Quote: من خلال ونستي معاه عرفت إنه اسم ريكاردو ( اسبانيا)
هو تحوير لاسم ريتشارد الانجليزي... شفت كيف..***يا فلنقاي ما نسيتك راجع ليك.. |
وبرضو بيير عندالفرنسيين يا دكتور/
هو بيتر باللنقيزي و بطرس عندنا، وجون هو يوحنا المعمدان!
+ في مداخلة لينا مع أديبنا / خواض ذكرنا جانباً مندراستنا
المُتواضعة في علم الأنثروبولوجي الاجتماعي بالذات، حثُ
قلنا: جورج هو جرجس اللي هو تحريف لي الكلب / جرقاس
عشان تعرف عاطفة الرفق بالحيوان راسخة في هؤلاء القوم لدرجة
يسمو عليه واحد من عيار جورج الخامس سيد أمبراطوية لم تكُن لتغيب
عنها الشمس قبل مفاصلة البريك / زيت و كمان جورج اشنطن بتاع
إرم زات العماد التي لم يُخلق متلا في البلاد.
+ بي مواصبة جرقاس ، مرة بيحكي لينا بي خسرة وضياع و رعشة
الكف الخطيب ، قالللي بقينا لامن الواحد يجي يشخ في الحيطة، أول حاجة
يعمل تقدير موغف ، و ينتكل عليها ؛ و دا موش بس من مواتة حيلنا مو شايلنا
بقدرما هو رفقٌ بالحيطة ذات نفسها و خوف ٌعلىها و هي جالوص تقوم تترَّع
تنماص تجي واقعة متهايسة فوقنا على عروشها ، تلحقنا أمات طه.
▪ قمت ضحكت و علقت بخباثة كدا قلتلو: و الله يا عمي الكلب تراهو ما في
أبدن زولن هاين روحو. طبعن نقشا و هي طايرة ؛
+ فقام كشم معاي كشمة صفراء و قاللي : كيفن عاد يا ولدي و كان ماك
عارف كمان ، أهو زيي أنا مسلن، أصلن يوم أبوي جرقاس و أمي بُرييبة
ولدوني جريوَن كدا حلاة الدنيا عليا ، ضابحين لي كبشين أملحين و مسميني
حاج أبراهيم :علا لكن هسة هانت الزلابية لامن بزغ فوقا الضبان تبع الليان
و شايف كمان بعض المتطفللين بعدما سقطتْ بس و بس بقو بي تحت تحت
يتنمرو علينا ينبزونا بالألقاب "بئس الاسم الفسوق بعد الإيمان"
و ينادوني:يا كلب ابن 60 الف كلب كمان!!
● و إتا في دا و لا و كمان الشُفع يكوركو فيني: اللسان الشايلو دا
أطولمن حنكك دا زاتو مو حقك دا حق تمساح و هداك سيد الحق زاتو
جاييك مارق من البحر يقلع منك لسانو. و المصيبة أتحخل إني مرات
لامن أأقرب أصدقم و أقوم جاري حرصاُ على لساني و ضنبي.
● فبالله شايف كيف .دي عُشرة الأيام مع بني الإنسان و حلات
يتمشدقو ويقولولك: ( Dog Is The Man's Best Friend)؟!!
دفع الله ود الأصيل
فيس بوك
تويتر
انستقرام
يوتيوب
بنتيريست