هنا أختكم د. حياة عبد الملك .. تولول وتكيل الرماد في رأسها .. وتقول ليكم بقّجوا بقّجوا .. أهربوا .. هى أكبر بوق من أبواق الحرب والعنصرية في الشمال .. الأن وصلت الميس .. وبقت في البكاء في يوم لا ينفع البكاء ..
أنت وعدوي اللدود الحوثي محتاجين تدريب لكي تقللوا أثار الحرب .. التى يفنخ فيها أبواق الحرب في مناطقكم .. ما تقيفوا متفرجين .. من الأن تحتاجون .. تعرفوا مكاتب الهلال الأحمر .. وكم عدد عربات الأسعاف .. المناطق التى لا يوجد بها إسعاف تخططوا من أين وكيف تسعفوها .. شيئ أخر، البرامج المدرسية والرياضية .. لازم تخططوا لها لشغل الأطفال في المدارس .. سحب أي مظهر من مظاهر الحرب .. ما تخلوا حتي الجيش يعمل مسيرات عسكرية داخل المدن ..
برضو حددوا أماكن تجمعات أهل المدينة والقرية حال حصل أشتعلت النيران .. الأماكن والممرات الآمنة .. وتحديد دليل أو أكثر لكل قرية يحرك الناس لأماكن الأمان .. وإذا جاءتكم عربات الدعم السريع .. لا تعترضوها .. يسروا مهمتهم وأستضيفوهم وأمنوا علي أنكم ليس ضدهم .. ح يمروا بسلام دون أن يمسوكم .. ولا تطلقوا عليهم النار أبداً .. أنا شفت فيديو لسكان الجزيرة في القري .. كانوا عندهم خيمة كبيرة .. أتلمت فيها كل القرية .. وعربات الدعم تشق القرية .. وكان يعدون العربات .. هناك عربة عرجت من الطريق وصارت مقدمتها متجهه نحوهم تماماً .. قال أحدهم جوكم عدييل .. فيهم رجل رشيد قال ليهم زول يتحرك ما في أصبروا خلونا نسمعوه عايز يقول شنو؟ في الحقيقة العربة تفادت حفرة في الطريق .. وعرجت مرة أخري للطريق العام .. قام ناس القرية تغالطوا .. قالوا الناس ديل ما قاصدين القري .. الناس ديل ماشين في طريقهم .. وما عندهم شغلة بزول .. نشروا مشاهداتهم لأهل القري المجاورة قري الجزيرة جميعها لم يسقط فيها زول قتيل .. إلا من عمل فيها راجل وجري يقاتل ..
أسمع يا المنصوري .. كلامي دا يفيدنا جميعاً .. كل إنسان يسقط في أي بقعة في أرض وطنا فشل لينا جميعاً .. وها أنا بلغتكم .. ونحن نعرف الحرب وخبرناها .. ما حبابها أبداً ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
فيس بوك
تويتر
انستقرام
يوتيوب
بنتيريست