أنا بيك سعادتي مؤكدة وبلاك حياتي منكدة حرام عليك ياجميل مابصح ليك تعمل كدا ***** يامن محاسنك بي قلوب العاشقين مستفردة خليتني أشكو من الغرام وأقول حقائق مفردة حرام عليك يا جميل ما بصح ليك تعمل كدا ***** وأقول حبيبي عمل عدوي خلاني للأذى والردى ماعندي مانع حتى لو ضيعني ساكن الموردة حرام عليك ياجميل مابصح ليك تعمل كدا ***** أنا بي محاسنك بفتخر وانت المحاسن سيدا مهما أعاين في الشاب وين زي محاسنك أوجدا حرام عليك يا جميل ما بصح ليك تعمل كدا ***** البدر ان شافك يدوب من الأنوار الجيدة أما الشمس لو شافتك ترجع أسيرة مقيدة حرام عليك ياجميل مابصح ليك تعمل كدا ***** أنا طرفي شايفك ياجميل فقت اللجين والعسجدا يومي الاشوفك يبقى عيد والدنيا تبقى معيدة حرام عليك ياجميل ما بصح ليك تعمل كدا ***** متى روحي من هذا العذاب تشفق عليها وتنجدا حرام عليك ياجميل مابصح ليك نعمل كدا يا من على حرب العشوق لحظك سيوفو مجندا قامتك رطيبة كأنها مخلوقة من زهر الندى ***** مالحكمة في كونك بخيل وأهلك أرابيب الندى أصلك بتدلل علي والا الحكاية معاندة ياجميل مابصح ليك تعمل كدا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة