|
|
 Re: صورة دعامية .. جميلة ترتدي الكدمول .. لفتت ن (Re: Biraima M Adam)
|
ول ابا بريمة..حبابك يا صديقي
ناس الدعم السريع ، عندنا استاذنا واحد من اهلك المسيرية قاعد يسميهم (السخلان)..
Kids
عندهم حاجات عجيبة..تلقاهم شايلين الكلاشات وبيلعبوا كرة قدم في نص الحلة..
واحد كتب..قال ناس الدعم السريع من شدة ما اتعودنا عليهم في صالحة جنوب الفيتحاب..مرة حبوبتي نادت واحد منهم وقالت ليهو عليك الله امشي اشتري لي رغيف..والشاب مشى قضى المشوار وجا راجع..
في كبري ود البشير في امبدة..ضابحين وبيعزموا المواطنين..
حكاية الحكامات موجودة..ومثلما ذكرت لصديقنا البيلي..لمن فتحت البوست ده كان في راسي فيديو لشابة لابسة كدمول وشلوفتها مدقوقة خضيرة ..وبتتكلم..وفي فيديو تاني لواحدة ماسكة ليها دوشكا وشغالة شعر في الدعم السريع..
طبعا يا ول ابا بقينا ناس تسجيلات في الواتساب..وكنت عملت تسجيل ذكرت فيه ملاحظة..ان ناس الدعم السريع شباب صغار (اغلبهم دون سن الأربعين) وروحهم المعنوية عالية شديد ، وعقيدتهم القتالية واضحة..أي فيديو ينزل طوالي بيشيروا الى قائدهم حميدتي وبيطمنوهو انهم صامدين..يا خي الشباب ديل اظن ايمانهم بحميدتي اقوى من ايمانهم برب العالمين..وطوالي شغالين تكبير (الله اكبر ..الله اكبر)..
ديل يا اخوي ما ناس خلا ، مثلما كان البعض يغشنا..الخلا فقط في اخلاقهم الإيجابية ومحاولة تحسين صورتهم..يقبضوا ليك ضابط برتبة فريق..يدوهو التحية العسكرية ويتعاملوا معاهو بكل ادب وذوق..ادخلوا قيم جديدة للغاية..عكس ناس الجيش..عقيدة ناس الجيش القتالية تعبانة للغاية..شاهدت تسجيلات..يقولوا ليك التحية لجنود القوات المسلحة وضباط القوات المسلحة ولا تحية لجنرلات الجيش..وما شفنا ليهم فيدوهات تتكلم عن اسرى الدعم السريع..بل حتى الفيديوهات القليلة الجابوهوا..تم التشكيك فيها بانو ناس الجيش بيقبضوا مواطنين عاديين وبيقولوا ليهم قولوا نحن قوات دعم سريع..وبينسوا انو ناس الدعم السريع عندهم بطاقات عسكرية..لأنو ناس الدعم السريع لمن يقبضوا ليهم ضابط لازم في تعريف نفسه يذكر رقم البطاقة العسكرية والدفعة والوحدة..
فعلا يا صديقي الحرب كعبة..وزمان كنا بنقول لازم تصل الخرطوم..والآن وصلت الخرطوم..ولازال بعض المكابرين لا يكلف نفسه بالإعتذار للشعوب السودانية التي عاشت تحت مظلة الحرب لعشرات السنين..شايف اليومين دي دوبك بعض الناس صحى ضميرها واتذكرت فيديوهات جبال النوبة التي تظهر ضحايا الطيران العسكري السوداني ، وان احدهم كان يتحدث ويقول مانراه في جبال النوبة سيصل الخرطوم ذات يوم..!!
تحياتي
كبر
|
|
  
|
|
|
|
|
| العنوان |
الكاتب |
Date |
| صورة دعامية .. جميلة ترتدي الكدمول .. لفتت نظر الكثيرين! | Biraima M Adam | 05-05-23, 05:01 PM |
| Re: صورة دعامية .. جميلة ترتدي الكدمول .. لفتت ن | AMNA MUKHTAR | 05-05-23, 06:39 PM |
| Re: صورة دعامية .. جميلة ترتدي الكدمول .. لفتت ن | Biraima M Adam | 05-05-23, 08:50 PM |
| Re: صورة دعامية .. جميلة ترتدي الكدمول .. لفتت ن | Biraima M Adam | 05-06-23, 11:15 PM |
| Re: صورة دعامية .. جميلة ترتدي الكدمول .. لفتت ن | بشير حسـن بشـير | 05-07-23, 01:33 AM |
| Re: صورة دعامية .. جميلة ترتدي الكدمول .. لفتت ن | Biraima M Adam | 05-07-23, 01:57 AM |
| Re: صورة دعامية .. جميلة ترتدي الكدمول .. لفتت ن | منتصر عبد الباسط | 05-07-23, 02:31 AM |
| Re: صورة دعامية .. جميلة ترتدي الكدمول .. لفتت ن | Biraima M Adam | 05-07-23, 02:55 AM |
| Re: صورة دعامية .. جميلة ترتدي الكدمول .. لفتت ن | امتثال عبدالله | 05-07-23, 05:16 AM |
| Re: صورة دعامية .. جميلة ترتدي الكدمول .. لفتت ن | عبدالقادر محمد | 05-07-23, 06:28 AM |
| Re: صورة دعامية .. جميلة ترتدي الكدمول .. لفتت ن | محجوب البيلي | 05-07-23, 02:02 PM |
| Re: صورة دعامية .. جميلة ترتدي الكدمول .. لفتت ن | Biraima M Adam | 05-07-23, 02:36 PM |
| Re: صورة دعامية .. جميلة ترتدي الكدمول .. لفتت ن | bakri abdalla | 05-09-23, 05:57 AM |
| Re: صورة دعامية .. جميلة ترتدي الكدمول .. لفتت ن | Kabar | 05-09-23, 06:41 AM |
| Re: صورة دعامية .. جميلة ترتدي الكدمول .. لفتت ن | Kabar | 05-09-23, 07:58 AM |
| Re: صورة دعامية .. جميلة ترتدي الكدمول .. لفتت ن | Deng | 05-09-23, 12:04 PM |
| Re: صورة دعامية .. جميلة ترتدي الكدمول .. لفتت ن | Biraima M Adam | 05-09-23, 01:13 PM |
| Re: صورة دعامية .. جميلة ترتدي الكدمول .. لفتت ن | Biraima M Adam | 05-09-23, 01:21 PM |
| Re: صورة دعامية .. جميلة ترتدي الكدمول .. لفتت ن | الامين موسى البشاري | 05-09-23, 01:31 PM |
| Re: صورة دعامية .. جميلة ترتدي الكدمول .. لفتت ن | Biraima M Adam | 05-09-23, 02:02 PM |
| Re: صورة دعامية .. جميلة ترتدي الكدمول .. لفتت ن | محمد عبد الله الحسين | 05-10-23, 11:47 AM |
|
| |
Kabar
فيس بوك
تويتر
انستقرام
يوتيوب
بنتيريست