|
Re: بكل هدوء .. هاشم صديق! (Re: Biraima M Adam)
|
عوافي يا بريمة
هاشم صديق بمثلك
وقبل ما اقول ليك بمثلك كيف
خليني أول شي أقول
وأنا الجاي من قلب اواسط السودان المكلوم
إنه
عبد الله الكاظم يمثلني محمد حامد آدم يمثلني فضيلي جماع يمثلني ابراهيم موسى ابا يمثلني جمعة جابر يمثلني عبد القادر سالم يمثلني النائب دبكة يمثلني السلطان تاج الدين الكبير يمثلني بابو نمر يمثلني مادبو يمثلني منعم منصور يمثلني
أب قزه يمثلني (دا اسأل منه ناس نيالا البحير)
عيسى الضي، من نواحي الغبشة وود عشانا، يمثلني (دا استاذي العلمني الإنجليزي في الثانوي) استاذ معلا، من عمق بوادي كردفان، يمثلني (ودا العلمني اللغة الفرنسية في الثانوي)
ولسه القائمة طويلة ومليانة
وكل واحد من ديل محتاج مقالات طويلة عشان اشرح كيف بمثلني
دا يا بريمة مش كلام عاطفي ورومانسي ونرجسي والله بس والله ما بتسع المقام للشرح الطويل
النجي اقول ليك كيف هاشم صديق بمثلك
هاشم يا بريمة ما والي ولا وزير ولا محافظ ولا حتى موظف في الحكومة
وزي ما الناس الفي القائمة أعلاه ديل ما فيهم زول عمل لينا بير ارتوازية مثلا ولا مدرسة ولا شفخانة في قريتنا
برضو هاشم صديق اكيد ما عمل حاجة زي دي في بوادي وقري ومراحيل وحلال كردفان ودارفور، ولا في غيرها من اقليم السودان كله
لكن الأكيد انه علم ودرس واتخرج علي ايده العشرات أو المئات من طلبة العلم في معهد الموسيقى والمسرح (من كردفان ودارفور)
والأكيد انه الألاف كمان (من كردفان ودارفور) استلهمو منه معنى الوطن والانتماء وفضيلة الصدق من اشعاره ومسرحياته
والأكيد انه "ام بلينه السنوسي" غنت وصدحت وانشدت وكانت بتبكي "وكان القرشي شهيدنا الأول وما اتراجعنا" القرشي المن "القراصة" نواحي بحر ابيض، ما نواحي الفولة ولا ود بنده ولا المجلد ودا نشيد هاشم صديق
والأكيد انه في سواق "تيمس" مركب "كوز" في المكنة وماشي من الضعين لي النهود ومشغل شريط كاسيت وبسمع في اغنية "الفين سلام يا يوما" وهو طربان ونشوان ودا غناء هاشم صديق
هاشم قدم وبقدم الجمال والوعي والصدق والإخلاص للناس ودي حاجات ما بتتلقي في دواوين الحكومة ولا في البقالات ولا في ثكنات الجيش وسعرها أغلى من أي شي في الحياة لما تلقاها وتمتلكها
وهاشم صديق بديها الناس والعالمين ب المجان وبدون مقابل
الكلام ولنضمي كتير والله يا بريمة
لكن ما داير ابقى ممل
المهم والله هاشم صديق بمثلك شئت أم أبيت
زي لما مثلا نائب الدائرة الانتخابية عندكم في امريكا يفوز وانت ما صوت ليه وما بتحبه لكن بخدم دائرتك أو ولايتك ومقاطعتك ويوفر ليك خدمات ومنافع إنت بتستفيد منها ولسه بتكون بتكرهه
مع التحية والتقدير
|
|
|
|
|
|
|
العنوان |
الكاتب |
Date |
بكل هدوء .. هاشم صديق! | Biraima M Adam | 09-14-23, 10:28 AM |
Re: بكل هدوء .. هاشم صديق! | Biraima M Adam | 09-14-23, 10:38 AM |
Re: بكل هدوء .. هاشم صديق! | Biraima M Adam | 09-14-23, 10:46 AM |
Re: بكل هدوء .. هاشم صديق! | Biraima M Adam | 09-14-23, 11:03 AM |
Re: بكل هدوء .. هاشم صديق! | Biraima M Adam | 09-14-23, 11:14 AM |
Re: بكل هدوء .. هاشم صديق! | Hasheem Karouri | 09-14-23, 11:13 AM |
Re: بكل هدوء .. هاشم صديق! | أبوذر بابكر | 09-14-23, 11:15 AM |
Re: بكل هدوء .. هاشم صديق! | Biraima M Adam | 09-14-23, 12:37 PM |
Re: بكل هدوء .. هاشم صديق! | Biraima M Adam | 09-14-23, 01:00 PM |
Re: بكل هدوء .. هاشم صديق! | Arif Nashed | 09-14-23, 01:12 PM |
Re: بكل هدوء .. هاشم صديق! | أبوذر بابكر | 09-14-23, 01:19 PM |
Re: بكل هدوء .. هاشم صديق! | يحي قباني | 09-14-23, 02:09 PM |
Re: بكل هدوء .. هاشم صديق! | نعمات عماد | 09-14-23, 02:15 PM |
Re: بكل هدوء .. هاشم صديق! | Arif Nashed | 09-14-23, 02:28 PM |
Re: بكل هدوء .. هاشم صديق! | haider osman | 09-14-23, 02:28 PM |
Re: بكل هدوء .. هاشم صديق! | Biraima M Adam | 09-15-23, 02:43 AM |
Re: بكل هدوء .. هاشم صديق! | Biraima M Adam | 09-14-23, 07:24 PM |
Re: بكل هدوء .. هاشم صديق! | Biraima M Adam | 09-14-23, 04:56 PM |
Re: بكل هدوء .. هاشم صديق! | Arif Nashed | 09-14-23, 05:13 PM |
Re: بكل هدوء .. هاشم صديق! | محمد محمد قاضي | 09-14-23, 02:27 PM |
Re: بكل هدوء .. هاشم صديق! | HAIDER ALZAIN | 09-14-23, 02:35 PM |
Re: بكل هدوء .. هاشم صديق! | Biraima M Adam | 09-14-23, 04:27 PM |
Re: بكل هدوء .. هاشم صديق! | Biraima M Adam | 09-14-23, 04:31 PM |
Re: بكل هدوء .. هاشم صديق! | Mahjob Abdalla | 09-14-23, 05:51 PM |
Re: بكل هدوء .. هاشم صديق! | يحي قباني | 09-14-23, 08:33 PM |
Re: بكل هدوء .. هاشم صديق! | Biraima M Adam | 09-15-23, 02:50 AM |
|
|
|