Shinteer01-27-03, 12:12 PM
    Re: حقيبة الفن يازولyazoalيازول01-27-03, 12:23 PM
      Re: حقيبة الفن يازولyazoalيازول01-27-03, 12:25 PM
        Re: حقيبة الفن يازولyazoalيازول01-27-03, 12:33 PM
          Re: حقيبة الفن يازولyazoalيازول01-27-03, 12:41 PM
  Re: حقيبة الفن sentimental01-27-03, 12:59 PM
  Re: حقيبة الفن Dafi01-28-03, 04:46 AM
    Re: حقيبة الفن يازولyazoalيازول01-28-03, 07:26 AM
  Re: حقيبة الفن sentimental01-28-03, 07:17 AM
  Re: حقيبة الفن Ahlalawad01-28-03, 09:21 AM
  Re: حقيبة الفن Ahlalawad01-28-03, 09:22 AM
    Re: حقيبة الفن bushramk01-28-03, 09:37 AM
  Re: حقيبة الفن sentimental01-28-03, 10:12 AM
    Re: حقيبة الفن يازولyazoalيازول01-28-03, 10:45 AM
      Re: حقيبة الفن Tumadir01-28-03, 10:54 AM
  Re: حقيبة الفن sentimental01-28-03, 10:56 AM
    Re: حقيبة الفن Elmosley01-28-03, 01:00 PM
      Re: حقيبة الفن يازولyazoalيازول01-28-03, 01:23 PM
  Re: حقيبة الفن sentimental01-28-03, 01:18 PM
  Re: حقيبة الفن Khaalaleyaal01-28-03, 01:27 PM
    Re: حقيبة الفن bushramk01-29-03, 05:10 AM
      Re: حقيبة الفن bushramk01-29-03, 05:16 AM
        Re: حقيبة الفن يازولyazoalيازول01-29-03, 07:07 AM
  Re: حقيبة الفن sentimental01-29-03, 07:23 AM
  Re: حقيبة الفن sentimental01-29-03, 07:33 AM
  Re: حقيبة الفن sentimental01-29-03, 07:34 AM
    Re: حقيبة الفن يازولyazoalيازول01-29-03, 11:38 AM
      Re: حقيبة الفن يازولyazoalيازول01-29-03, 04:44 PM
  Re: حقيبة الفن omergoda01-29-03, 06:44 PM
  Re: حقيبة الفن بدرالدين شنا01-30-03, 07:14 AM
    Re: حقيبة الفن يازولyazoalيازول01-30-03, 11:22 AM
      Re: حقيبة الفن يازولyazoalيازول02-01-03, 06:49 AM
    Re: حقيبة الفن الشاعر02-04-03, 08:38 AM
  Re: حقيبة الفن Khaalaleyaal02-01-03, 06:39 AM
    Re: حقيبة الفن garjah02-01-03, 07:12 AM
  Re: حقيبة الفن cola02-01-03, 08:54 AM
  حقيبة الفن ALMURADABI02-01-03, 09:05 AM
  Re: حقيبة الفن sentimental02-01-03, 09:34 AM
  Re: حقيبة الفن sentimental02-01-03, 09:43 AM
    Re: حقيبة الفن يازولyazoalيازول02-01-03, 09:57 AM
      Re: حقيبة الفن يازولyazoalيازول02-01-03, 10:00 AM
  Re: حقيبة الفن solara02-03-03, 08:18 PM
    Re: حقيبة الفن الشاعر02-04-03, 08:44 AM
  Re: حقيبة الفن solara02-04-03, 07:24 PM
  Re: حقيبة الفن ولياب02-05-03, 09:37 AM
    Re: حقيبة الفن Tumadir02-05-03, 09:43 AM
      Re: حقيبة الفن الشاعر03-04-03, 09:04 AM
  Re: حقيبة الفن sentimental02-05-03, 10:17 AM
  Re: حقيبة الفن sentimental02-05-03, 10:17 AM
  Re: حقيبة الفن sentimental02-05-03, 10:20 AM
  Re: حقيبة الفن AlPrince02-06-03, 07:05 PM
  Re: حقيبة الفن AlPrince02-06-03, 09:20 PM
  Re: حقيبة الفن سونيل02-07-03, 03:28 PM
    Re: حقيبة الفن يازولyazoalيازول02-23-03, 07:44 AM
      Re: حقيبة الفن يازولyazoalيازول03-03-03, 08:39 AM
        Re: حقيبة الفن يازولyazoalيازول03-16-03, 10:05 AM
  اغاني الحقيبه و الطرب... solara02-07-03, 09:08 PM
    Re: اغاني الحقيبه و الطرب... يازولyazoalيازول02-14-03, 06:32 PM
    Re: اغاني الحقيبه و الطرب... الشاعر03-04-03, 08:25 AM
  Re: حقيبة الفن KOSTA02-28-03, 08:33 PM
  Re: حقيبة الفن AnwarKing03-01-03, 00:18 AM
  Re: حقيبة الفن-شعراء حقيبه الفن وفنونها-مقال توثيقى AnwarKing03-01-03, 00:38 AM
  Re: حقيبة الفن maia03-03-03, 10:11 AM
  Re: حقيبة الفن AnwarKing03-03-03, 07:27 PM
  Re: حقيبة الفن يازولyazoalيازول05-15-03, 12:00 PM
    Re: حقيبة الفن يازولyazoalيازول06-17-03, 11:21 AM
  Re: حقيبة الفن عبدالقادر الكتيابي05-15-03, 01:12 PM
  Re: حقيبة الفن salam05-16-03, 05:09 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de