|
|
 Re: السيد البرهان هذا ماوصلنا له (Re: haider osman)
|
لحمزة عمر
*إنه حوار الأمل والحنين رغم الجراحات والحزن الدفين‼️💔🇸🇩😰 .. 💔🇸🇩😰*
*قالت لأبوها :*
*متين نرجع يابا؟ إشتهيت بيتنا وحوشنا وجيرانا وصحبات الدراسة⁉️😰*
*قال ليها :*
*باكر الخرطوم حترجع طفلة جذابه وقيافه🌹*
*وتاني يتلمو الحبايب ويملوا بالضحكات ضفافا🌹*
*ترجع الخرطوم جميله زي عروس في يوم زفافا🌹*
*وكل حاجه حتبقى أجمل منتهي الذوق واللطافه🌹*
*الظروف الفرَّقتنا قرَّبت بينا المسافه🌹*
*شان نعود من تاني أقوى ونتَّحِد ضد أي آفة🌹*
*في النخل قمريه غنت ودوزنت وتر الربابة🌹*
*ومن جمال توتيل حنشرب قهوة في ضل الهشابة🌹*
*الحلم هدااااك يتاوق شايفو في ضهر السحابة🌹*
*والبلد خيراتا وافرةوعامرة بي شيبا وشبابا🌹*
*شوقي لي بحري الحنينة ولي شباب شمبات ونيما🌹*
*وفاقد الخرطوم وبري وروعة أم در القديمة🌹*
*يرجعوا الغايبين ديارم وتكسب النية السليمة🌹*
*ونفرش الحيشان محبه وترجع أيامنا الوسيمة🌹*
*زغردن بنوت فريقنا ويا شباب بالفرحة غنوا🌹*
*وكل زول كايس خرابنا ما نجح خيَّبنا ظنو🌹*
*بتعرف الخرطوم ولادا وتعرف الناس البِحِنُّو🌹*
*لي مراكب مهما تبحر مقرن النيلين بجَنُّو🌹*
*يا بلاد النيل مقامك عالي بي فوق للثريا🌹*
*هِزِّي جذع النخله يسقط بالسلام رطباً جنيا🌹*
*باكر الغيمات يجنك بالبشارات النديِّه🌹*
🥰💓🇸🇩 .. 🥰💓🇸🇩
|
|
 
|
|
|
|
فيس بوك
تويتر
انستقرام
يوتيوب
بنتيريست