دانات الخرطوم الخرطوم ولا جحيم الولايات

Quote: #واقع_مؤلم💔 بيت في عطبرة سيده عايز مقدم شهرين بمليار و500 غرفتين وصالتين وحوش شقة في شندي غرفتين ومطبخ وحمام بي مليار و200 مليون شقة في مدني .. غرفة وصالة وحمام ب مليار و200 .. صالون وحمام بدون عفش وبدون مطبخ في دنقلا ب 600 شقة استديو فيها كولر موية وبويلر شاي و4 سراير في دنقلا ب 600 .. ايجار الغرفة الواحدة في بيت عادي مع حمام بلدي مشترك في حلفا للناس الراجين التأشيرات اليوم بي 40 الف يعني للشهر مليار و 200 وفي ناس شهر تأشيرتهم ما بتطلع بيت ارضي في بوتسودان بدون موية وكهربا اليوم ب 35 لليوم بيت تحت الإنشاء بدون بياض وشبابيك بدون قزاز في دنقلا الشهر ب200 وتمشي تحنس الجيران يدوك كهربا .. علي حسب طلب سيده دا غير البيوت العايزين يفصلوها ومطالبين بايجار شهرين عشان يبنو المطبخ والحمام ويفصلها بحيطة ليه دا كله بدون أسباب؟ ماحألوم زول في حقو .. ابداً والقال حقي غلب .. لكن .. نحن كان امنا مكر ربنا بينا .. في الخرطوم ونمنا في حال .. وصحينا في حال لانو لايأمن مكر ربك الا القوم الخاسرون .. مرقنا وخلينا (القروش ورانا ) خلينا عربات ودهب .. وخلينا ارواحنا معلقة في حيط بيوتنا .. وذكرياتنا .. واحلامنا لاطفالنا ... ودا للبعاين بعين بصيرتو ( اغلي الممتلكات) غلو وتاجروا فينا قدر ما تقدروا .. دا حقكم استغلونا كمان وكمان ... اصلو ما ترحمونا ولا ترأفوا بحالنا .. اختاروا تكونو غربان ورخم تقتات بالجيف .. علها تشبعكم . واسأل الله انو ربنا يلطف بيكم وقدر الدم البتمصوهو من اخوانكم دا .. ما تصرفوه علي علاج اطفالكم ... واسأل الله انو اكفانكم تكون فيها جيوب ... عشان تقدروا تشترو من سوق المقابر موية تبل ريقكم لما ربنا يسألكم من نجدة الملهوف .. وتأمين الخايف .. كفار قريش كانو في وادي غير ذي زرع .. وكانو بخلطو الموية بالذبيب في موسم الحج .. وحتي ذوات الرايات الحمر كانو طلبا للبركة بفتحو خيامهم للحجاج الاغراال مجان للمبيت والاكل والشرب ما بنقول ابقو زي كفار قريش في النخوة .. لكن كمان ماتبقو قوم هود ... مبروك عليكم غناكم😑