حوار هــــــــــــــادئ معا الزميل عبدالله حسين حول أطروحات الحزب الشيوعي..

Quote: أنا بشاشا كنتا رسميا مدون في دفاتر "الاتجاه الإسلامي" ك "كادر شيوعي سري" تخيلو هذا!! مش فقط ايام مقهي النشاط في جامعة الخرطوم وانما في ملفات جهاز أمن نظام القتلة، بل رسميا بعد الإنقلاب!!! لهذا لما جيت السودان في ١٩٩٣م تما توقيفي في مطار الخرطوم وسحب جوازي السوداني حينها، مني في المطار!! ليه؟ حسب ماعرفتا من اهلي الوالغين في اعماق هذا النظام، فده كان لانو في الفايل بتاعي عندهم من قبل الإنقلاب ومنذ الثمانينات كنت مصنف ك "كادر سري، شيوعي" تخيلو هذا!! نعم ايام الجامعة كنتا مرصود بي صورة لايمكن تتخيلا إطلاقا، لي درجة كانت كوادرم الأمنية بتباريني مكان مامشيت وانا مجرد فرد، ولكن كنتا ناشط عمري كلو في الجامعة لما ضيعتا سنة كاملة نعم "ربتا" بي سبب السكن في مقهي النشاط، ابدا يومي بالشيوعي أمر بالكيزان واختم بالجمهورين!!! حسب ماعرفتا هم كانو بنظرو لي دواسي معا الحاج وراق يومي، كتمثيل وتمويه تخيلو هذا!! أنا عرفتا اني مراقب في زيارة لي لي بنك التضامن الاسلامي، لما جو خاشين وراي ٤ من امننجية الكيزان في الثمانينات، أو لاقاهم عوض الجاز في الباب، مدير البنك أو بسرعة دخل بيهم جوا!!!! الكلام ده جاني من جوا الجوا، ولذا من اليوم داك بقيت انتبه ولكن كنتا بكتفي بالضحك لمان القاهم راكبين وراي في بص حاج يوسف، علي كده بروح نازل في محطة ساكت كده عاشان اتاكد، وارجع اركب، أو هم تاني بركبو معاي!! ده كان سبب أساسي أنا قمت فللي من السودان لاني كنتا واثق جدا الكيزان جايين جايين "لحماية الدين" ولو كنتا حينها في السودان، لربما كانت هذه نهاية حياتي!!!! السبب في ده كلو كان تصرف غبي جدا مني، وهذا تخمين من عندي، اني في واحدة عكات الثمانينيات في الجامعة الكانت عنيفة كنتا حايم براااي، في وسط الضرب مابين الكيزان وبقية الاحزاب، والضرب كان تقيل حينها، اشتباكات بالايدي، بالسيخ، بالعكاكيز بالحجارة، وانا في ده كلو كنتا بجري من معركة لي معركة بكل غباء كايس اتفرج أو ده هو ما اثار حفيظة منظومة الكيزان الأمنية في تقديري!!!