"توقيع إتفاق إستسلام مع الدعم السريع" ! السودان وشعبه ليس ملكا للبرهان كما تعلم!

Quote: العزيزة هدي، والاخ ود الاصيل، الاستسلام هو كيف اكتر من انو العدو يدخل مكتبك داخل القيادة العامة؟ كيف انت قايد القوات المسلحة ليك ٧١ يوم، ما قادر تتفقد قواعدك العسكرية؟ وما قادر تتحرك بحرية في محيط ٣ كلم مربع؟فيدل كاستروا قبل ٤٠ سنة عندما هجم المتمردين كوبا، خطب كاستروا ولعن اميركا التي ارسلتهم وقال علي الكوبين التجنيد، وقبل أن يذهب الي مكتبه، كان ربع مليون كوبي يتلمظون من الغضب ويتدفقون في الشوارع ووضعوا انفسهم تحت اوامر وتعليمات كاسترو، والبرهان للان مافي شخص خرج استجابة لحملة الانضمام للجيش والتجنيد التي اطلقهاما عدا ٣٠ شخص في محطة صديقالصقعي بالحاج يوسف ونصفهم اصلا من الجيش.، لأنه فاشل. حرفيا جنوب وغرب كردفان سقطت، واكتر من ٥ طائرات عسكرية سقطت، حاميات سقطت، كل أسبوع من ١٠٠ الي ٢٠٠ عسكري استسلموا للدعامة، امبارح اخلاء قاعدة وادي سيدنا، الدعامة في قروباتهم الخاصة فرحانيين بوصول ٦٢٠ تاتشر يوم وقفة العيد من ليبيا، والبرهان ما معروف وين، الاستسلام دا كيف اكتر من كدا يا هدي ميرغني